KHUANGCHAWI THLA

Er. Chhungpuia Renthlei

Nitinin Leilung danin khawchhak lama atangin  turnipui arawn chhuaka, khawthlang lamah a tla leh a. Zan lamah nise, rinawm takin ahun takah chhawrthlapui pawh arawn de a, abiala, amang leh thin.Chawlh zai rel hauh lova hetianga vawi duailo a inher takah chuan  heile,   Khuangchawi thla (October) meuh pawh kan lo chuang chhuak leh ta reng mai chu anih hi!

Ni e, Khuangchawi thla  arawn inherchhuah meuh hi chuan khaw dur khup khup leh khawpui ri a kiang a, vanlam han thlir ila van boruak pawh athiang dumpawl ruih ta mai. Zing ni chhuak hliah thintu chhum chhah tak tak pawhin kianzai arel a, thlalak ngaina mi tan pawh mahni rau raua kan lan that ve hun lai tak a ni ngei ang le!  Tin, kan tawngtai chhanna tura khuanu ruat ani chek ang chu, kohhran hruaitu leh keini mi naran te pawhin kan tawngtaina a kan chham lar em em "zing ni chhuak eng mawi tak" pawh khuangchawi thla ah meuh chuan kan hmu ve leh thei thin. 

SMART TECHNOLOGY 

IoT(Internet of Things)

-Er. Chhunguia Renthlei

Smart lam pum chu  Self-Monitoring, Analysis, and Reporting Technology a ni. Smart awmzia ber chu Computer anga  internet hmanga connect theihtura Internet Protocol (IP) Address nei leh atul apiang  rang taka buaipuitu( Processor) leh data dahkhawmna ( Storage media)  tha tak nei sawina a ni. Tin, smart device hian a huam zau hle a, wireless a thlunzawm(network) theih leh hmanraw pakhat atanga hmanraw danga  information in pektawn (Sharing) theih a ni bawk. Hei bakah hmun dang atanga hman leh thunun theih( Remote Access & Control) tura sensor  leh chhinchhiahna (Unique indentification) nei thlap  a ni bawk. 

PMGDISHA

(khawvela digital literacy programme lian ber)       

-Chhungpuia Renthlei

Written on :20.Sept 2019

PMGDISHA:

Pradhan Mantri Gramin Digital Saksharta Abhiyan

A awmzia:

Prime Minister Rural Digital Literacy Campaign

Hmathlir:

IT lama Khawpui leh Thingtlang inkar zau lutuk tih tlem

 Project Cost:

Rs.2,351.38 crore

PMGDISHA hi India ram chhunga Digital Literacy lama khawpui leh thingtlang inthlau lutuk (Digital divide) nuaibona tura Digital India program hnuaia hmalakna pawimawh tak, thingtlang lama cheng chhungkaw nuaih 600(6 crore) te hnena digital literacy pawimawhna puanzar leh zirtirna pekna scheme lian tak a ni.

KHAWVELA ELECTRONICS  COMPUTER HMASA BER (ENIAC)

-Chhungpuia Renthlei

ENIAC chu !

Khawvel a electronic programmable computer hmasa ber ENIAC (Electronic Numerical Integrator and Computer) hi Indopui 2 na hun laia Physics thiam John Mauchly leh Engineer J. Presper Eckert te kaihhruaina hnuaiah an siam a. Senso zawng zawng hi U.S. Army experimental fund atanga pek vek a ni. ENIAC an siam hun lai hian tunlaia electronics hmanrua ang hi a la awm loh avangin a khawl pawh a lian hle a, a rih zawng ringawt pawh 27215.5Kg lai a ni. 1,800 square feet lai a awh nghe nghe.School bus  a park theih hial a ni. ENIAC  ah hian 17,468 vacuum tubes,70,000 resistors, 10,000 capacitors, 1,500 relays, 6,000 manual switches a awm a, a zawm khawm pawh a hautak hlei hmun 5 million laiah zawm khawm (soldered joints). Electrical power pawh a hmang hek hle a,tih nun nan ringawt pawh  174 kilowatts lai a mamawh. ENIAC hi a siam man a to hle a, US Dollar 500,000 lai a ni. Thil man to zel mila  an chhut danin kum 2010 khan US Dollar 6 Million lai ni

POWER & ELECTRICITY

-Chhungpuia Renthlei

Power & Electricity khawvela  hming  dai ngailo tur Father of Electricity tih hial a koh, British scientist Michael Faraday-an kum 1830-aKawlphetha siamchhuah dan ahmuh chhuah atanga vawiin thlengin Industry hmasawnna avangin kan hmang tangkai telh telh a, tunah chuan a tello chuan kan khawsa theiloani ber mai. Kum 1879 khan Cleveland  kawthlerah Electric lights (Brush arc lamps) chhit en ani a, hei hi khawvela Public street lighting hmasa ber a ni.Edison Electric Illuminating Company, New York ten Manhattan ah an chhi eng a.England rama Godalming khua ah 1881 September khan mipui vantlang tan Public street lighting an hmang tan a, hei hi England a Public street lighting hmasa ber a ni. Chenna in a electric lakluh hmasak ber chu kum 1882 a n

E PAYMENT HISTORY

 Er. Chhungpuia Renthlei

Pawisa chetvel dan

Computer guru an tih mai, English computer thiam hmasa Sir Tim Berners Lee – an kum 1991 a mipui vantlang tana World Wide Web server hmasa ber a buatsaih kha e-payment sulsutu pawimawh ber zinga mi kan ti lo thei lo ang. Kum 1994 khan Stanford Federal Credit Union first financial institution din a ni. Hei hi financial institution zinga online internet banking services ti thei hmasa ber a ni.

