WELCOME TO CHHUNGPUIA RENTHLEI BLOG

HEI LE COMPUTER MEMORY  (DDR1, DDR2, DDR3 )                

 Er. Chhungpuia Renthlei

DDR memory kan tih ber hi  eng nge ni le ?

Kan hriat theuh angin Computer memory  (Random Access memory) te hian hunbi tiam chhunga signal inthlak , digital  signal pulse 0 leh 1 emaw Low leh high pulse  hmangin signal an transfer tlangpui a, hunbi tiam chhunga Digital Signal pulse hi memory hrang hrangah a danglam fo thin.. Computer  speed  innghahna ber Memory Data Transfer rate tihsan dan ngaihtuahin kum 2000 chho atang khan mithiam te chuan hma an la mup mup reng a, tichuan, digital signal pulse  Cycle pakhat zelah  Data vawihnih lai memory chuan a transfer thei ta. He Technology hi Double Data Transfer Rate  ( DDR ) memory technology  tiin an vuah a ni. Kum 2005 atang khan computer memory te reng  reng hi DDR technology hmangin an siam chho ta zel a, Tin, heti hi a ni a,  vawiin  thlengin DDR technology kan hmang chho ta zel mai anih hi.

DDR 1 hi enge ni le ?

DDR 1 kan tih hi  Computer memory lar tak mai SDRAM thlakna tura Kum 2005 nipui laia  an  siamchhuah, Double Data Rate-SDRAM hi a ni.  DDR1 kan tih hi a tir takah chuan  DDR-SDRAM emaw  DDR tiin an sawi mai thin. DDR1 hian pin 188 a nei a,electric current 2.5 Volts a hmang bawk. Double Data Rate tih hming an vuah ang ngeiin DDR 1 hian Memory hmasa SDRAM  ten vawi khat lek Data an transfer theih hun angah khan vawihnih lai a transfer thei a ni. DDR 1  memory langsarzual te chu :

1.      DDR 1 PC1600 1.6GB

2.      DDR1 PC2100 2.1GB

3.      DDR1   PC2700 2.7GB

Hun a rawn inher ve zela, DDR technology hmang hian memory chak zawk leh capacity sang zawk awlsam te in an rawn siam leh ta a, hetiang anih takah chuan DDR ti a a hming an vuah kha  DDR 1 tiin an thlaka , memory  an siamchhuah thar chu DDR2 tiin an vuah  ta bawk a ni.

DDR 2  hi enge ni le ?

DDR2 hi   DDR  version 2  ti te pawhin a sawi theih awm e. DDR2 hi kum  2006 laia siamchhuah a ni.DDR1 kha tlemin an siam danglam hret a, Memory signal pulse chakzawkin an siam a, hei hian nasa takin Data transfer rate a tisanga, Computer speed a chak phah bawk a ni. DDR2 hian DDR1 ang lo takin pin 240 a nei a, electric current  1.8 volts a hmang bawk Tin, memory pre-fetch buffer size asang zawk bawk. DDR1 aia volt hniam zawk a hman avang hian heat effect  pawh a tlem zawk a, hei hi DDR1 aia a thatna em em pakhat a ni.  DDR 2 memory langsarzual te chu :-

1.      DDR2-400 PC2-3200 3.2GB

2.      DDR2-533 PC2-4200 4.2 GB

3.      DDR2-667 PC2-5300 5.3GB

4.      DDR2-800 PC2-6400 6.4 GB

Sawi tawh angin computer hmanna a pung zela, computer chak tha leh memory sang zawk siamchhuana lama hmalakna a chawl thei mai bik si lova. Tichuan, DDR2  pawh hi siam danglam lehin a aia tha leh chak zawk an siam chhuak leh ta a, hei hi  DDR3 tiin an vuah leh  ta a ni.

DDR 3  hi enge ni le ?

Kan sawi tawh angin  DDR3 hi  DDR memory Version 3 tiin a sawi leh theih bawk ang. DDR3 hi kum  2007 nipui laia siamchhuah a ni. A hmasa in  pre-fetch buffer size  hi  8-bits laiin DDR3 ah hian an tisang a. Hei hian nasa taka  operating frequency a tihsan avangin  data transfer rate a sang em em ta a ni. Tin,  Frequency sang avanga  heating effects a awm lohna turin electric current a mamawh zat pawh 1.5 Volt lekah tih hniam a ni bawk. DDR2 ang thovin pin 240 neia siam ni mahse, Mothertherboard  DIMM ( Dual input memory Module – Motherboard a memory vihluhna kua )a vih luh sual theih loh tura a danna notched key position siam danglam a ni bawk. Tin, DDR3 hian DDR1 leh DDR2 memory ten an neih ve loh memory reset option  a nei bawk.  

DDR 3 memory langsarzual te:-

1.      DDR3-800  PC3-6400  6.4 GB

2.      DDR3-1066 PC3-8500  8.53 GB

3.      DDR3-1333 PC3-10600 10.67 GB

4.      DDR3-1600 PC3-12800 12.80 GB

Aw le,  kumin 2012 thleng hian computer tam berah DDR2 leh DDR3 deuh vek hman a ni tawh a, Laptop computer ah phei chuan DDR3 deuh vek hman a ni nghe nghe bawk. .Mahni a Computer memory  Upgrade tum ten  DDR2 support motherboard DIMM a DDR3 vuah tum kan awm fo mai , Memory pin leh motherboard DIMM a in mil loh chuan kan vuah thei lo tih kan hre tur a ni. Hei vang hian  Computer Memory Upgrade dawn reng rengin kan motherboard hian DDR1, DDR2, DDR3 a support em tih kan hrechiang tur a ni.