Mizoram State Wide Area Network (MSWAN)
Er. Chhungpuia Renthlei
Mizoram State Wide Area Network
(MSWAN) hi e-governance project “ National e-Governance Plan (NeGP)"
inghahna bulpui ber a ni. A awmzia ber chu mipui ten awlsam zawka sorkar
kan dàwr theihna tur leh kan mamawhte information technology kaltlanga pek
theihna tur atana . district leh block headquarters zawng zawngte Aizawl nena
inthlunzawmna tura Mizoram pum puiin kan hman theih tur Network lian
tak a ni. Sorkar thuchhuah tarlan danin, MSWAN hiJuly 2012-ah
khan hawn a ni.
State Wide Area
Network (SWAN) hi sawi tawh angin National e-Governance Plan
hnuaiah a awm a, March, 2005 khan India sorkar chuan State hrang hrang a hman
turin a pawm. Pawisa pawh a seng hnem hle mai a, estimated outlay
atan 3334 crore lai a ruahman a ni. India sorkar ruahmanna ang
chuan SWAN hi India ram pumpuiah kum 2010 khan peihfel vek
tura ruahman a ni. State Wide Area Network (MSWAN) hi tunlaia india
sorkar in a buaipui ber e-Governance project hrang hrang
innghahnahnukpui ber a ni ti ila a sual tam awm lo ve. He
Network hi hlawhtling taka kan hman theih chuan Mizoram
mipui ten awlsam zawkin sorkar kan dawr thei dawn a ni.
He Scheme
hnuaia technical leh financial assistance zawng zawng hi India
ram States/UTs zawng zawngah Central sorkain a pe vek bawk.
SWANs hian India ram chhunga State/UT Headquarters mai bakah
District/ sub-Divisional Headquarters kaltlangin Block level zawng zawng
pawh a minimum bandwidth capacity of 2 Mbps a thlunzawm vek tur a ni.
Tin, Mipui leh sorkar in kan hman tangkai dan a zirin Central sorkar
chuan bandwidth sang zawk min pe thei. State / UT zawng zawng te
hian State Head Quarters (SHQ) leh District Head Quarters (DHQ) te hi bandwidth
34 Mbps thleng a chaka thlunzawm tur a ni . District Head Quarters (DHQ)
leh Block Head Quarters (BHQ) te hi 8 Mbps thleng a chak a
thlunzawm theih tur a ni bawk.
Ministry Of
Electronics & Information Technology, Government Of India website (
http://india.gov.in) in Nikum 2015 May 20 a a
tarlan danin India ram state 34 ah State Wide Area Network
siam zawh tawh a niin tha taka hman mek a ni. Chung te chu Andhra Pradesh,
Chandigarh, Chhattisgarh, Delhi, Gujarat,Goa, Haryana, Himachal Pradesh, Jharkhand,
Kerala, Karnataka, Lakshadweep, Maharashtra, Orissa, Punjab,Puducherry, Sikkim,
Tamil Nadu, Tripura, Uttar Pradesh, West Bengal, Assam, Bihar, Madhya Pradesh,
Uttarakhand,Manipur, Arunachal Pradesh, Mizoram, Nagaland, Meghalaya Rajasthan
Dadar & Nagar Haveli and Daman & Diu te an ni. Kan hmuh ang hian
keini Mizoram pawh kan tel a ni.
Hetih lai hian
tuna Mizoram dinhmun angah hi chuan MSWAN tangkaina hi kan la phawk
chhuak pha lo hle mai. Hei hi achhan ber ni a lang chu
‘connectivity’ a that loh vang a ni. Tunah hian ‘fibre optic’
hmangin India ram pum thlun chhuah tum a ni a, chumi hnuah thingtlang thlunzawm
tur a ni leh a, hemi a hlawhtlin hunah chuan hma kan sawn a beisei awm.
Hmasawnna hmu
tur chuan a hmasa berin ramruhrel (infrastructure) tha neih a ngai a, hemi tel
lo chuan hmalam zawnga ke pen a theih loh tluk a ni. Ram ruhrel a that chuan
mipui hawiher pawh danglamin rilru sukthlek thlengin a nghawng thin a, chu
chuan hmasawnna a keng tel hrim hrim zawk a ni.Thenawm state kan tluk lo
fo mai thin hi kan in enchain chu angai hle mai. Kan hotu ten theih tawp an
chhuah thu sawi thin mahse, vawiin thlen maia Network hman theih loh a
awm fo te hian mipui harsatna min siam na sa hle a ni. Kan
sorkar hian Network inthlunzawmna tha kan neih theih nan theih tawp a chhuah
zel a tul tak zet ta niin a lang.
Tunlai khawvel
ah chuan ‘internet connectivity’ a that loh chuan hnathawh a theih tawh lo a,
hemi tel lo chuan khawvel hi a ding tawp tawh a ni. Kan ram pawhin hemi kailawn
hi a zawh mek a, ‘connectivity’ a chhiat zual phei chuan mi tam tak eizawnna a
buai nghal mai a, ‘service industry’ nasa takin a tibuai a, nitin mamawh zinga
mi chanchin bu te pawh tih chhuah loh lek lek tum te a awm ve thin. Sum engzah
tak luang ral tawh ang maw?
Information Technology ah hian Sawrkar
pawh thui tak a innghat tawh a, ‘connectivity’ a chhiat chuan sawrkar pawhin a
tuar zel a, sawrkar sum hloh a awm phah fo a rinawm a ni. Tun ai hian chak sela
zoram mipui te hian Mizoram State Wide Area Network hi kan
hmang tangkai ngei ang le.
No comments:
Post a Comment