 Internet kaltlanga thil lei leh hralh ( Online marketing) hmasa ber hi hriat theih chinah kum 1994 a Pizza Hut hovin an thil siam a hralh kha a ni. E- Payment hmasawnna atana pawimawh tak pakhat chu online commerce hi a ni bawk. Kum 1979 kum daih tawh khan Michael Aldrich chuan Phone call kaltlanga sumdawnna technology a lo hmang tawh . A tirah chuan e-payment hi a awlsam lo hle. Kum 1995 a din Millicent te kha e-payment market hmasa te an ni . Tichuan, Kum 1996 ah ECash or Cyber

 CARD (Plastic Money)

Er. Chhungpuia Renthlei

CARD hi plastic money  tiin an sawi thin bawk. Card hi bank pekchhuah a ni a, card neitu hnena pekchhuah dan a zirin a hman dan  te pawh thliar hran a vek ni. ATM atanga pawisa lak chhuah mai bakah Petrol pump ah leh dawr thenkhatah Bank PoS (Point of Sales) khawl an neih tawh avangin mipui ten awlsam takin card kan hmang thei tawh bawk.

Aw le, tun tum chu Credit Card, Debit Card,  MasterCard, Visa leh  American Express chungchanga kan hriat tur tul zual  tawngkam mawl mang takin han sawi thuak thuak  ang  hmiang. 

DIGITAL LOCKER 
 Documents Anywhere AnyTime

 Er. Chhungpuia Renthlei

DigiLocker awmzia chu  India khua leh tui ten kan documents & certificates hrang hrang him taka internet server-a kan dahkhawl theihna leh electronics media hmanga origin documents & certificates min pek chhuah theihna tura Digital India  hnuaia India sorkar hmalakna pawimawh tak a ni.Prime Minister Narendra Modi chuan 1^st July, 2015 khan a tlangzarh.

CYBER CRIME SCENERIO IN MIZORAM

-Er. Chhungpuia Renthlei

Technical Officer, NIELIT Aizawl

Mizoramah Cyber crime thubuai hi kum tina pung zel a. Cyber crime thlen chhan tam ber chu phuba lak nan emaw, hlimhlawp nan emaw, sum leh pai hlawhchhuah nan emaw tih a ni  tlangpui. Tin, hlimhlawp nan leh huat zawngte tihmualpho nan cyber crime hi tih a ni deuh ber a, pornography (saruak thla lak) leh copyright buaina a langsar hle bawk.

MIZORAM A CYBER THUBUAI ZIAH LUH HMASAK BER:

 Thudawn danin, Mizoram a Cyber Crime thubuai ziahluh hmasak ber chu May 20, 2009 kha a ni. Reverend pakhat chuan SP Aizawl hnenah FIR a submit a. He FIR-a a lan dan chuan mi tu tih hriat loh ten a Email Password (HOTMAIL) chu lo thlak sakin, a Email Account hmang chuan a thian hrang hrang mi engemaw zah hnenah; amah chu London a zina, a wallet ti bo vek leh Hotel Bill pawh pek tur nei tawh lo anga in sawi in, pawisa US Dollar 2500 chu Western Union kaltlanga puk tir turin an lo dil tih a hrechhuak a, hemi chungchangah hian action la turin Police hnenah a thlen. He thilsual tih tumtu te hi Foreigners (Nigerian) lam mi ni a hriat an ni nghe nghe a ni.

CYBER CRIME -TERMS  

-Er. Chhungpuia Renthlei

CYBER  : Cyber chu Greek tawng “Kubernetes” atanga rawn irh chhuak ani a, a saptawng chuan Cybernetics tih a ni a, hemi lamtawi hi Cyber tih chu ani. A awmzia tak  chu computer leh computer thlunzawmna computer network an tih sawi nana hman a ni.

CYBER CRIME : ICT hman khawlohna avanga dan bawhchhiatna  sual chi hrang hrang  sawina a ni.

CYBER CRIMINAL  :  Cyber Crime  titu te  sawina a ni.

COMMON CYBER CRIME INCIDENT IN MIZORAM

Mizoram chhunga cyber crime thleng langsar zual te

-Er. Chhungpuia Renthlei

Cyber crime cases registered  Langsar zual te : 

1.     Social Media leh  Mobile Phone hmanga Pawisa  lama inbumna

2.     Social Networking Sites  kaltlanga inbumna

3.     Copy Right Reserve  chungchang

4.     Document  /Certificate hrang hrang lem siam

5.     Pawisa  leh bank account kaihnawih inbumna

6.     Document inruksak

CYBER CRIME STATISTICS  2009-2015

Mizoram Police hnuaia Cyber Crime Cell chhinchhiah danin  Mizoram-ah kum 2009 atanga kumin 2014 inkar chhung khan Cyber Crime thubuai 37 ziahluh a ni. Thubuai ziahluh tam ber chu saruak thlalak leh mipat hmeichhiatna hmang lai video thehdarh chungchang a ni.

kum 2009  ah                               2

Kum  2010-ah                              3

Kum  2011-ah                              5

Kum  2012-ah                              4

Kum  2013-ah                              9

Kum  2014 (Upto August)  14.

