CAREER
GUIDDANCE: TECHNICAL STUDIES
Er. Chhungpuia
Renthlei
Certificate Courses : Certificate
course ah hian zir tur chi hrang hrang tam tak a awm a; chung te chu a
tlangpuiin Entrance Exam leh interview kaltlang a luh a ni a; ITI te, Regional
institute Of Paramedical & Nursing Science, Zemabawk leh DOEACC centre,
Zuangtui te deuh chauh kan nei a. Heng
institution bakah hian Mizoram Polytechnic Lunglei ah leh Women Polytechnic
Aizawl ah te hian Cl VIII atanga zirtheih tur course NVET SCHEME hawn a ni
bawk. Tin, veng/khua in a mamamawh dan azirin mipuite chhawr tur Community
Polytechnic scheme – Polytechnic awmsa beh chhan a siam a awm bawk a, hemi ah
hian zirtur a sawi lawk theih loh va, survey te neih hnuah course chu thlan
thin a ni.
Diploma Courses : Diploma course ah hian zir tur
chi hrang hrang tam tak a awm a; chung te chu a tlangpuiin Entrance Exam leh
interview kaltlang a luh a ni a. Tun din hmunah hian kan mamawh ang zawng zawng
phuhruk turin Mizoramah chuan professional courses zirna hi kan nei tam lova; Mizoram
Polytechnic Lunglei te, Women Polytechnic Aizawl te, Regional institute Of
Paramedical & Nursing Science, Zemabawk leh DOEACC centre, Zuangtui te deuh
chauh kan nei. Tunah hian kan sorkar
chuan Champhai , kolosib leh district
dangah Technical courses zirna a buatsaih mek bawk a ni. Heng institution a lut
tur te hi Higher & Technical Education chuan a lo buaipui a. Heng bak ah
hian Course thenkhat Govt. of India atangin min rawn pe
bawk a. Mizoram State quota-a zir tur chu Higher & Technical Education
Deptt. Chuan Entrance Exam hmangin a
thlang thin. Tin, Diploma courses zirna Institution, State leh All India
Joint Entrance Exam kaltlangte pawh in a luh theih bawk.
IT Education lama kan dinhmun : Computer lam zirna ti ila, a chiang mai awm
e. Chi hnih, hardware lam leh software lam in an in then a. Hardware lam ho
chuan computer siam chhuah leh servicing lam an khawih deuh a, design lam te,
research leh development lam te khawihin computer siam chhuaktu company ah te
an thawk tlangpui.Software lam chuan programming lam an khawih a, company leh
sorkar lamah computer hmanga hna an thawhna ah an thawk tlangpui. India ram hi
khawvelah computer zirna man tlawmna leh thiam tamna a ni a, foreign a thawk
duh tan pawh remchang a tam hle. Zir dan pawh chi hrang hrang a awm. University
course pangaiah hardware lam zir turin
BE/B.Tech an zir thei a,software lam zir turin BCA/MCA te an zir thei bawk.
Computer company lian ho te pawhin course zir tur an nei bawk. Dept. of Electronics
Accredited Computer Courses (DOEACC) atang pawhin Level hrang hrang a zir
theih. Mizoramah Govt.Zirtiri Residential Science College ah BCA zirna kan nei a, Govt. Serchhip College ah
kan nei bawk. Tin, DOEACC Centre, Zuangtui ah level hrang hrang zirna kan nei
mek a, ICFAI(Institute of Chartered
Financial Analysts of India) University, Chaltlang,Aizawlah BCA zirna kan nei bawk. ICFAI Aizawl bakah
ICFAI University Agartala leh ICFAI Univ. hmun dangah the BCA leh MCA zirna te
a awm bawk.
ZIR DUH TE TANA HRIAT TUR PAWIMAWH :
1.
Biotechnology & Genetic Engineering: 10+2 (Science) leh a tlukpui
tan a zir theih. Agriculture, Chemical, Fertilizer, Pharmaceutical Company
lamah thawh tur a tam hle. BSc Applied Biotechnology 3 year course zir theihna
a awm bawk. Tin, kan quota neihna tho University of Hyderabad ah MSc Plant
Biotechnology/Animal Biotechnology zir theihna
a awm bawk.
2.
Information Technology: Computer lam zirna ti ila, a chiang mai awm e.
Chi hnih, hardware lam leh software lam in an Zir dan pawh chi hrang hrang a
awm. University course pangngaiah
hardware lam zir turin BE/B.Tech an zir thei a,software lam zir turin
BCA/MCA te an zir thei bawk. Computer company lian ho te pawhin course zir tur
an nei bawk.
Bachelor
of Computer Application (BCA) zir
theihna te :
1.
National Institute of Electronics and Information
Technology (NIELIT), Aizawl
2.
Govt. Zirtiri Residential Science College,
Aizawl
3.
Champhai
Serchhip, kolasib, Lunglei
4.
Skim Manipal , Bawngkawn , ICFAI University, Durtlang
5.
Fashion: Fashion hi
zirna chi hrang hrang a awm. 10+2 passed hnuah Entrance Test kal tlangin
National Institute of Fashion Technology(NIFT) ah Bachelor of Fashion Technology a zir theih a, hetah hian Accessory Design
te,Fashion Design te,Apparel Marketing and Merchandising te, Garment
Manufacturing Technology te, Leather Apparel Design and Technology te,Knitwear
Design and Technology te,Textile Design and Development te a zir theih. NIFT
bakah Institute dang tha tak tak a awm nual bawk. Women Polytechnic Aizawlah
hian helam pang hawi Garment Technology(GT) Diploma zirna kan nei bawk a, Class
X passed(preferably with science & Maths) hnuah Entrance test kal tlangin a
zir theih, kum 3 course a ni.NIFT ah hian 3 year Diploma programme zir theihna
Fashion art, Pattern Making, Designing,Grading and Draping a awm bawk.
