KAN HRING NUN LEH
KRISTIANNA
Er. Chhungpuia Renthlei
(He article hi Kelkang harhna hunlai Kum 2015 a ziah a ni)
Tunlai chu kohhran hrang hrang ten thlarau
pur chaw la in Kelkang kan pan sup sup a, Kelkang kallo nih chu kekawr te a
letling zawnga hak tluk zetin awm nawm loh nana hmang kan kat nuk bawk nen. Kan
hringnun kan kristianised ( Computerised pawh an tih tho kha maw !) dan hi kan chhut ngun deuh a ngai hle mai.
Ni e, Kan nun hi ‘Thawnthu bu’ a ni a, a
ziaktu chu keimahni kan ni. Nitinin phek thar kan ziak a, thla tinin ‘Bung
thar’ kan kai a, kan ziahna Pen chu kan nundan hi a ni a, midang ten min chhiar
a, ziah fimkhur a ngai hle mai. Thalai te hian hlim taka rawngbawlna hun tam
zawk kan nei thin, kan vannei hle mai. Hetihlai hian a thlawnin hlimna te hi neih ngawt theih a ni
hauh lo tih erawh kan hriat a tul hle mai Thawnthu tha chu a ngaihnawm tial
tial a, Bung khat an chhiarin Bung hnih chhiar an chak leh thin a, ngaihnawm ti
takin an chhiarchhuak thin ang hian thlankhur thlengin Pathian leh
kan rawngbawlpui ten ngaihnawm ti takin min chhiar tawp tur a ni.
Keini ringtu ten he kan hring nunkan hman lai
hian midang te tana rahchhuah nun neih hi Pathianin kan ko a a nghah tlat
anih avangin Midang te tana rahchhuah nun nei tak tak turin tlawm zir ila,
indahhniam fo ang u. Thei pawh a rah nasat chuan a kur hniam thin a, a rah chu
midang ten an ei pha thin si a. Rawngbawltu te hian mi dang lakah lan mawi, lansarh kan duh avangin a derin kan nun kan hmang
thin. Keini ringtu te hian kan nitin
nunah keimahni ah Pathian hre chungin rinna nghat ila; midangin kan chungah rinna an
rawn nghah ah i buai loving tih hi i hre nawn fo vang u.
Hring nun lamtluang chhuk cho leh kikawi tak
tak a ringtu te kan zinkual chhung hian
Pathian rinna tak tak nen kan hringnun tawlailir kan khalh a ngai a. Rinna
hi vanram lem ziah theihna thlarau lam pencil a ni an lo ti thin a, rinna hi
thil tih tello chuan a thi a ni tih kan bible in min hrilh thung bawk si a.
chuvangin he khawvela kan hring nun kan hman mek lai hian rinna nung kan neih a
pawimawh hle mai. Thuthluang chunga tih tur sawi mai chu a har loh viau laiin ding chhuaka thawh tak tak erawh a harsa na
niang zawng a nih hi maw le. Keini thalai te leh rawngbawltu te hian
kan rinna hmanga vanram lem ka ziah hi Pathian leh kan rawngbawlpui te tan a
fiah lo hle emaw, hremhmun lem a ang zawk lek lek thei tih te pawh kan
ngaihtuah a tul khawp mai.
Midang te nena kan inkarah Isua Krista a
awm chuan inremna a awm thin a, chatuan nunna pawh a awm ani. Rawngbawltu te leh
kohhran mipui te, Kan rawngbawlpuite nena kan inkarah Isua a awm em le? inenfiah ila, Kan inkarah Isua a lo awmlo palh
a nih chuan Isua hi a laia lo tlazep turin i sawm ang u.
No comments:
Post a Comment