Kum 2014 May 21 khan Mizoram Police, SP CID (Crime) hnuaiah Cyber Crime Investigation Cell din a ni a, helama harsatna neih chuan Police Station hnai berah FIR thehluh theih a ni a, hemi bawhzui hna leh hnuchhui hna hi Cyber Crime Cell hian an thawk thin.

HLAWHTLINNA KAWNG
-Er.Chhungpuia Renthlei

Hlawhtling tura  eizawnna leh zirna peng hrang hranga kaldan tur thlan hi kawppui thlan ang deuh a nia, thlan fuh chuan kan that pui a, thlan sual erawh chuan kan chhiat pui thung si. I thenawm pa vitamin ei ang kha i ngeih ve kher lo an tih ang deuhvin mi te that  pui ang hi kan thatpui ve kherlo theih avangin  kan tui zawng, kan mize mipui leh chhungkaw dinhmun thleng ngaihtuaha  fimkhur taka thlan thiam a tul.

“Eng thil pawh ti ila, hmathlir (vision) tha tak tellova hlawhtlin  hi a nung chunga chengkawl bial kher chhuah tum tluk zetin harsa “ an tih hi a dik hle mai. Kan tui zawng, kan mize milpui leh chhungkaw dinhmun thleng ngaihtuaha vision tha tak nei chunga fimkhur taka career thlan thiam atul.  Information Technology ah  thil thar a lo chhuak zela, hmun hla tak tak a mite nen pawh  thenawm hnaivai ang maia kan ti ti theihna, (Global Village)  hial Social media  hmanga  neih takah chuan kohhranah pawh  Sual sim aiin Dual SIM a lar zawk ta hial mai.

Kan CM tawngkam takin, Internet leh Social media te hi  finna tuizem,  thal kang theih loh khawpa tam, lehlama khawh lut zur zur, lehlama khawh chhuak  zur zur ang a hi a ni ringawt mai ! IT hmasawnna haka tlu chhe  ta mai pawh kan awm ta nual mai. IT hmasawnna  dan tum chu chho zawnga tui hleuh ang hlauh a ni mai si. Heng hmasawnna te hi kan career chil thluk tir lovin, phurh kal tir zawk turin  hmang mawlh ang u.

Kan hnathawh leh Zirna tibuai thei khawtlang & kohhran activities hrang hrangah  telna tur atam hle. Mizo society ah chuan kutsil san ngawt theih loh tluk a ni. Hlawhtlinna kawnga kan nih phak tur ni phalo a, khawtlang & kohhrana  kan nih phak loh tur  ni pha hial khawpa actvitities hrang hranga kan inhmang si te hi hlawhchhamna hlawhtling a tihloh theih loh! Heivang hian  competition hrang hrangah kan hlawhchham thin. Hlawhtling tlaka taima  vai, chakma leh tuikuk han tling dek dek se, Palm Sunday tuka tumkau nena “Hosana” ti a Biak In pana kawng zawh hnam ten “Bang rawhse” tiin CM bungalow panin  kawng kan zawh leh si thin. Hlawhtlin kan tum dan hi  a nung chunga vanram kai tum ang maia beidawn thlak a ni.

Mobile, Internet Social media leh  khawtlang & kohhran Activities te hi Sap zu tha mi ang deuh a ni a, kan thatpuina tur tawk chiah a kan hman thiam chuan hlawhtlinna hmanraw hriam ber , a tangkai zawnga kan hman loh erawh chuan career chhiatpui vek theihna "Career killer"ani. Hlawhtlin kan duh tak meuh anih chuan activities hrang hrangah  inhman dan chin tawk hriat angai. TFT (Tawi Fel Tak) a sawi chuan,  zirlai tan khawtlang & kohhran Activities  a zirna tibahlah thei khawpa  chanvo pawimawh chelh loh a him ber.

Khawvelah hian mi vannei bik te chu awm thin mahse, vanneihna ringawt hmanga hlawhtlinna hi neih ngawt theih a nilo. Taima taka  thawh chhuah tur zawk. Khawvela mi hlawhtling ber ber te zingah hian talent neih that em vang leh thiam em vanga hlawhtling ai chuan an tum ruh em vang leh hlawhtling tlaka an taimak avanga hlawhtling an tam zawk tlat. Tumruhna, Taimakna,  leh Thuawihna  hi hlawhtlinna  formula laimu, Pa leh Fapa leh Thlarau thianghlim tluk zeta pawimawh, then hran theih loh khawpa kalkawp tlat a ni. 

Thuawihna leh Thawhrimna tellovin hlawhtlinna tluantling a awm ngai lo. Thawk silova 'hlawhtlinna' awmna hmun awm chhun chu Dictionary-ah chauh a ni. Thawhrimna tel si lova hlawhtlin tum chu pial tlepa liluh tum ang a ni. Hlawhtlinna kawng hi kawng awlsam ni lo mahse, Harsatna kan paltlang hnem poh leh a tawpa hlawhtlinna hi a ropui thin. Hlawhtlinna tura kan beih eng pawh hi inthununna tha tak nena Tumruhna, Taimakna,  leh Thuawihna  nena kan bei a nih ngat chuan Pathianin mal min sawm anga, kan hlawhtling ngei ngei ang.  Hei hi HLAWHTLINNA KAWNG ka tih ve chu a ni e.