He programme ah hian History of Costumes & Textiles, Fabric Studies &
Textile Science te pawh an zir tir tel bawk a ni.
6.
Hotel Management: 10+2 pass(50%) chin in Entrance test kal tlangin
3 year Diploma course an zo thei a, Degree nei tur chuan kum 4 zir a ngai. Graduate atang a lut te chuan kum
khat chhung Diploma an zir phawt a ngai. Zir tur subject te chu Hotel
Accountancy, Front Office Management, Food & Beverages, Sales &
Marketing, Economics, Foreign Language Study, Personal & Organizational
Behaviour te an ni. Mizoramah Tourism Dept hma lakna in Tourist Lodge leh
Wayside Restaurant te a pung ve zel a, Hotel, Restaurant, Club leh Holiday
Resort ah te Hotel management thiam te an mamawh thin. Hotel Management a
degree nei tan chuan hna pawh la awm ve zel turah ngai ila,helam pang a tui te
tan chuan a zir chi viau awm e.
7.
Food Technology: Food
Processing Company ah te, Research & Development Laboratory ah te, Hotel
leh damdawiinah te, Poultry leh Dairy farm lamah te leh Sugar Mills ah te Food
Technologist te hian hnna an hmu thin. 10+2(Science) pass hnuah Food Technology
ah graduate turin kum 4 zir a ngai.Agricultural Institute ah te leh University
thenkhatah Food Technology hi a zir theih.
8.
Beauty Care & Cosmetology:. Beauty & Cosmetology hi Diploma course a ni tlang pui a. Women
Polytechnic Aizawl ah hian Beauty Culture & Cosmetology(BCC) kan nei a,
Class X pass(preferably with Science & Maths) chin tan Entrance test kal
tlangin a zir theih a, kum 2 zir a ni.
9.
Hospital Administration: Dan tlangpuiin graduate tawh phawt chuan kum khat
atanga kum 3 course zir theih a ni a,
subject thenkhatah erawh chuan MBBS chauh in a zir theih chi a awmbawk. CMC
Vellore, Apollo Hospital Hyderabad, Tata Institute, Mumbai, IIM,Ahmedabad ah te
PG Diploma/PGCertificate te a zir theih a ni.
10.
Environmental Science & Engineering:. Hei hi kum 2 course ani
tlangpui. BSc passed hnuah MSc Environmental Science emaw, B E passed hnuah zir
theih a ni.University hrang hrangah a awm. Mizoram Pollution Control Board,
Aizawlah hre chiang duh tan zawh theih a ni bawk ang
11.
Mass Communication & Journalism: Graduate chin in kum khat chhungin PG Diploma in
Journalism an zira, kum 2 chhungin MA Course-in Communication / mass Communication
/journalism te a zir theih a. University changtlung pangaiah chuan hetiang
zirna hi a awm deuh vek ang.
12. Legal Studies: Dan naranin Graduate hnuah kum 3 chhung an zir deuh ber. Tunlai a Law
zirna tha a an sawi NLSIU Bangalore ah leh hmun dang Hyderabad leh Kolkata ah
te chuan 10+2 pass hnuah Entrance test paltlang in kum 5 chhung an zir bawk. Mizoramah
pawh Law College kan nei
13.
Interior Design: 10+2(Science) chin in kum 2 emaw kum 1 chhungin Diploma an zir a, a
institution a zirin a kum hi a in anglo thei. Degree nei tur in kum 4 emaw kum
5 emaw a ngai. Hengah te hian a zir theih: JJ School of Arts, Fort
Mumbai-400001, School of Interior Design, CEPT, Ahmedabad,Karavali College of
Interior Decoration, Kayaniram Place, Kottara, Mangalore-575006 e.tc
Tunah
hian Sorkar hma lakna zarah Technical
Education hnuaiah technical course hrang hrang zir theih kan nei belh zel a,a
lawmawm hle.Tunhma te kha chuan technical course han tih rual khan
MBBS,BDS,BVSc leh BE te kha rilru ah a lo lang nghal deuh mai a.Tunah chuan
heng bakah hian kan zirlai technical course zirna lam a tui te tan zir tur
hrang hrang a awm ve ta nuk mai.Tunhma kha chuan PU Sc emaw a tlukpui a ti tha
te kha an tih that dan indawt in heng technical course zir tur hian interview
board chuan a thlang mai thin a.
Hei hi a that
tawk viau laiin fel tawk chiahlo deuh a hriatna te a awm deuh avangin 1999
atang khan thil a lo fel zawk nan Higher and Technical Education Department
hnuai a Technical Education Cell enkawlna
hnuaiah awmin felfai takin heng zirna te hi Biology
group leh Mathematics group (Engineering group) ah te then a ni a, kum tin May thla ah Technical Selection Exam buatsaih
thin a a ni,.
Technical
Selection Board chuan course hrang hrang zir turte chu merit system a thlangin
India ram hmun hrang hrang a seat kan neih na Technical
Institute hrang hrangah an lo tir chhuak ta thin a ni. Career Guidance lam hi
kumtin siam danglam thin anih avang in hrechiang duh te chuan englai pawhin office hun
chhungin Directorate of Higher & Technical Education Office,Technical Wing
chaltlang , Aizawl -ah zawh fiah ila a
alawmawm ngawt ang.
No comments:
Post a Comment