WELCOME TO CHHUNGPUIA RENTHLEI BLOG

TV PARENTAL GUIDELINES
Er. Chhungpuia Renthlei

Electronics Media lama hmasawnna zarah Television hmuhchhuah anih atanga vawiin thlengin TV hian hma a sawn chho zela, tangkai taka hmangtu pawh kan tam na ngiang mai. Hetihlai hian a chhe lam kawngah pawh nasa takin nghawng a nei mek zela, sexual content, graphic violence leh strong profanity chi hrang hrang TV program ah alang chho ve zel bawk nen. Kum 2000 chho atang phei kha chuan keni Mizoramah pawh in tin deuh thaw ah TV kan hung fer fur bawk si nen, Mahni inluma nupui fanau te nena TV thlir thin te tan pawh harsatna hrang hrang a rawn awm chho va. Naupang leh thalai Hair style atanga pheikhawk chhip thlenga a nghawng takah phei chuan an nun pawh a tha lo zawngin TV program in a kaihruai nitin zan tin a ni ber mai. 

Keni mai nilo, ram changkang zawk te chuan kum 15 lai liam ta ah daih tawh khan hetiang lama harsatna hi an lo tawk chho tawha, heivang hian USA television industry changtlung tak, United States Congress, Television Industry leh Federal Communications Commission (FCC) tangkawpte chuan December 19, 1996 ah khan Television hmanga film leh program pechhuaktute leh thlirtute tan TV Parental Guidelines an lo ruahman hial a ni. TV Prarental Guidelines hi January 1,1997 atang khan US Television broadcast leh cable networks hrang hrangah hman a ni. Cable TV Parental Guidelines thil tum ber chu Cable TV broadcasting leh Cable networks hrang hrang hrang film leh program felfai taka thliar hran leh thlirtute kum mila en theih tura mumal taka bithliah siam hi a ni ber mai. Hei hi Rating tiin an sawi bawk thin. 

Cable TV Parental Guidelines hian V – chips an tih mai Electronics bungrua chikhat a hmang. V-Chips awmzia ber chu Television thlirtu ten kan en theih tur thliar hrang tu television receiver a chips hi a ni. V- Chips hi Massachusetts, Representative Edward J. Markey a siamchhuah a ni a, V hian Violence tih a entir. Tin, TV entu mipuiten program tha chauh an thlir theih nan ( Viewers Control ) siam anih avangin V hian Viewer control tih a entir bawk.Television kaltlanga film leh program thenkhat an thawnchhuah hi ram thenkhatah emaw chuan tihlan a remchang thin lova, heivang hian V chips hmangin Television program tam tak block a ni thin. Naupang te tana en thiang lo program leh film pekchhuah anih thin avang hian keini India ramah phei chuan hetianga TV program siamremna kawngah hian sorkar a duh tui hle nghe nghe a nih hi.

Parental Guidelines hian news leh sports programming adal ngai lova, heivang hian CNN, Fox News Channel, ESPN , Fox Sports Net , Doordhasan te zalen takin India ramah chuan kan en vek thei a ni. A bik takin Film, Advertisement leh entertainment program zawng zawng deuh thaw hi parental guidelines phal chinah zel TV kaltlanga pekchhuah leh dawnsawn thin a ni. Film leh Program hrang hrang te Parental Guidelines hmanga then dan zawng zawng sawi vek sen nilo mahse, a tlangpui chauh han bih teh ang.

1.      TV-Y : Hei hi Naupang kum 6 chin en theih a ni. Cartoon emaw Mihring pawh ni se a thil tum leh program hrim hrim hi naupang te tan a pawi tur thil a awm tur ani lo. Thil hlauhawm leh naupang thlabar theihna lam a awm tur anilo bawk.. TV- Y in a huap langsar zual te chu Little Einsteins, Bob the Builder, Thomas and Friends, Dinosaur Train, Curious George, Sesame Street, Barney & Friends, Dora the Explorer, Go, Diego, Go!, Strawberry Shortcake: Berry Bitty Adventures leh My Little Pony: Friendship is Magic te an ho hi a ni .
TV-Y7: Naupang kum 7 chunglam tan a ni. Spongebob SquarePants, Chowder, The Powerpuff Girls .e.tc te hi an ni. Fiamthu lam te, action pangngai ang chi te leh hmanraw hlauhawm lo chi tenau te a tel thei. Naupang kum 7 hnuailam tan thil hmuh nuam lo leh thlabarna thenkhat a awm thin avangin kum 7 an tlin phawt loh chuan an entir ngai lo a ni.

TV-Y7-FV: Hei hi kum 7 chunglam tan tho ani nachungin Insual, inkap, indo leh inhau a tam hle. Batman: The Brave and the Bold, Pokémon: Best Wishes!, G.I. Joe: Renegades, leh Transformers: Prime .e.tc te hi TV-Y7-FV rating hian a huam a ni. Tin, Japan Animation cartoons Dragon Ball Z Kai, Bakugan: Gundalian Invaders, Yu-Gi-Oh! 5D's, Beyblade: Metal Fusion .e.tc te hi a huam tel bawk.

2.     

TV-G : hei hi mipui vantlang en chi film leh program a ni. Hetah hian mipat hmeichhiatna te, Inhauhna tawngkam thalo te, thawmhnaw inbel duhdah tak ang chi te a tel thiang lo. Naupangte tana siam ni chiah lo mahse, naupang awmlaia nu leh pa tam ber ten inluma kan en avangin naupang pawhin an en nasa hle thin. Food Network leh HGTV te, thalai lawm Nickelodeon leh Disney Channel ang chi te hi an ni

3.     