CYBER  CRIMINAL  DETECTOR  SOFTWARES

Er. Chhungpuia Renthlei

  

Khawnge tun tum chu  tlangval senior nupui nei thar hlim zan mu tur ang deuhvin fore play tel hauh lovin  ka tih tur takah ka han bung nghal bawrh bawrh mai teh ang.

Aw le, Internet khawvela  suahsual rawngbawlna lam hawi reng reng hi Cyber Crime hian a huam vek a, hetiang thilsual tutu te hi Cyber Criminal tih an ni bawk. Hetiang chhuichhuahna lam atana an a bik taka an siam  Computer  softwares  hi Cyber  Criminal Detector  Softwares  tiin an vuah. Thilsual ti tu hian Computer program  Code  emaw Mobile  emaw, hmangin  pawi an khawih  tlangpui thin. 

KAN SMART  VE A HUN TA E.
 -  Er. Chhungpuia Renthlei

Technology changkanna chuan smart world ah min hlangkai a. Kan nunphung zawng zawng tih mai turin khawvel sumdawnna te, eizawnna te, zirna te leh sorkar hna kalphung thlengin  a her danglam mek chu a nih hi. Bank lamah ni se, A hmuna kal kher  lovin, mahni awmna hmun atangin duh hun hunah mobile leh computer hmangin bank kan dawr thei a, kan account kan khawih che thei a. Sumdawnna lamah Pawisa note leh coin tellovin cashless transaction hmangin thil kan lei thei a, petrol kan thun thei bawk. Ei rawngbawlna  leh Ration buhfai chenin electronics hmasawnna chuan kan kalphung a her danglam bawih bawih a ni ber mai.

 e-OFFICE  MAWLH HI

Er. Chhungpuia Renthlei

e-Office hi enge ni ?

e-Office chu IT hmanrua nena Departments/ ministries  hnathawhna hrang hrang  tichangtlun hi a ni. Information technology lama India ram hmasawnna pawimawh tak mai leh keini mizoram sorkar hnuaia department hrang hrang te hnathawh dan kalphung thleng pawh tihchangtlunna tura National e-Governance Plan (NeGP) hnuaia Mission Mode Projects (MMP) zinga peng pakhat pawimawh zet mai a ni. e-Office  thil tum  hi hlawm lian deuh deuh panga ah  then a ni.

KHAWVEL (EARTH)

Er. Chhungpuia Renthlei

Planet dang zawng zawng te  Greek or Roman God hminga phuah a nih laiin kan chenna khawvel erawh chu  Anglo-Saxon tawng Erda tih  atanga phuah a ni. A awmzia chu Ground/Soil tihna a ni. 71% lai tuiin a chim. Ni eng chak lutuk tur lakah te, khawlum lutuk leh vawt lutuk lakah t, arsi hlawm lian lutuk ten kan lei an rawn den fuh laka min veng thei tura  tuamtu boruak inthuah (Atmosphere) hrang hrang a nei leh zel te hi kan vannei ngawt mai. Atmosphere ah hian  Nitroggen(78%), Oxygen (21%) a awm leh zel bawk. Heng bakah hian boruak hrang hrang carbon dioxide, neon, hydrogen a awm bawk te hi kan vannei hle mai.   

POLLUTION

Er. Chhungpuia Renthlei

Pollution  tih tawngkam hi kum zabi 4-na a Latin thumal Pollut/Pollutio/Polutto atanga lakchhawn a ni. A awmzia chu tibawlhhlawh, hliam, pawi khawih tihna a ni. Tunlai ah chuan Poluttion hian huam zau hle a,  thil engpawh hmanga  khawvela kan chettlatna hrang hrang -  khawmual, tui leh boruak kan tihbawlhhlawhna zawng zawng a huam thei  ang.

pollution hian  huam zau hle mai: Air pollution, light pollution, littering, noise pollution, plastic pollution, soil contamination, radioactive contamination, thermal pollution, visual pollution, water pollution e.tc .

HRINGNUN SANA 
  Er.Chhungpuia Renthlei
Written on : 8/8/2019 

Hringnun hian sana a zawnga sana rinawm ber leh mitin mil tura khuanu lo duansa HRINGNUN SANA a neia, kan pianchhuah atanga kan thihni thlenga kan hun leh ni min chhiar sak turin man leh mual awm lovin Siamtu in lei mite min buntira. Lungngaihna, hlimna,hlawhchhamna leh hlawhtlinna, thihna leh damna, bawrhsawmna leh hriselna, tahna leh nuihna ruai kil turin HRINGNUN SANA hian kan khawvel zin kawng bul min tan tira.

HRINGNUN LEHKHABU

 Er.Chhungpuia Renthlei

Written on :August 2,2019

Kan hringnun  hi lehkhabu ang  a ni a, kan nitin hun hman dan hi a chhunga thuziak te a ni.Kan mihring pui te hi a chhiar tu te an nia, a ziaktu chu keimahni kan ni. Kum tin bung thar kan kai a, kan damrei dan azirin a bung a tam mai thin. A hlutna hi a tawi leh thuiah a innghat lova, kan nundan in a ziah that leh that lohah a innghat zawk thin.

TAWNGTAINA Vs. SCIENCE 
 -Er. Chhungpuia Renthlei

Written on : July 13 at 11:10 PM ·

Thil tih tel lovin Science a famkim lo a, Pheichham man ang maia kan tana thil tha kan duh apiang maimichhinga chham ringawt hi Tawngtaina famkim a nilo.Hlawhtling tlaka kan mamawh nei tura theih tawpa thawk chunga thinlunga Pathian tanpuina dil hi Tawngtaina a ni.

