WELCOME TO CHHUNGPUIA RENTHLEI BLOG

INFORMATION SECURITY

Er.Chhungpuia Renthlei

Tunlaiin khawvel ram hrang hrang te’n an ram tih hmasawn zelna atan Information Technology hi hmanrua atan an hmang deuh ber thin a.  Chuvangin Information Technology hi hmanraw ropui ber khawvelah a lo ni ta hial mai le.

Hetih lai hian  IT hmanrua changkang  tak tak  pawh hmang ila  kan zahawmna leh  himna tichhe hial khawpa kan leklam chuan  hmasawn lam aiin tlakchhiatna  lam kan pan thei a, mite ngaihsan aiin ngaihnep kan ni thei bawk. Mizo thalai  lehkha thiam chin ten  Information technology kan hmang thiam tan dawn  chauh emaw kan tihlaiin chanchinbu leh media hrang hrangah  Cyber crime chungchang kan hmu in kan chhiar zing ta malh malh hle mai. Keini Mizoram ah hial pawh  police ten theih tawp chhuahin Cyber khawvelah hnuchhui hna an thawk mek bawk tih te hial kan hre leh zel bawk a. Tunlai Cyber khawvelah hian mi tupawh a tuartu kan nih theih tawh avangin kan Information Security  lamah fimkhur tlan a tul tak zet zet a ni. 

Kumin 2018 March thla khan Cambridge Analytica in Facebook account chu Khawvel hmun hrang hrang politics a in chirh theh nan an hmang nasa  tih an puanchhuah a vangin Khawvel a social networking lian ber Facebook pawh information security chungchangah  a hming chhe hle mai. Sumdawnna khawvela  facebook ertu  social networking sites dang te lah in ti tawp tur in an lo ti ve chen, sawisel na hlir in a khat a ni ber mai.

Cambridge Analytica chuan Facebook him tawk loh zia an chhui chuah belh zel , a hma aiin a let fee mi 80 MILLIONS Facebook account chu Khawvel hmun hrang hrang politics a in chirh theh nan an hmang nasa ni tih an hai chuah belh leh zel .UK ram cheh vel tang in 1.1 million zet a nghawng mek a ni. Hetihlai hian Facebook chief Mark Zuckerberg chuan Facebook hmangtu te tan security tools thar an dah belh reng a,  a hman dan tur nen sawi fiah nghal vek thin thu a sawi.  Facebook  hmangtu te security  tools pek an nih chuan anmahni account venhim chu an mawhphurhna anih thu leh  security Tools  hman dan an zir ve tur a ni tiin a sawi bawk.

 Naupang tanga  puilting thleng te nitin nunah Computer, Mobile, internet leh social networking  te hi  a beh tlat tawh avangin  kan fimkhur tlanna tur  pawimawh zual sawi lawk  ang hmiang.

Facebook leh Social Networking site dang  hmang thinte tan:

Facebook security  tools te hi kan ngai pawimawh em ? Kan Facebook account hi kum eng zat nge kan hman tawh? friends request kan dawng nasa  thin em ?  Heng te hi kan ngaihtuah a ngai hle mai. Kan  friends zing a profile mumal  pawh nei lo,a bik in hnam dang an chi te hi  confirm loh tur. Tin, kan  password  hi  thla 2 danah tal thlak thin ila kan him phah ang. Kan mi hriatchiante chauh lo chu ‘Friends’ angin pawm loh tur.Kan  thiante chanchin kimchang pawh dah loh a tha, hlauhawmah an awm ve thei . Social Networking atang hian inbiak tlangnel a awl hle a, a tak taka inhmuh kher tum a thalo.   Kan hriatchian lohte hnenah kan  chanchin hrilh vak  loh a him.Thlalak reng reng, midang hmuh atana kan duhloh chu dah reng reng loh tur

Internet browsing leh email hmang  thin te tan :

Website  hriat ngailoh atanga  lak software hmang mai mai loh tur. Virus a awm tel thin. A bikin ‘porn site’ leh ‘software cracking site’ velah hian virus a tam. Tin, Public computer leh midang computer kan  hman chuan  hman zawhah  browsing history/ cookies zawng zawng   paih vek tur a ni. Password phei chu ‘save’ miah loh tur a ni. Tin, e-mail hi hacker tamtakin an lo chhiar ve reng thin  avangin  Website  hriat ngailoh-ah in ‘register’ mai mai loh tur .  E-mail  hriatchian loh hawn loh tur. Bank account number/ password etc e-mail/ SMS/ chatting emaw hmangin thawn ngai suh.   

Online Shoping  thin te tan

Misualte hian kawng chi hrang hrangin kan  nihna (information) chi hrang hrang an lo hmuchhuak thei thin a. A tlangpuiin internet kan hman atanga   information kan  pek thin:   e-mail, mobile number, bank account number etc te hi an lo la a  thil tha lo tih nan an lo hmang ta thin a ni.  A hnuaia thil hrang hrangte hi n  invent nan kan  hmang thin dawn nia:

‘Online’ a thil kan  leiin information pawimawh lutuk nilo:  email password, bank account number etc min  zawt chik lutuk    anih chuan bumna a ni thei. Hriatloh hlanin information tamtak  kan lo pechhuak palh theih avangin E-mail atanga  thil dawn apiang lo click  ringawt zel  hi a him lo.

Kan  nihna pawimawh chi hrang hrang,  password, account number, credit card number etc internet kaltlanga thawn hi a hlauhawm takzet a ni. Miin kan  account  leh password etc an lo hria nia kan  hriat chuan bank/ service provider pan vat tur. Tin,  hriatlohva miinkan  pawisa an lo lachhuak nia   hriat phei chuan  a tam lam ngaihtuah lova bank va dawr vat a finthlak.  

Awle, famkim lohna khawvel a cheng kan nih miau avangin hmasawnna lam aiin sualna lam hawi hian khawi hmunah pawh sulhnu a ngahin  ngaihven a hlawh nasa zel zawng anih hi. Mizorama Mobile operator te, Digital Television Operator te leh  IT lama sumdawngtu leh kan sorkar  department te thleng  hian cyber crime thubuai kan nei thei a, heivang hian  Information security lamah kan than harh a tul ta hle mai.

Keini Mizoram ah meuh pawh kan police te lutihaitu leh mut mawh hnarmawh a lo ni chho ta reng mai. A bik takin kan thalai te hian mobile phone leh social network  kaltlanga  cyber crime lama inhnamhnawih lo tur leh a  tuartu  kan nih lohna turin thalaiten fimkhur   ang u.