THU UAR LUTUK HI
-Chhungpuia Renthlei
Thu uar chungchang hi keini ringtu te text bu pawimawh ber “ Bible “ ah in ziak chiah lo mahse, he khawvela thil siam zinga chungnung ber hringfa te zingah hian mi chi hnih, “Thu uar mi” leh “Thu uar lo mi” kan lo awm teh meuh mai le ! Mizo Society mai nilo, khawvel pum huapah dan naranin, mipa hian thu kan uar vak ngai lo thin. Kei lah pek roh hi mipa ka nih vang nilovin, uar taka thu sawi tura tawngkam ka thiam tawk loh thin vang zawk hian thu uar mite zinga ka inchhiar tel ve loh thu hi uar takin ka sawi ve fo ta mai!
Uar taka thu han sawi te hi hmeichhia leh naupang tih awm tawk ah mipa tam zawk chuan kan ngaih thu han sawi ta ila ka uar mah mah lovang chu maw? Hman lai mizo pasaltha ten “A va han na tak em !” tih thu meuh hmanga uar taka an na tawrh thu an sawi meuh tawh te hi chuan khum beta mutpui loh rual loh natna an nei anih loh vek leh thihna khawp hial hliampui an tuar mek thin. Hetihlai hian tunlai mizo zingah patling than kin tawh leh family ration card tlar hmasa bera hming chuang vung mai tawh ten “em em” an han ti duai duai te, “rapthlak” an han ti hlui hlui ngat te phei hi chu “She is a man” ti ila kan uar lutuk em em lovang chu !
Kan uar ta sa sa, han uar leh zel teh ang. Uar taka sawi na hmun leh hunah chuan thu uar hrim hrim hi a thalo reng reng lo tih erawh uar taka sawi erawh a tul ve tho mai. Kan thil sawi a zirin a awm tawk leh inhmeh tawk a uarna hmun leh hun a awm thin a ni zawk. Uarna tlak leh uarna tur hmunah chuan uar taka hman ngei tur a ni.
Hetihlai hian thu uarna tawngkam kan hman dawn anih chuan hmanna tur awm reng a ni em? Uar a phu chiah em? Uar lutuk lovin tawngkam pangai hman ni zawk ta se sawhkhawk a nei tha zawk angem ? tih te ngaihtuah hmasak pawimawh ber fo. Hmanlai Mizo lal leh mipa pangngai tawngkamah tawpkhawk leh rapthlak tling khawpa tawpkhawk leh rapthlak hi a awm ngailo tluk a ni. A aia nasa a lo thlen huna hman tur thumal khêk nachang hriat a tha fo. “He pa zet hi chu a hmelchhe tawpkhawk a ni,” tiin chanchinbuah ziak ila, a tûkah a aia hmelchhe zawk awm leh ta se, “tawpkhawk” meuh kan hman tawh hnuah, eng tawngkam bungraw hmangin nge chu pa hmelchhiat zia chu kan sawi uar tawh chuan ang le? Mizo tawng hmang lovin hnam dang tawng Greek leh Latin te kan hman atul hial mai lovang maw? Patling meuhvin an nupui fanaute hriatah ‘rapthlak’ tih thumal hmang fo ta sela, an nupui fanau an thlabar ngei ang tih uar takin ka sawi ngam sak mai. Hlauhawm, ná, leh chhiatna lam thilah ngat phei chuan, Mipa leh mi puitling zawk te chuan thuhnu dawn tak chunga tawngkam uar uchuak hman loh kan uar a tul hle mai
Tunlai khawvel ah social media a chak tawh em avang hian awlsam takin mitkhap kar lek a hmingchhiat a theih laiin, mipui te thinlung atanga kan hmingchhiatna thaibo tur leh kan zahawmna nei let leh erawh a aharsa a, hun pawh a duh rei hle a thung si anih hi. Kan zahawmna vawng him zel turin Pathian thu hriltu te, Zirtirtu te, Mipui hmaa thusawitu te leh vantlang chhiar tura social media leh printed media a thuziak mite zawng zawng te hian thu uarna tawngkam kan hman danah kan fimkhur thiam atul hle mai. Tin, keini a ngaithlatu leh a chhiartu te pawh hian thu uarna tawngkam kan ngaihthlak leh chhiar te hi chaw tak khuka khuk pui nghal hlut lo hian , a sawitu emaw, a ziaktu a zira kan dawnsawn thiam atul hle mai bawk.