HIH LOH  RINGTU!

-Er. Chhungpuia Renthlei

Dated : 26-June 2019

Mizo te chawhmeh lar tak MAIAN hi han en mai chuan kan hih hma hian a hmel a mawiin a tui hmel em em  zawk nachungin ei tlaka siam tur chuan hih phawt a ngai si.  

ZAN LAMA CHUAH TLEM
 Er. Chhungpuia Renthlei

Written on: 25-June 2019

Kan rama thalai te vanga buaina tam ber hi zan lama thleng a ni tlangpui. A bul ber pakhat chu Nu leh pa fel tak tak a kan ngaih ten mahni inlum kalsana kohhran leh NGO a program kan ngah ta lutuk leh zan lama kan thalaite an leng chhuak nasa lutuk hi a ni. Zan chhuak tlem ila, abikin zan dar 10 hnu lamah phei chuan chhungkaw kimin mahni inah awm kim theuh thei thin ila buaina tam zawk hi a kiang ngei ang.

WHATSAPP- BREAKING NEWS 
  -Er. Chhungpuia Renthlei

(Updated on 6/6/2019) 

Tukin khan bike leh bus an in su a...

Tun mai khan Civil hospitalah a boral...

Nichin lawk khan Sumo a chesualah ..

Naktuk atangin road block dawn…

WhatsApp group  hrang hrangah hetiang hi kan dawng hnem thin hle mai. A bengvarthlak hle rualin network chian loh vang te, kan dawn hun leh chhiar hun a in an loh vang te leh forward  chhawn atam thin avangin chhiartu te min tih  hun leh ni chiang taka tarlan anih loh chuan min tichi ai thin hle bawk.

WHATSAPP MESSAGE ZIN KAWNG 
-Er. Chhungpuia Renthlei

Writtten on :Dated 15/42019)

WhatsApp hian Message kan inthawn nan Store & Forward Architecture a hmang, Message kan thawn apiang hi WhatsApp server ah a in save phawt a, a thawn chhuak leh thin. A rei berah ni 30 chhung temporary a dah a ni. A dawngtu tur ten an dawn veleh Server atanga delete nghal zel a ni.Message te hi a dawngtu tur te chauhvin an chhiar leh dawn theih tura dah a lock nghal vek a ni. Hei hi end-to end encryption an vuah. Hei vang hian WhatsApp siamtu te pawhin an chhiar thei chuang lo.

WhatsApp message  kalkual dan  entirna nen han sawi ang aw.

MOBILE PHONE CALL ZIN KAWNG
( Mobile hriatzauna : 2G GSM network Phone Call)

  

-Er. Chhungpuia Renthlei

(Written on :Dated 10/4/2019)

Awlsam taka Mobile hmanga kan in call hi han bihchian chuan a kal kawng a lo thui hle mai. Mobile hmanga Kan inbiak theih nan Mobile network khawl engemaw an inthlunzawm veka, hna pawimawh hrang hrang an englai pawhin thawk char char a. Pakhat lek pawh a chhia anih chuan mobile kan hmang theilo tihna ani.

Mobile phone call ah hian process tam tak Mobile network khawl ten an tih tur a awm a. Tum khata sawi vek sen a nih loh vangin chhiartu ten kan hriat thiam theih nan, technical  harsa lutuk sawi tel lovin, general takin a pawimawh zual chauh tawi te in han sawi thuak thuak ang aw:

MOBILE NETWORK HMANRUA TE 
-Er. Chhungpuia Renthlei 

(Written on : Dated 10/4/2019)

Awlsam taka Mobile hmanga kan inbiak theih nan Mobile network khawl engemaw zat a awm a. Heng te hian   hna pawimawh hrang hrang an  englai pawhin thawk char char a. Heng khawl zawng zawng te hi an inthlunzawm veka, pakhat lek pawh a chhia anih chuan mobile kan hmang theilo tihna a ni ber mai.

Mobile network ah hian khawl pawimawh tak tak a awm a, tum khata sawi vek sen a ni lo ang.  A pawimawh zual 10 chauh  tawi te te in han sawi thuak thuak ang aw:

WHATSAPP SIAMNA SOFTWARE   

[Behind the scene] 

Er. Chhungpuia Renthlei

Smart phone hmangtu te laka mikhual lo tak,  mobile khawvela  network platform lian tak, nitin mi maktaduai 900  zet te kan inbiakna leh he thuziak i chhiar mekna ni bawk, WhatsApp  siamna software  han bih thuak thuak teh ang.

kum 2009 a Yahoo! hnuaia hnathawk tawh, American mi Brian Acton leh Jan Koum te siam, february 19, 2014 a Facebook in  US$ 19 billion lai atama  a lei WhatsApp hi software pakhat chauh hmanga siam a ni hauh lo mai.WhatsApp User account buaipui te, Message dawng khawma, a dawngtu tur hnena thawn chhuah, security lamah leh a hmangtu ten WhatsApp kan install a, tha taka kan lo hman ve theihna turin a awm tih pawh kan hriat loh software tools chi hrang hrang Server Platforms ah hna an thawk mup mup mai a awm teuh mai le.

