DIGITAL INDIA
-Er. Chhungpuia Renthlei
Digital India hian a tum ber chu India khua leh tui te tunlai thiamna, Information technology hmang tangkai thei tur a chherchhuah leh he thiamna hmanga india ram kalphung thara kaltir hi a ni. Digital India ah hian ruahmanna hlawm lian tak pathum a awm a chung te chu:
1.
IT hmanraw hrang hrang te India khua leh tui te tana tangkai taka hman.
2.
Sorkar hnathawh dan kalphung
mipui te mamawh dan a zir zela IT hmanga herrem
3. India khua leh tui zawng zawng te IT literacy
lamahma kan sawn theih nana hma lak
Prime Minister Narendra Modi sorkar hian tunah hian Information
tehnalogy ram hmasawnna atan hman a tumin tan a la nasa hle a ni. Hemi
tihhlawhtlin nan leh mipui huapa inhrilh hriat nan Digital India Week hi
July 1st – 7th ,2015 ah hman a ni.
Digital India program a langsar zual te chu
Mitin huapzo
tura hmun tina internet hman theih a siam.
Office hrang
hrang broadband hmanga thlun zawm.
Schools leh
universities zawng zawng Wi-fi connection pek, 2019 ah khawpui pawimawh zawng zawnga Public wi-fi hotspots siam.
Heng bakah
hian Digital locker, e-education ,e-health e.t.c a awm bawk.
Prime Minister Narendra Modi chuan Digital India a a hma thlir hrang
hrang a sawi te hi a ropui hle mai. Tlem han tar lang ila.
IT lama
India thalai te suangtuahna a tak ngeia chan tir. Digital India ah hian Rs. 4.5
lakh crore
ruahman a ni a, he sum hmang hian hna thar nuaih 18 lai siam a
ni ang.
Tunhma chuan naupang te han bia ila, an
zahzelah tarmit emaw pen emaw an seh niap niap
thin, tunah erawh chuan
zahzelah mobile an khawih niap niap tawh . Hei hian a entir chu
naupang te
pawhin Technology leh digital thil tih theihna an hrethiam hle tawh tihna
a ni
Tunah chuan engkim mai hi Mobile leh internet
khawvel anih tawh avangin Optical fibre
hrui thlunna huamchhungah mipui
tam zawkin khawsak kan duh vek tawh ang.
Tunah hian India ah hian 25 maktaduai aia
tamin internet kan hmang mek a ni.
Tun hma chhuanh naupang ten an mahni aia rit daih mai school
bag an ak par par thin. Tunah
chuan an kutphah tiat lekah an zirlaibu leh
syllabus zawng zawng a awm thei vek tawh
Nakin lawkah chuan IT lamah India hian America
kan lehpel ngei ang.
Mobile vawikhat hmeh leh mouse vawikhat click
ringawt pawhin a tha lam leh a
pawikhawih zawngin thil nasa tak a ti thei.
India khua
leh tui zawng zawng ten IT literacy lama theih tawpa hma lak hi kan mawhphurhna
a ni
Mizoramah pawh 2nd ,july 2015 khan chief minister pu lal thanhawla pawhin e-
Services hrang
hrang 6 lai mai a hawng bawk .Heng zingah hian CM Online
leh State portal leh state service
delivery gateway (SSDG) hi mipui tan a
tangkai hle dawn a.CM Oline hmang hian tupawhin
Mobile leh internet hmangin Chief minister Office kan be thei tawh dawn a
ni. Amaherawh chu
kalphung fel tak nei anih avangin fimkhur tak a kan hman
a ngai dawn a ni.Tin, State portal leh
state service delivery gateway
(SSDG) kaltlang hian Job card ,scholarship,rationcard, ITI
training, Grant
in aid,B.Ed admission, Un employment Certificate leh kan mamawh hrang
hrang
a tih theih dawn a ni.
Hetih lai hian sorkar department thenkhat ten website update kan ngaihsak lo
lutuk hi chu a pawi hle mai. Mipui hnena hriatur tangkai taka tak
lakchhawn nan kan chanchinbu miten website hi an hmang vek tawh sia.
Website ropui taka hawn satliah ngawt a, update lam hlamchhiah leh si hi a pawi
hle. Digital week hawnna a Chief minister meuhin website update lama
hmalak a ngaihzia a sawi te hi ngaipawimawh ila a tha hle mai. Tin, Mizo
mipui zingah Mobile tower radiation hlau em em te, Optical Fibre Cable ruk
ching te, Mobile leh internet hman sual avanga nupa inthen, chhungkaw buai
lehmimal intihmualphona te a la tam hle mai. Aw le, Digital India week
hial kan hmang ve ta. He Digital India week atang hian Digital Mizoram
ataka kan neih theih nan IT literacy ah tan la ila, sorkar hmalakna thlawp
ila, Mobile leh internet hman chungchangah fimkhur ila, Cyber crime awareness
ngai pawimawh ila, sorkar leh mipui te hian tangkai takin Mobile leh
internet hi i hmang ang
No comments:
Post a Comment