WEB BROWSER VE THUNG AW Er. Chhungpuia Renthlei
Web browser hi Internet website hrang hrang leh information kan en theihna atana a bika taka software an siam hi a ni. Keini pawhin kan hriatlar em em Netscape, Internet explorer, Mozilla firefox, google chrome te hi Web browser software an ni. Internet kaltlanga hnathawh dawn reACng rengin web browser tello chuan hna a thawh theih loh avang in internet hmangtu ten web browser engmaw ber kan neih ngei ngei a ngai thin. Heivang hian Software industry hrang hrang te chuan kum 1990 hnulam atang khan Web browser hrang hrang an tlangzarh sup sup a,Windows operating siamchhuaktu Microsoft corporation pawhin web browser rawn tichangtlung chho zelin windows version hrang hrangah a serh zinga mei ang maiin Internet explorer version tharlam ber ber an telh zel anih hi.
Web browser hmasawnna atana thawh hlawk ber zinga mi chu NCA company hi a ni kan ti lo thei lovang.NCSA company a thawk Marc Andreessen leh Eric Bina te chuan X-Windows computer atan February, 1993 khan web browser changtlung zet mai, Mossaic an siam chhuak a .Hei zet hi chu a changkangin hnathawh theih pawh a ngah ngiang mai le. Web browser zinga cross-platform support thei an tih mai, sound, video clips, forms support, bookmarks, leh history files support awm chhun a ni.Heivang hian non-commercial web browser zinga lar ber a ni nghe nghe.
NCA Mosaic hi Khawvela web browser hman lar hmasak ber a ni. Web browser company hrang hrang te chuan web browser tihchangtlun nan mosaic lei tumin an hel ta sup sup mai bawk. NCA chuan August, 1994 khan mossaic web browser commercial rights chu Spyglass, Inc. hnenah a hralh a, anni hian company hrang hrangah an hralh chhawng ve leh a, Microsoft company pawhin a lei ve bawk.
Tunhma chuan internet hi sorkar leh company te tana siam anih tlangpui avangin mipui leh sumdawngtu te tan commercial web browser hi a awm loa, heivang hian mipui nawlpui te chuan internet an hmang thei lo a ni. Kum 1990 hnulama a duh apiang tana internet hman theiha siam anih takah chuan internet chuan khawvel fanchhuak rang kher mai. Commercial web browser siam a tul ta a, Mosaic programming team chuan mipui vantlang ten duh anga anga kan hman theih turin commercial web browser hmasa ber an siamchhuak ta nghal a. Hei hi Netscape Navigator tiin anvuah a, a hnu reilo teah Communicator tiin a hming an han thlak ren rawn a, mahse, a hming hi an thlak fuh chiah lo a ni ang, reivak lo hnuah Netscape tiin an thlak leh ta a, vawiin thlengin he hming hi a pu chho ta zel a ni. Mosaic programming team te chuan web browser copy tam tham tak an hralh a, tun ang hian software dang awm vak hek lo, Netscape chu web browser lar ber leh darh zau ber a ni.
Hetih lai hian Software corporation lar tak mai Microsoft corporation pawhin Web browser market hlawkzia hi a ui pui tuilian thlir bik ngawt phal hauh lo mai le. Rilru nei takin mossaic commercial rights an neih chu a hranpa zuar lova Windows Operating system tihchangtlun leh vawrh lar nana Windows Operating System a khung tel an tum ta a. Tichuan, khawvel hmun hrang hranga Operating System software company leh web browser hmanga sumdawngtu te barakhaih turin August 23rd, 1995 khan Graphical User interface Windows 95 operating system, Web browser( internet explorer) keng tel chu an release ta a, reilo te chhungin copy maktaduai tel meuh mai marketah an hralh a, Windows leitu apiangin a thlawna Web browser an neih nghal zel avangin a hranpa a web browser lei an tlem tial tiala, Windows lalram a zau zel bawk si a, Microsoft company chuan Netscape leh Web browser siamtu dangte sumdawnna a vaw chhe vek a ni ber mai.