KHAWVEL MOBILE HANDSET HMASA BER

(Motorola DynaTAC 8000X )

-Er. Chhungpuia Renthlei

Kumin 2019 atanga chhuta kum 46 liam ta  April 3, 1973 khan  Motorola  company Senior Engineer, Martin Cooper-a chuan "Joel, Marty ka nia, Cell phone  hmangin ka rawn bia a che,  kuta ken sawn mai  mai theih  cell phone dik tak  hmangin ngat in a nia." (Joel, this is Marty. I'm calling you from a cell phone, a real handheld portable cell phone.") tiin Bell Labs Hotupa ber Dr. Joel S. Engel chu khawvela mobile phone hmasa ber Motorola DynaTAC 8000X  hmangin in ava bia a.Hei hi Mobile a  khawvela inbiakna hmasa ber a ni. Khawvela (handheld) cell phone hmanga  mi be hmasa bertu, Martin Cooper-a hi Fathers of the (handheld) cell phone tih a koh a ni nghe nghe.

MOBILE GENERATION 

 -Er.Chhungpuia Renthlei

Mobile generation  (G)  awmzia ber chu  Mobile Telecommunication  Technoogy  hmasawnna hrang hrang bithliahna felfai tak  sawina a ni.Mobile Industry ten ahun laia   technology an  hman leh  feature hrang hrang a neih dan azirin tunhma 1960 chho vel atanga vawiin thlenga hmasawnna hi fel fail takin 1G,2G,3G,4G ,5G ah te then hran a ni. Mobile Generation tinah hian requency band thar, data rates  sang zawk leh generation hmasa ten an tih theih loh transmission technology thar a  awm ziah thin. Kum 1981-82 chho velah khan first generationm (1G)  a chhuak a, Kum 1998  ah 3G  a chhuak leh a. Kum 2008 ah tuna kan hman lai mek 4G  hi a chhuak ve leh bawk a ni. Dan naranin kum 10 danah  mobile  standards generation thar hi  an siamchhuak thin a.

CARDLESS ATM-YONO CASH 

(Card tellova ATM atangin pawisa lakchhuah theihna) 
-Er. Chhungpuia Renthlei

March 15. 2019 (Friday) khan India rama a hmasa ber ni turin SBI chuan Card tellova ATM atanga pawisa lakchhuah theihna banking service thar YONO CASH  an  hawng ta. YONO CASH hi ATM card hmanga inbumna tam tak leh ATM card vanga harsatna hrang hrang laka invenna tangkai tak anih bakah, India ram chhunga ATM hrang hrang platform khata thlunkhawmna Digital Universe a ni.

YONO tih hi “You Only Need One” tihna a ni. Digital financial services  hrang hrang hmun khata tih vek theihna tura  State Bank of India (SBI) siam  Application platform tak a ni. YONO version hmasa ber hi 24th, November 2017 (Friday )  khan Arun Jaitley, Finance Minister chuan a tlangzarh tawh. YONO hi upgrade thar zel a ni a, YONO Cash pawh hi YONO Service  upgrade  na chi khat a ni.

TAEKWONDO ! 
- Chhungpuia Renthlei 
(Written on : 16.2.2019)

TAEKWONDO GENESIS

Taekwondo tih hi Martial arts chikhat a ni. Korean thumal pathum, Tae =Foot(ke), Kwon=Fist(Kuttum), Do= Style (chetdan)  atanga phuah a ni. A awmzia chu  kut leh ke awmze nei taka tihchet vel dan tihna a ni.Invenhimna mai bakah rilru leh taksa sawizawi nan an hmang uar zela.Tunah chuan khawvel pumah intihsiakna Sports discipline pawimawh ber te zinga mi a lo ni chho ta.

Kum 1909-45 chho a Japan in  Korean a  awp beh lai khan Japan culture leh martial arts an vawrdarh nasa hle a.Korean ho hian an mahni pual  ngei a martial arts  neih an duh avangin  Kum 1955 a Japan hoten Korea an chhuahsan khan  South Korean Army general leh martial artist lar tak mai General Choi Hong Hi chuan  Korean style in martial arts  a ruahman ta a.Tichuan, khawvel miten kan  ngaihsan  em em, keini mizo ten Kungfu kan tih mai, Taekwondo  chu arawn piang ta a ni.

HELLO 
Er. Chhungpuia Renthlei

A tobul leh a awmzia

Hello  rawn irh chhuahna ber chu  German tawng  (Old High German ) "halâ, holâ" atangin a ni.Tuia inthiar kaina lawng khalhtu te in chibaina, in lawmna, inthlah na leh thusawi  ngaithla tura  tura an in auhna  tawngkam a ni.Tin, tunhma  France tawnga Tunge awm? tih sawina  holla nen pawh in zawmna an nei bawk. Ahoy, hollo, holla, holloa, halloo, halloa ti te in an sawi bawk.

Literature  background

H.W. Fowler, A Dictionary of Modern English Usage_1926 in a tarlan danin _hello tih hi American tawng a ni a, British chuan hullo an ti thung. Hello tih tawngkam hi hallo thumal atanga rawn chhuak niin chhuitu tamber ten an sawi bawk.Ram hrang hrang tawnga Hello tih tlukpui te:

FYND ONLINE SHOPPING
(e-Commerce hriatzauna)

Er. Chhungpuia Renthlei

(Written on : 2/2/2019)

Your friend Chhantei has credited Rs. 1,000 to you on Fynd.

Use code FT0VB9 to redeem.

