WELCOME TO CHHUNGPUIA RENTHLEI BLOG

CYBER LAW  

CYBERLAW HNUAIA DAN HRANG HRANG AWMTE

Cyber Crime Law:

Computer, Internet leh electronics te hian kan nitin nunah hmun thuk tak an chang tawh a, atel loin kan  khawsa thei tawh lo anih mek lai hian heng hmanga suamhmangte tawkthei reng kan nihna hian Cyber  Crime law hi kan mamawhhle ani tih a ti langchiang hle a. Ram changkang thenkhatah phei chuan an  danpuiah te hial an lo telh ta, kan ram ngei ah pawh hetiang lam invengnan hian IT Act chu kum 2000 khan  siam a hmantan a lo ni ta.

 Electronics and Digital Signature Law:

Electronics signature an tih mai, kan hriatlar dan zawkah chuan digital signature hi, tunlai khawvel ah chuan a pawimawh hle a, ram changkang leh keini ram ngeiah pawh paperless office tihte kan han sawirik takah chuan Digital Signature hian hmun laili tak a luah dawn a ni. Digital Signature hi electronics record, digital data leh email kan tih ang ahte hian hman a ni a, misual tuin emaw an khawihdanglam lohnana chhinchhiahna ani. Cyberlaw tih lohah chaun lungthu pakhat ang maiin hmun a luah nghet hle.

Intellectual Property Law:

Cyberlaw hian Intellectual Property Law pawh cyberspace leh a kaihhnawih thil ah chuan a huam tel tho  mai a chungte chu:

a).  Computer software leh computer programme hum nana copyright law te.

b).  Website hming inhmankhalh venna atan Trademark law te

c).  Semiconductor design leh layout inruksak laka invenna atan semiconductor law  

d).  Computer hardware leh Design in lakruksak venna atan a Patent law  .

Data Protection & Privacy Law:

 Internet ah hian information kan duh ang chu a tha hnem hle a, a sawi uar deuh phei chuan pathian chauh a awm lo te pawh an ti hial. Heti khawpa thil tam naah hian data leh privacy venhimna hi a pawimawh hle a, mi tamtakin an thlalak emaw an venhim zawh loh vangten an mualpho phah thin a. Sapramah te chuan an ram dan ah pawh Data protection leh privacy hi an dah dim diam tawh a, data protection leh privacy law hi  cyberlaw hnuai ah hian a pawimawh hle ani.

Hremna dan hrang hrang te :

1.      Tampering computer source documents (Section 65 IT Act)

2.      Loss /damage to computer resource/utility (Section 66 (1) IT Act)

3.      Hacking (Section 66 (2) IT Act)

4.      Obscene publication/transmission in electronic form (Section 67 IT Act)

5.      Failure of compliance/orders of Certifying Authority (Section 68 I T Act)

6.      Failure to assist in decrypting the information intercepted by Govt Agency (Section 69 IT Act)

7.      Un-authorised access/attempt to access to protected computer system (Section 70 IT Act)

8.      Obtaining licence or Digital Signature Certificate by misrepresentation / suppression of fact (Section 71 IT Act)

9.      Publishing false Digital Signature Certificate (Section 73 IT Act)

10.  Fraud Digital Signature Certificate (Section 74 IT Act)

11.  Breach of confidentiality/privacy (Section 72 IT Act)

12.  Offences by/against Public Servant (Section 167, 172, 173, 175 IPC)

13.  False electronic evidence (Section 193 IPC)

14.  Destruction of electronic evidence (Section 204, 477 IPC)

15.  Forgery (Section 463, 465, 466, 468, 469, 471, 474, 476, 477A IPC)

16.  Criminal Breach of Trust (Section 405, 406, 408, 409 IPC)

17.  Counterfeiting Property Mark (Section 482, 183, 483, 484, 485 IPC)

18.  Tampering (Section 489 IPC)

19.  Counterfeiting Currency / Stamps (Section 489A to 489E IPC)

Tuesday, 25th March 2015 khan Supreme Court (SC)  chuan  IT Act-a Section 66A

a hnawl :

Section 66A ennawn tura PIL thehluh hmasak ber chu kum 2012 kha niin, petition thehluttu hi law student Shreya Singhal a ni. Singhal chuan Shiv Sena hotu, Bal Thackeray thihna avanga Mumbai-a pawnchhuah khap a nih tuma a sawisel zawnga Facebook-a thu post-tu leh a lo like-tu, a thiante man an nih vangin dan hi ennawn turin petition a thehlut a ni.

IT Act section 66-A in a sawi chu, mi tu pawhin computer leh a kaihhnawih hmanga mi dang tana thu huathlala emaw, hlauhthawnawm emaw, dâwt thu, mi dangte tana awm nuam lo, harsatna siam leh tithlabár thei thil a thawn chhuak a nih chuan kum thum theng tân theih a ni. Supreme Court chuan online-a thil post avanga man theihna dan, Information Technology Act-a Section 66A chu  Tuesday, 25th March 2015 khan hnawlin, he dan hian freedom of speech a kalh a ni, .

Thutlukna a puan rual hian SC chuan IT Act Section 66A hi a fiah tawk lo a, ram danpui Constitution 19(1)A palzutna a nih thu a sawi. Court chuan 66A hian , 'thu sawi tur leh thil tarlanna atana mimal zalenna neih' a nghawng a ni tiin, mi pakhat tana thil  ngeiawm tak chu midang tak a lo ngeiawm kher lo thei a ni, a ti. Supreme Court-in Information Technology Act Section 66-A chu Fundamental Right (Article 19 of Indian  Constitution), mahni duh zawng sawi theihna kalha a ngaih avangin paih tawh mah se, IT kaihhnawiha thil dik lo leh tha lo tite chu IPC section hrang hrang hmangin thubuai siamsak theih a ni a, thubuai siamsak an awm nual tawh bawk Kum 2013, May 16 khan Supreme Court chuan social networking site-ah huat theih thil post-tute chu police senior officer, IG emaw DCP emaw te phalna hmuh loh chuan man theih an ni lo ang, tiin a lo rel tawh a ni.

Mizoram police-a CID (Crime) hotute chuan Vanglaini palai zawhna chhangin, IT Act Section  66-A paih a nih hma khan Mizoramah kum ruk chhungin IT Act 66-A thlawh chhanin thubuai 50 ziah lut hman a nih thu an sawi. IT Act 66-A hmang hian Mizoramah kum 2009-ah thubuai 2, kum 2010-ah 2, kum 2011-ah 5, kum  2012-ah 4, kum 2013-ah 13 leh kum 2014-ah 24 ziah luh a ni.