Kum 1996 a rawn inher meuh chuan internet Explorer chu khawvela web browser hralh hnem ber pathumna arawn ni chhova. Hetianga microsoft an rawn chak chhoh tak em avang leh company hrang hrang ten mossaic copy right an neih tak sup sup avangin January 1997 khan NCSA pawh chuan Mosaic chu an chawlhsan ta rup mai le. Kum 1999 a rawn inher meuh phei chuan khawvela web browser lar ber leh hralh hnem ber ni thin Netscape a rawn lehpel ta hial a, heta tanga vawiin thlengin chuan Microsoft Internet Explorer chu khawvela web browserd arh zau ber, lar ber leh hman nasat ber a rawn ni chho ta a ni.
Hetiang anih takah chuan kum 2002 khan netscape ho pawhin duh duha hman theih tur leh siamdanglam theih turin netscape free open source software version an release ve leh ta a, hei hi Mozilla tiin an vuah. Free open source software reng reng te hi a hmangtuten mahni duh ang angin kan siamdanglam theia, company leh department tan phei chuan atangkai em em a ni. Heivang hian mozilla chu marketah a rawn thang chho leh ta thur thur mai a, abik takin Microsoft Windows hmang lo ho, non-Windows platforms kan tih mai UNIX, LINUX, MAC e.t.c phei chuan open source anih avang hian an hmang nasa hle a ni.Hetianga Mozilla a lar chhoh leh tak avang hian kum 2004 chho khan Firefox Version an rawn release leh ta a ni.
Heng kan sawi lan bakah hian Web browser tam tak a awm a, chung te chu :-. WorldWideWeb, libwww, Line-mod, Samba, Aren, Lynx, Cello,Opera, Active Worlds, MacWeb, Air_Mosaic, WWWC ,NetAttache, Amiga, NetCaptor, Arachne, NETCOMplete, Charlotte, NetCruiser ,EI*Net, NetManage, Chameleon, EmailSiphon, NetPositive, Enhanced NCSA Mosaic, IWENG, PlanetWeb, GetRight,Quarterdeck WebC, HotJava, SPRY_Mosaic,IBM WebExplorer, Spyglass, Enhanced Mosaic, internetMCI e.t.c te a ni. Awle, Keini mizoramah meuh pawh internet tello chuan hna kan thawk thei tawh meuh lo chu a nih hi maw le. software company hrang hrang te thawhrimna azarah zalen takin kan duh duh web browser kan hmang kual thei ta hi kan vannei hle mai.
Web browser hi Internet website hrang hrang leh information kan en theihna atana a bika taka software an siam hi a ni. Keini pawhin kan hriatlar em em Netscape, Internet explorer, Mozilla firefox, google chrome te hi Web browser software an ni. Internet kaltlanga hnathawh dawn reACng rengin web browser tello chuan hna a thawh theih loh avang in internet hmangtu ten web browser engmaw ber kan neih ngei ngei a ngai thin. Heivang hian Software industry hrang hrang te chuan kum 1990 hnulam atang khan Web browser hrang hrang an tlangzarh sup sup a,Windows operating siamchhuaktu Microsoft corporation pawhin web browser rawn tichangtlung chho zelin windows version hrang hrangah a serh zinga mei ang maiin Internet explorer version tharlam ber ber an telh zel anih hi.
Web browser hmasawnna atana thawh hlawk ber zinga mi chu NCA company hi a ni kan ti lo thei lovang.NCSA company a thawk Marc Andreessen leh Eric Bina te chuan X-Windows computer atan February, 1993 khan web browser changtlung zet mai, Mossaic an siam chhuak a .Hei zet hi chu a changkangin hnathawh theih pawh a ngah ngiang mai le. Web browser zinga cross-platform support thei an tih mai, sound, video clips, forms support, bookmarks, leh history files support awm chhun a ni.Heivang hian non-commercial web browser zinga lar ber a ni nghe nghe.
NCA Mosaic hi Khawvela web browser hman lar hmasak ber a ni. Web browser company hrang hrang te chuan web browser tihchangtlun nan mosaic lei tumin an hel ta sup sup mai bawk. NCA chuan August, 1994 khan mossaic web browser commercial rights chu Spyglass, Inc. hnenah a hralh a, anni hian company hrang hrangah an hralh chhawng ve leh a, Microsoft company pawhin a lei ve bawk.
