GOOGLE PLAY STORE
-Er. Chhungpuia Renthlei
Google Play Store hi Google
company siam a nia, a hming hmasa chu Android market Store a ni. Google hian kum 2005 khan dollar maktaduai 50 zet in android
hi an lei nih kha. Mobile, tablet leh Computer hmangin kan hmang tlangpui. October 22, 2008 khan
Android market hmingpu in an siam a.
6 March 2012 khan an update leh a Google play store tiin a hming an thlak a. Software dang te ang bawk a a khat tawka
update anih hnu ah kumin February 22, 2018 khan
changtlung takin an siam tha leh a ni. Google play store hi digital media store changtlung ber zinga mi a
ni a music, magazines, books, movies, leh
television programs te a fawmkem vek a ni.Nikum 2017 ah khan software application hrang hrang
maktaduai thum leh a chanve (3.5 million) lai an publish zu nia !
Google play store hi
Android Operating system hmang te tan a Software application chi hrang hrang dahkhawmna hmunpui ber a ni ti ila kan
hrethiam mai awm e. A bikin Mobile phone ah
phei chuan kan hmang tangkai hle anih hi. Google Play Store chung chang hi sawi tur tam
tak a awm thei ang, tun tumah chuan a tul zual kan hman nghal mai theih tlem a zawng tarlang phawt ila a tha awm e.
1.Google Play update chungchang
Google Play store siamtu te hian an vil hneh hle a, dan naranin Google
Play store hi keimahni
hriat loh laiin amahin a in
update zel thin.
Dan naranin automatic update hi wify
connection ah a ngai thin.Hei hi atangkai viau laiin kan hriat loh laia
software a in update chuan mobile a tih muan bakah data a hek duh hle thin. Hei vang hian
automatic update lo a a tul kan tih hun apianga keimahni a update mai hi a tha viau thin. Automatic updates tih tawp
dan : Google Play Store atangin Settingsah lut la, Update Apps tih ah khan click tur. Tichuan,
"Do not automatically update applications" tih kha thlan mai tur a ni e.
2.Google Play store parental Control
Naupang ten kan hriat loh laiin Google play store atangin
games, movies leh thil dang an en leh download fo thin. Hemi tih tawp dan tha ber chu Play store
setting atang khan parental control kha "on" mai tur a ni. Kan "on" veleh
security password atan PIN number type luh tur a ni. Tichuan, Games, Movies leh application hrang hrang te kha naupang kum bithliah ang
zelin kan siamrem tawh mai ang. Hei hi a
pawimawh hle nachungin mobile hmangtu tam ber ten kan hman nachang kan hre meuh
lo. hei vang hian kan faten naupang nun hruai khawlo thei movies, games leh zai te an duh duh an
download thin. Duthusamah chuan Chhungkaw nu leh pa te theuh hian kan fa te mobile hi hemi hmang hian control sak theuh ila a
tha khawp mai.
Tin, hei bakah tunlai khawvelah
online shopping a lar hle .
Google play store a i ccount hmangin movies, games leh software hrang hrang a lei theih avangin fimkhur a tul hle. hemi laka invenna tha ber chu Settings ah luh a Require authentication for
purchases kha "enable" tur a
ni
3.Google Play Store atanga software lei leh refund :
Google play store atanga tum reng vang ni lova software kan lei palh
emaw, kan hriat lohva kan fa ten an lo lei tawh sa refund leh tur hian Refund
button ah click mai tur a ni. Amaherawh chu kan lei atanga dar darkar hnih (120 minutes) ral hma ngei a tih a ngai thung. Hun bi tiam
ral hma a kan refund chuan awlsam takin
pawisa kan la let leh thei a ni. He refund
theihna hi a tangkai hle bawk.
4.Computer atanga direct a
Android apps mobile a install dan:
A hmasa in Computer ah leh mobile ah signal chak tha tak i nei phawt
tur a ni. Tichuan, computer ah khan
Internet browser ( firefox,
chrome, IE e.t.c ) hmangin Google
play han browser la, App page ah lut ang che. I duh zawng
Application software i hmuh veleh
install tih kha click mai tur.Chu
mi hnuah Google password a type lut anga ( hei hi google account a i
luh tawh sa chuan a ngailo). Hemi hnu ah
in install na tur "device" thlan leh tur a ni a, hetah hian i
mobile kha i thlang tawh mai dawn a ni. Hmun dang daihah kha i mobile kha awm mahse computer atangin duh ang ang i install thei a ni.
5.Mobile a software
awm mek te enkawl dan :
My Apps & Games section a
awm a, hei hian englai pawhin i mobile a
software application hranghrang te kha
uluk takin a lo enkawl a. Heta tang hian
Update, Open leh uninstall (Paih bo) te a tih theih vek a, atangkai hle
a ni.
Google play store setting chung berah
khan "My Apps & Games"
tih a awm ang. Kha kha han click
teh le, i click veleh mobile a application leh games chi hrang hrang install
tawh te kha a rawn lang vek mai ang.a chunglamah khan Software application mobile a awm sa te manage na tur Option pathum ( Updates, Installed, Library )
tih kha a awm ang. Update i click chuan
software update ngai te a rawn lang ang a, a tul i tih ang ang khan update nghal mai
tur. Installed i click chuan software
i install zat a rawn lang nghal anga , a hnuaiah software
install sa te a rawn lang teuh anga, i duh duh i open thei nghal ang.
Library i click chuan
software install sa te a rawn lang teuh
anga, i paih duh a awm chuan
"X" ah khan click mai tur a ni.
Aw le, a sei ta mah mah e, duh
tawk phawt mai ang aw. Tun a mi te hi han hmang nghal teh le.
No comments:
Post a Comment