Download App: https://go.fyndi.ng/100k

Tih ang chi  SMS hi February  thla tir vel khan  kan dawng nasa hle mai.Hemi rawn chhuahna  bulpui ber, Fynd online shopping  chung chang i han  bihchiang  lawk teh ang.Fynd hi internet hmanga sumdawna ( e-commerce) chi khat, thawmhnaw leh items hrang hrang zawrhna online shopping lian tak mai a ni. Kum  2012 a  India mi pathum 1.Farooq Adam 2.Harsh Shah 3.Sreeraman M.G. ten an siam a ni.He sumdawnna neitu ber chu Shopsense Retail Technologies Private Limited a ni thung. Head quarter hi  Mumbai ah a awm mek.

Tunlaia SMS a kan dawn fo thin, Fynd Cash hi enge ni?

 USSD VETHUNG HI

( Mobile  Technology hriatzauna)

-Chhungpuia Renthlei

(Written on dated :23/1/2019)

Mobile  khan *#06# hi han dial teh,  Mobile  IMEI   arawn lang ang.

 *#07#  hi  han dial leh la, Specific Absorption Rate (SAR) values   a rawn lang ang.

Tin, Phone recharge na dawrah  i kal khan, code engemaw hmangin  an dial a,  balance  leh offer  te an hre mai thin. Heng  code mak tak te hi enge ni? Eng dang a ni lo, USSD  Code a ni.

USSD chu Enge ni?

Engtinnge  hetiang code kan dial a kan thil hriat duh a rawn lan theih mai?

WHATSAPP  FINGER PRINT AUTHENTICATION 
(Technology Hriatzauna)

Chhungpuia Renthlei

(Written on dated 11.1.2019)

Highlights:

Fingerprint authentication  hi finger print hmanga Whatsapp security tuna kan neih sa mek  thuam thatna tur, Whatsapp  bik chauh  lock theihna tur a ni. Whatsapp message zawng zawng tan security pawimawh tak a ni ang. Android Version 6.0 (Marshmallow)  chin  chung lam   leh , iOS Mobile atan pawh a hman theih ang.  Tun (January 2019) ah hi chuan siam mek chauh a la ni a,  tunah hian  a enchhin nan WhatsApp beta (for Android 2.19.3)  version tharah ah dah lailawk a ni.  

Fingerprint authentication hi enge ni?

Authentication awmzia chu  Software hmangtu (user) emaw, thil nihna dik leh diklo finfiahna a ni. Fingerprint authentication  chu kutzung zia rang hmanga kan nihna finfiahna  a ni. Kum 1888 daih tawh khan British  mithiam Sir Francis Galton a chuan  fingerprint authentication hi a lo enchhin tawh a. Sir Francis Galton hi  mihring chanchin zirna lama mithiam (anthropologist)  lar tak a nih bakah Scientist ropui  Charles Darwin-a chhung khat hnai vai tak  a ni bawk.

Engatinge WhatsApp ah hman ve kher anih?

Fingerprint  Authentication hian thatna tam tak aneih zinga langsar zua te chu :

Memory  a mamawh tlem em em bakah  maintenance a awlsam hle. Password dang te angin midangin an ru ve thei lo. A hmangtu tan password dang te angin  chhin chhiah angai ve lova, theihnghilh a awm theilo bawk a, hman a awlsam em em a ni. Kutze thuhmun a awm theih loh avangin a him em em. Tin, kan kutzia hi  upat hnu pawhin a danglam ve lo bawk.

Engtinge WhatsApp Fingerprint authentication kan hman ve theih ang?

Kan hman theih hun tur la sawi chiang thei lo mahse,  peih fel thuai anih tur thu an sawi. A kim changa sawi  theih  ni hrih lo mahse, a tih dan tlangpui tur chu :

Settings ah lut la, Account ah lut leh la. Privacy  kha hawng rawh.Screen  kha han scroll la, ahnuai bera Authentication option dah thar ah fingerprint tih kha  enable mai tur a ni. Hemi hnuah hian kut fai taka sil la, i duh ber kutzung zia  kha scan luh tawh mai tur. Hetianga i tih zawh tawh chuan whatsapp message hawn dawn apiangin fingerprint a ngai tawh thung tih erawh hriat a ngai ang.

Conclusion:

Mobile khawvel ah hian Password, Pattern lock leh  Phone  security tam tak awm teuh mahse, Phone theihnghilh leh rukbo atam em em a, security  tihchhiat(Hack) a awm reng bawk si. Hetih lai hian WhatsApp hi  thil pawimawh hrang hrang atana inbiak nan kan hmang nasa telh telh bawk nen, Whatsapp hmangtu te tan  bik liau liau a security siam hi  thil tul tak anih avangin WhatsApp Fingerprint authentication hi dah belh tura  ruahman a ni ber mai. Hetiang a fingerrpint hman anih takah chuan phone Security thenkhat tihchhiat (Hack) ni ta pawh nise, whatsapp erawh chu a him hle dawn tihna a ni.

Hetih lai hian  Whatsapp hman dawn apianga fingerprint a ngaih zel dawn avang erawh chuan  phone hmangtu tan buaithlakna  chin a awm ve leh mai thei bawk.Security tha leh rinawm ber chu nangmah kha i ni tih han hre phawt mai la.Keini phone hmangtu te hian phone tibo lo tur leh midang te khawih theiha  dah mai mai lo tura kan fimkhur phawt chuan hetiang tehchiama security  system hman pawh a tul ber kher lo bawk.