Tunhma chuan internet hi sorkar leh company te tana siam anih tlangpui avangin mipui leh sumdawngtu te tan commercial web browser hi a awm loa, heivang hian mipui nawlpui te chuan internet an hmang thei lo a ni. Kum 1990 hnulama a duh apiang tana internet hman theiha siam anih takah chuan internet chuan khawvel fanchhuak rang kher mai. Commercial web browser siam a tul ta a, Mosaic programming team chuan mipui vantlang ten duh anga anga kan hman theih turin commercial web browser hmasa ber an siamchhuak ta nghal a. Hei hi Netscape Navigator tiin anvuah a, a hnu reilo teah Communicator tiin a hming an han thlak ren rawn a, mahse, a hming hi an thlak fuh chiah lo a ni ang, reivak lo hnuah Netscape tiin an thlak leh ta a, vawiin thlengin he hming hi a pu chho ta zel a ni. Mosaic programming team te chuan web browser copy tam tham tak an hralh a, tun ang hian software dang awm vak hek lo, Netscape chu web browser lar ber leh darh zau ber a ni.
Hetih lai hian Software corporation lar tak mai Microsoft corporation pawhin Web browser market hlawkzia hi a ui pui tuilian thlir bik ngawt phal hauh lo mai le. Rilru nei takin mossaic commercial rights an neih chu a hranpa zuar lova Windows Operating system tihchangtlun leh vawrh lar nana Windows Operating System a khung tel an tum ta a. Tichuan, khawvel hmun hrang hranga Operating System software company leh web browser hmanga sumdawngtu te barakhaih turin August 23rd, 1995 khan Graphical User interface Windows 95 operating system, Web browser( internet explorer) keng tel chu an release ta a, reilo te chhungin copy maktaduai tel meuh mai marketah an hralh a, Windows leitu apiangin a thlawna Web browser an neih nghal zel avangin a hranpa a web browser lei an tlem tial tiala, Windows lalram a zau zel bawk si a, Microsoft company chuan Netscape leh Web browser siamtu dangte sumdawnna a vaw chhe vek a ni ber mai.
Kum 1996 a rawn inher meuh chuan internet Explorer chu khawvela web browser hralh hnem ber pathumna arawn ni chhova. Hetianga microsoft an rawn chak chhoh tak em avang leh company hrang hrang ten mossaic copy right an neih tak sup sup avangin January 1997 khan NCSA pawh chuan Mosaic chu an chawlhsan ta rup mai le. Kum 1999 a rawn inher meuh phei chuan khawvela web browser lar ber leh hralh hnem ber ni thin Netscape a rawn lehpel ta hial a, heta tanga vawiin thlengin chuan Microsoft Internet Explorer chu khawvela web browserd arh zau ber, lar ber leh hman nasat ber a rawn ni chho ta a ni.
Hetiang anih takah chuan kum 2002 khan netscape ho pawhin duh duha hman theih tur leh siamdanglam theih turin netscape free open source software version an release ve leh ta a, hei hi Mozilla tiin an vuah. Free open source software reng reng te hi a hmangtuten mahni duh ang angin kan siamdanglam theia, company leh department tan phei chuan atangkai em em a ni. Heivang hian mozilla chu marketah a rawn thang chho leh ta thur thur mai a, abik takin Microsoft Windows hmang lo ho, non-Windows platforms kan tih mai UNIX, LINUX, MAC e.t.c phei chuan open source anih avang hian an hmang nasa hle a ni.Hetianga Mozilla a lar chhoh leh tak avang hian kum 2004 chho khan Firefox Version an rawn release leh ta a ni.
Heng kan sawi lan bakah hian Web browser tam tak a awm a, chung te chu :-. WorldWideWeb, libwww, Line-mod, Samba, Aren, Lynx, Cello,Opera, Active Worlds, MacWeb, Air_Mosaic, WWWC ,NetAttache, Amiga, NetCaptor, Arachne, NETCOMplete, Charlotte, NetCruiser ,EI*Net, NetManage, Chameleon, EmailSiphon, NetPositive, Enhanced NCSA Mosaic, IWENG, PlanetWeb, GetRight,Quarterdeck WebC, HotJava, SPRY_Mosaic,IBM WebExplorer, Spyglass, Enhanced Mosaic, internetMCI e.t.c te a ni. Awle, Keini mizoramah meuh pawh internet tello chuan hna kan thawk thei tawh meuh lo chu a nih hi maw le. software company hrang hrang te thawhrimna azarah zalen takin kan duh duh web browser kan hmang kual thei ta hi kan vannei hle mai.
No comments:
Post a Comment