TV-PG : Nu leh pa ngaihdanah a innghat tlangpui. Puilting, Nu leh pa te tellova naupang chauhin an en loh tur ang chi e.g. WWE program te, Adventure Time, MAD, Robotomy, Young Justice (TV series), Generator Rex, Sym-Bionic Titan etc. ang te hi TV-PG hian a huam a ni. Hetiang program leh film ah reng reng atirah hriattirna an siam thin (e..g Program may be unsuitable for younger children without the guidance of a parent ). TV-PG hi hetiang hian an then hrang leh bawk. In biakna tawngkam ah (TV-PG D ) In hauhna leh thinrima inbiakna (TV-PG L), Mipat hmeichhiatna lam hawi (TV-PG S) leh hriamhrei leh insualna (TV-PG V) .

TV-14 : Hetiang program ah hian mipat hmeichhiatna, thisenchhuahna, tawngkam tha lo tak tak a awm theih avangin kum 14 chunglam tan a ni tlangpui. Tin, Puitling, Nu leh pa kaihhruaina hnuaia en ho chi a ni bawk. Hetiang program leh filmah reng reng atirah hriattirna (Parents strongly cautioned/May be unsuitable for children under 14 years of age) an siam thin. Napang ten an en lohna tura Puitling, Nu leh pa te tana fimkhur ngai chi te an ni tlangpui. Heng hian The Tonight Show , Saturday Night Live. Dragon Ball ,CSI, The Simpsons , Total Nonstop Action Wrestling (TNA) , WWE, Ramboo leh Arnold film thenkhat te, Sharon stone e.t.c ang chi te pawh a huam bawk. Sex, insual, tawngkam thalo .e.tc tamna film leh program naupang mut hnu zan dar 9 hnu lama pek ho te pawh hi a huam deuh vek bawk thin. TV G ang bawkin inbiakna tawngkamah (TV-PG D ) In hauhna leh thinrima inbiakna (TV-PG L), Mipat hmeichhiatna lam hawi (TV-PG S) leh hriamhrei leh insualna (TV-PG V) hmanga then hran a ni.

4.     

TV-MA: Hei hi puitling kum 17 chunglam tana siam a ni. Hetiangah hian Inhauhna leh thinrima inbiakna, Mipat hmeichhiatna lam hawi leh hriamhrei leh insual a tam hle thin. Hetiang program leh filmah reng reng atirah hriattirna an siam thin (e.g Mature audience — unsuitable for audiences under 17). Semi- blue film, Bay Watch, thlahrang film, Indo film, e.t.c te hi an ni tlangpui. Kan hriat awlsam theih dan berah chuan, Action lamah Arnold, Vandem, Silvester Stallon (Ramboo) channa te, Mipat hmeichhiatna lamah Sharon stone leh Michael Douglas films Basics instint te kha an ni. 

Awle, Aizawl leh Mizoram hmun hrang hrangah Cable TV kan en nasa hle mai si a, TV lama sumdawngtu te leh nu leh pa ten theih tawpa nakin lawka kan ram hruaitu leh kohhran kut leh ke la ni mai tur te Film leh program thalo laka kan venhim a tul hle mai. Computer man a tlawma, pirated softwares a tam tial tiala, computer hmanga mizotawnga film lehlin thar nitin deuh thaw hmuh tur a awm a ni ber tawh mai si a, TV lama sumdawngtute pawhin a hmuhnawm lam leh a awlsam vang ringawt ngaihtuah lova, Film leh Program thehdarhna kawngah kan fimkhur a tul hle mai.

Tidaih teh ang, Cable Television lamah hian kan changkang viau tawhna chungin TV entui laia Providers ten power an neih loh avanga tawp ta daih te, Computer reset leh ringawt mai te avanga TV screen a Windows XP logo rawn lang reng mai te, Laklawh deuh deuhva zai lai tawp te, News pawimawh lai a tawp chut chut te leh adang dang a la tam hle mai. Hetiang Technical problems hi TV lama sumdawngtute hian avai vaia an siamrem thei lo anih pawhin engemaw zat hi chu an siamrem theih ngei a rinawm. Tin, Phalna la lo leh License neilova mizotawnga film leh document kan lehlinte a tam fu tawh mai si a, TV lama sumdawngtu te leh Entertainment Industry local tak tak te hi India Film lama kan hotu te hian min la rawn kamkhat maiang tih pawh a hlauhawm hle mai.Kan vaia kan fimkhur tlan a tul hle mai.

Keni TV entu te lah hi Khawchhak film in zantin kan inchawm a , khawthlang mut danin kan mu leh a, Vai ang maiin zingah tlai tak takah kan thova, Mizo takin chaw kan ei teuhva, American mihausa ang maiin chhunah thawmhnaw nalh tak tak nen kan inpen parha, British mihausa nupui ang maiin kan chettlatna apiangah pawisa ren lek lovin kan hmang a, Kristian lo ho pawhin an duh loh inthlahdahna, eirukna leh hlemhletna in office leh sumdawnna kan buaipui nilenga, Japan ho angin tlailam thingpui kan duhtui em em a, inkhawm hunah Missionary rawih thar ang maiin Gospel Uniform a inthuamin vuak thluk thian loh mifel angin Biakin kan pan, TV bill an rawn khawna kan la pe tha duh lo te hi chu buaithlak tak a ni.

Engle khawle, TV tellovin kan awm thei tawh meuh lo chu a ni mai si a, A tha zawnga kan nunpui theih nan Television Parental guidelines te hi ngai pawimawh theuh phawt mai teh ang u