WELCOME TO CHHUNGPUIA RENTHLEI BLOG

AIZAWL BAZAR                                                                           

Er. Chhungpuia Renthlei

State dang te ang lo takin  keini ramah chuan nula, nuvalai leh nu upa lam deuh hlir bazarah an thu nileng a, thahnem ngai takin  kawla ni chhuak chhiar tak meuh meuhvin  mahni pasal leh fanau pawh uap lum hmanlo khawpin an awm kumtluan a ni ber mai. Bazarah hian mipa tleirawl leh tlangval te hi thu nileng ve ta thung ila,  nula leh nu ho ten inlam hna thawk ta zawk se, kan ram hian kan thatpui zawk angem aw tih te pawh ngaihtuah tham tak a tling awm e.

           

Bazar lam han sawi takah chuan  thil man bithliah fel tak neih hi a pawimawh khawp mai. Chawhmeh man sang lutuk te hi kan sorkar lama thuneitu te beng a thleng lo nge,  NLUP avangin engmah kan rilru ah a leng lo zawk. India hmarchhak state zingah ah mizoram hi chawhmeh man san filawr  berna kan ni. Bazar hmunpui leh  thingtlang lam atanga  chawhmeh tel khat Rs 10 a an kharchhawn te Rs 20 lai maia sangin  kan leichhawng leh a. Sumdawnna khawvelah chuan hlep nei a zawrh tur chu a ni teh meuh mai, mahse,  a tel ti te a, tel li  tur tel nga vela chhuah a, a man let a hralh leh zel tho te hi chu  kan kristianna nen a inhmeh  lo hle mai.  A man to chhan  ni a an sawi kharchhawnna to leh transportation  te hi sorkar hian ngaihtuah thei se a va tha ve aw.

           

Tin,  sa lamah pawh ngaimawh tur a awm nual  mai. Indian Foods Adulteration  leh meat processing  kaihhruaina ah chuan  sa thianghlim leh  ei tlak  chauh zawrh chhuah tur a ni. A leitu te duh loh satui tang lo leh hrisello hralh chhuah hi khap tlat a ni. He tihlai hian  India rama kohhranho puipunna a pandal sa lian ber leh khawmpui ngah ber mizoramah chuan  vawksa  leh arsa te leiin  a misa ( India dana sa ei tlak loh leh hralh loh tura tih)  min lei tir tel ziah mai te hi kan sorkar lam hian ngaihven rang se a tha khawp mai. Kan duhlai tak kan han kawka, zei tak maiin sa sattuten kan kawhna bulchiah a mi buk tling lo hretin an han sat thla hlawih mai a,  chu mi hnuah a buk tih tlin nan kan duh emaw duh lo emaw a sa chhe lai an han buk tel a. Kan duh lo thu han sawi ngial pawhin  a sa chhia an hralh telloh chuan an hlawk loh thu min hrilh bawk si. Pathian ni ah chhungkua a sa hmeh duh theuh kan ni si a, kan lei lo thei si lo. Hei ha, huiha.. ti chunga  kan khai haw a ngai leh thin.

Tin, Customer te duh lo chung chung sa chhia in lei tir hi dan bawhchhiatna pakhat chu a ni ve hrim hrim tih hi kan hriat a tha. Vawk ke tin, vawk mei, vawk hnar leh beng te hi  a duhtu tan chuan a tui viau pawh a ni thei e, mahse, ei leh inlamah kan duhtui tial tiala, hriselna kan ngai pawimawh a, heng sa chhia te hi chu mi thenkhat te hi chuan kan paih leh tho tho a. buaithlak tak a ni. Mipui te dikna humhalh sak duhtu kan sorkar chak tak hian  Vawksa, bawngsa, sangha, arsa e.t.c  man sang zel te hi  a zuar tu leh a leitu te tana kan hlawkna tur tho siin  mumal takin bithliah thei se a duhawm ngawt mai.

Thilman sang zel hian economics a kan ram  retheih zia a tilang a, man tlawm taka hralh theih chu ni se, thil zuartu te pawh hian  u chuak taka an tih to kher a rinawm loh.   Chhungkaw chawm an nih miau a avangin an fa te sikul admission fee leh thuamhnaw man a to chho zel bawk si a, hlep tam zawk an um a ni ve mai. uluk taka han ngaihtuah hian NLUP a tana kan sorkarin  mipui te hnena pawisa a sen tam zia  hi a thlawna luangral lova,  kan ram economics chawikangtu  leh nitin eichawp thlai leh sa  intodelhna  hmanrua atana kan hman theih hunah  NLUP hlawhtlinna chu sorkar  hrilh  gailovin keini mipui te hian kan hmu anga, bazar thil man pung thur thur pawhin kiam lam apan ngei ang. Bazar  thlai leh sa man to lutuk hi engdang vang nilovin keini mizo mipui  ten awlsam zawk leh hahdam zawka  sum dehchhuah kan duh vang a ni ber mai.

Bus fair, taxi fair, thawmhnaw, sikul fee e.t.c   kan tisang thur thura, heivang hian chawhmeh man an ti to a ni ve maiah  ka ngai. Engpawh nise, mirethei zawk ten harsatna kan tawh mek ti nep tur hian  keimahni state  huamchhunga  thil man rate kan siam rem theih bus fair, taxi fair, thawmhnaw, sikul fee e.t.c  te hi kan sorkar thuneitu te kaihhruaina in  a tlawm lam zelin siamrem ta ila, hei hian bazar thil man sang lutuk hi a tihniam ngei ang. Price control  hlawhltinna turin mipui leh sorkar kan tan tlan a ngai ani tih hi i hrereng ang u khai.