WELCOME TO CHHUNGPUIA RENTHLEI BLOG

VIDEO CALL

-Er. Chhungpuia Renthlei

Video Call awmzia ber chu tuna kan inbiakna tlanglawn ber tawng ri mai bakah keimahni picture nen a inbiakna hi a ni. Telecommunication ah hian Voice call pangngai hian 1G leh 2G a hmanga a, Video call vethung chuan 3G leh 4G a hmang thung. Video call feature hmang tur chuan internet chak tha tak leh camera fiah tha tak kan nei tur a ni.  

A hmasa in  Bell Laboratory ah  lut lawk teh ang. Kum 1876  March 10  kha  Telecommunication khawvelah chuan ni pawimawh leh chhinchhiah  tlak ber a ni ngei mai le. Hemi ni hian  Boston laboratory ah scientist ropui leh hmingthang  Alexander Graham Bell  chuan telephone  hmanga inbiakna khawl a  siamchhuak thei ta. Alexander Graham Bell   chuan 'Mr. Watson, Come Here ...'  tiin room leh lama  awm Thomas A. Watson chu a phone a. Hei hi khawvela  telephone hmanga  inbiakna tawngkam hmasa ber a ni.

Aw le, Video call chungchang  ah han lut tawh ila . Khawvela public video telephone service hmasa ber chu German rama television broadcasting technology department a an hotupa ber, German mithiam  Dr. Georg Schubert a chuan kum 1936 daih tawh khan a l hmuchhuak.  March 1, 1936 khan Post Office Minister  Paul von Eltz-Rübenach  chuan  German khawpui Berlin ah ropui takin a hawng nghe nghe. He an thil hmuhchhuah hmang hian Berlin  atangin  mile 100 lai a hla  a awm Leipzig  khua  chu broadband coaxial cable hmangin  an be thei a ni.

Hun a liam zela  kum 1964  a rawn inher chhuah meuh chuan Television  system  mai bakah  Telephone  pangngai hmanga picture nen a inbiakna  "video call"  chu Telecommunications company lian ber American Telephone and Telegraph Company (AT&T Inc. )   chuan   an siam chhuak leh ta der mai.  AT&T Inc.  bul tanna  hi  Southwestern Bell Telephone Company an tih mai kum 1880 a  Alexander Graham dinchhuah  Bell Telephone Company a ni nghe nghe. Hun a liam zel a kum 1885 khan  Bell Telephone Company  hi  American Telephone & Telegraph Company (AT&T Corporation.) AT&T  hi  USA  ah chuan  fixed telephone service provider lian ber  mobile telephone services lian ber pahnihna a ni bawk.

Kum 1999 khan Japan chuan Personal Handy-phone System (PHS)  an tih mai Kyocera VP-210 Visual Phone an siam chhuak a. Hei hi Mipui ten duh ang a kan hman ve theih commercial mobile videophone  handset hmasa ber a ni. Tin, satellite hmanga video broadcast  ti hmasaber chu Afghanistan a ni bawk.

Computer  leh mobile  hmanga video calling hi  ram changkang zawk te chuan an uar chho hle tawh mai. Tunlai a Video calling tih theihna awlsam  deuh deuh te  WhatsApp, Google Duo, Google Hangouts, Facebook Messenger, Skype,Facetime, Vibere e.t.c  te hi a ni.  Keini mizoramah pawh hian internet connection speed a tha chho ve viau tawh a, mi naran pawhin  Smartphone  kan neih deuh vek tawh a, awlsam takin video calling  a tih theih ta.  Aw le, Google duo video call video calling  leh WhatsApp video call te han tarlang lawk ila:

 Google duo video call

Google Duo is hi  mi lem fiah fai tak(high definition)  video chat mobile application  atana  Google company siam a ni. Android leh  iOS operating system atan a  hman tura ni. Google's developer conference  May 18, 2016 a   tlangzarh a nih hnu ah  August 16, 2016 atang khan khawvel  ram pum huapa  hman theih a released a ni bawk. Google Duo video call ah hian  720p HD video  laia sangin  milem a lang thei Kumin march 2018 khan Google Duo ah  video leh voice messages  an telh thar leh  bawk. Google Duo video call hmang tur hian smartphone ah  HD Voice   turned on tur a ni. Tichuan,  Video Calling  feature kha  turn on  mai leh  tur a ni.

WhatsApp video calls:

Computer leh IT chanchinbu lar tak PCWorld  chuan  November 15, 2016 daih tawh khan WhatsApp ah Video call a tih theih thu hi an lo sawi daih tawh a. WhatsApp an siam atanga thla 20 naah Video call ing  feature hi an lo telh daih tawh a ni. Facebook Messenger ah chuan April 2015 khan video calling feature hi an telh tawh.

WhatsApp video call  kan hmand duh anih chuan kan biak duh te khan whatsApp an hmang ve  ngei ngei tur a ni. Tin, network connection  tha pangngai tak neih ve ve a ngai bawk. WhatsApp hmanga video call tih dan awlsam ber chu kan biak duh te contact number  select a Video call tab hmeh mai tur a ni. India ram chhungah ringawt pawh nikum 2017 khan nitin  55 million whatsApp video call a awm  a ni. Video call  lamah Company in elna a sang chho zel a, tunah hian WhatsApp user ten vawikhatah mi pakhat chauh video call kan ti thei.  WhatsApp  in a ruahman ang chuan ,group video call pawh release thuai tur a ni. Nakin lawkah chuan  a rualin mi pali  kan in be thei dawn a nih chu.