Aw le, Thu uar lutuk hian pawina a neih thu uar taka han sawi a chakawm viau laiin, ka sawi uar mah mah ang tih ka hlau leh deuh bawk si. Thu ka uar lutuk ang tih hlau chung chungin Chin lem neilova thu uarna tawngkam, uar taka hman hian a tha lam ai daiha a chhe lama nghawng thalo a neih theih fo zawk tih thu hi ka han belh leh hram ang e. Hawh u, THU UAR LUTUK vanga harsatna leh mualphona kan pumpelh theuh theih nan, Social media khawvela cheng mek zofa te hian kan tawngkam leh thuziakah uar lutuk tawngkam hman uar lutuk loh hi uar takin in zirtir zel ang u
-Chhungpuia Renthlei
Thu uar chungchang hi keini ringtu te text bu pawimawh ber “ Bible “ ah in ziak chiah lo mahse, he khawvela thil siam zinga chungnung ber hringfa te zingah hian mi chi hnih, “Thu uar mi” leh “Thu uar lo mi” kan lo awm teh meuh mai le ! Mizo Society mai nilo, khawvel pum huapah dan naranin, mipa hian thu kan uar vak ngai lo thin. Kei lah pek roh hi mipa ka nih vang nilovin, uar taka thu sawi tura tawngkam ka thiam tawk loh thin vang zawk hian thu uar mite zinga ka inchhiar tel ve loh thu hi uar takin ka sawi ve fo ta mai!
Uar taka thu han sawi te hi hmeichhia leh naupang tih awm tawk ah mipa tam zawk chuan kan ngaih thu han sawi ta ila ka uar mah mah lovang chu maw? Hman lai mizo pasaltha ten “A va han na tak em !” tih thu meuh hmanga uar taka an na tawrh thu an sawi meuh tawh te hi chuan khum beta mutpui loh rual loh natna an nei anih loh vek leh thihna khawp hial hliampui an tuar mek thin. Hetihlai hian tunlai mizo zingah patling than kin tawh leh family ration card tlar hmasa bera hming chuang vung mai tawh ten “em em” an han ti duai duai te, “rapthlak” an han ti hlui hlui ngat te phei hi chu “She is a man” ti ila kan uar lutuk em em lovang chu !
Kan uar ta sa sa, han uar leh zel teh ang. Uar taka sawi na hmun leh hunah chuan thu uar hrim hrim hi a thalo reng reng lo tih erawh uar taka sawi erawh a tul ve tho mai. Kan thil sawi a zirin a awm tawk leh inhmeh tawk a uarna hmun leh hun a awm thin a ni zawk. Uarna tlak leh uarna tur hmunah chuan uar taka hman ngei tur a ni.
Hetihlai hian thu uarna tawngkam kan hman dawn anih chuan hmanna tur awm reng a ni em? Uar a phu chiah em? Uar lutuk lovin tawngkam pangai hman ni zawk ta se sawhkhawk a nei tha zawk angem ? tih te ngaihtuah hmasak pawimawh ber fo. Hmanlai Mizo lal leh mipa pangngai tawngkamah tawpkhawk leh rapthlak tling khawpa tawpkhawk leh rapthlak hi a awm ngailo tluk a ni. A aia nasa a lo thlen huna hman tur thumal khêk nachang hriat a tha fo. “He pa zet hi chu a hmelchhe tawpkhawk a ni,” tiin chanchinbuah ziak ila, a tûkah a aia hmelchhe zawk awm leh ta se, “tawpkhawk” meuh kan hman tawh hnuah, eng tawngkam bungraw hmangin nge chu pa hmelchhiat zia chu kan sawi uar tawh chuan ang le? Mizo tawng hmang lovin hnam dang tawng Greek leh Latin te kan hman atul hial mai lovang maw? Patling meuhvin an nupui fanaute hriatah ‘rapthlak’ tih thumal hmang fo ta sela, an nupui fanau an thlabar ngei ang tih uar takin ka sawi ngam sak mai. Hlauhawm, ná, leh chhiatna lam thilah ngat phei chuan, Mipa leh mi puitling zawk te chuan thuhnu dawn tak chunga tawngkam uar uchuak hman loh kan uar a tul hle mai
Tunlai khawvel ah social media a chak tawh em avang hian awlsam takin mitkhap kar lek a hmingchhiat a theih laiin, mipui te thinlung atanga kan hmingchhiatna thaibo tur leh kan zahawmna nei let leh erawh a aharsa a, hun pawh a duh rei hle a thung si anih hi. Kan zahawmna vawng him zel turin Pathian thu hriltu te, Zirtirtu te, Mipui hmaa thusawitu te leh vantlang chhiar tura social media leh printed media a thuziak mite zawng zawng te hian thu uarna tawngkam kan hman danah kan fimkhur thiam atul hle mai. Tin, keini a ngaithlatu leh a chhiartu te pawh hian thu uarna tawngkam kan ngaihthlak leh chhiar te hi chaw tak khuka khuk pui nghal hlut lo hian , a sawitu emaw, a ziaktu a zira kan dawnsawn thiam atul hle mai bawk.
Aw le, Thu uar lutuk hian pawina a neih thu uar taka han sawi a chakawm viau laiin, ka sawi uar mah mah ang tih ka hlau leh deuh bawk si. Thu ka uar lutuk ang tih hlau chung chungin Chin lem neilova thu uarna tawngkam, uar taka hman hian a tha lam ai daiha a chhe lama nghawng thalo a neih theih fo zawk tih thu hi ka han belh leh hram ang e. Hawh u, THU UAR LUTUK vanga harsatna leh mualphona kan pumpelh theuh theih nan, Social media khawvela cheng mek zofa te hian kan tawngkam leh thuziakah uar lutuk tawngkam hman uar lutuk loh hi uar takin in zirtir zel ang u