Eng pawh nise,  kan ban phak a  kan tana tha tur  Technology  thil thar  awm te hi  chu  han hmang ve chhin zel phawt ila, kan mamawh lem lova kan hriat tak leh hmang chhun zawm lo mai ila a fuh ber mai.

KILOGRAM TEHNA THAR  : Planck’s constant

(Science &Technology thlirzauna)

Er. Chhungpuia Renthlei

(Written on 10.1.2019)

Science & Technology hmalakna in Kum  130 lai mai  kilogram tehfung  atana  kan hman mek "Le Grand K" chu   kumin 2019  may 20 hian  "Planck’s constant"  hmanga thlak a ni dawn ta. 

Kilogram  han tih hrim hrim hi chu kan hre fur awm e. Mahse, enge anih chiah tih leh eng hmanga an chhut chhuah nge tih erawh kan hre thuk viau lo maithei.A hmasain Gram leh Kilogram an teh dan han sawi phawt ila a tha awm e.

Gram leh Kilogram

Bawm kil li nei, a chhunglam  sanzawng, hlai zawng leh chhah zawng centimetre 1  vek (cubic Centimetre) chhungah tui(water) thun ta ila, atmospheric pressure pangngaiah  tuiril anga a awm that theihna  ber melting point of ice (4 Celcius)ah dah ta bawk ila.Heta tui(water) inhlawmkhawm tam lam (mass) hi 1 gram tiin an vuah. Hei hi Kum 1795 kuma scientist  te ruahman ang a ni.Tichuan, 1 kilogram chuan  tui (water)  1,000 cubic cm inhlawmkhawm tam lam (mass) sawina atana hman a ni ta a ni.

1 kilogram tlukpui tehna: Le Grand K

Amaherawh chu hetianga tui(water) hmanga  standard measurement siam hi a buaithlak em avangin Kum zabi 18 na atang khan 1 kilogram tlukpui tehna atan Platinum  thir tlawm mum an hmang leh ta a. Hei hi Le Grand K  tiin an sawi bawk.Tichuan, kum 1889 atangin standard kilogram  atan International System of Measurement (SI) units ah an hmang ta a ni.He standard kilogram  tlukpui tehna  hi  International Bureau of Weights and Measures laboratory, Sèvres, France khawpuiah uluk taka vawn that a ni  bawk. Tichuan, vawiin thlenga  khawvel hmun hrang hranga buk lung te hi hemi mil tura siam vek an ni.Le Grand K leh tui(water)hmanga  standard measurement  siam hi a inmil leh mil loh kum 40 dan zelah an en that zel a ni thin.

Engvangin nge  tehfung thlak a ngaih tak?

Kum 1989 khan 1kg  tehna hmun hrang hrang a mite aiin 50 micrograms laiin he Platinum  thir tlawm mum hi a zang zawk tih hmuhchhuah a ni. chhan ni ber a an sawi chu he Le Grand K  hi an environmental factors hrang hrang ( sik leh sa) avangin atoms a hlauh then theih vang niin National Physical Laboratory (NPL)chuan an sawi. Kan innghahna ber a dik loh takah chuan khawvel ram tina  kan buk lung hman te hi a dik lo tihna a ni ber mai. Nitina kan hmanna naran angah chuan eng tham nilo mahse, thil rit tak tak ah Ton za telah phei chuan a diklohna hi a tam tham khawp ang. Tin, Thil  zang lutuk tak angah leh scientific & medical research angah  erawh chuan thil pawi tak a ni thei  . 

Tehfung thar tur Planck’s constant  chu engni ?

Tichuan, He harsatna sukiang tur hian Kum 2011 a  General Conference on Weights and  Measures (CGPM) chuan fundamental physical constant pawimawh tak, Planck’s constant hmanga  tehna standard siam an rawt chhuak a.Planck constant hi kan hriat theih dan awlsam ber chuan, tehna pathum, meter, kilogram leh second   hmanga thil sakhat thil mur te thei ber atom chetvel dan leh khawsazia sawina a ni. Hemi hmang hian Speed of light tluk zet a chaka meter leh  second  teh theih anih avangin  kilogram nih phung pawh  a rintlak zawkin a dik zawk em em tura ngaih a ni.Planck's constant  hi physics mithiam, Bryan Kibble a siam chhuah Kibble balance instrument  hmanga teh a ni.

Engtikah nge  tehfung thar hman anih dawn?

Nikum 2018  khan International Bureau of Weights and Measures  ten an buatsaih,  ram hrang hrang 60  palai kal khawmna  CGPM 2018  chuan  lungrual takin an  pawm  ta.Tichuan, kumin World Metrology Day  May 20, 2019 atang hian Kilogram  tehna atan khawvel pumpuiah  International System of Measurement (SI) units thar, Planck’s constant  hi kan hmang  dawn ta a ni. Keini mizoram a kan hman ang chi buk lung te hi chu a ngaiin kan la hmang tho anga, Rihzawng uluk leh dik taka teh ngaihna Measurement khawl leh buklung hrang hrang te erawh  siam rem a ni ang.

Tehfung leh mizo te

Tehna han sawi takah chuan ka han belh hram duh chu Kan rinawm loh vang leh  rilru that loh vang a Kan nitin sumdawnna leh bazara thil hralh leh leina ah ringawt pawh  bukna dik loh vang nilova, hrereng chunga kan  buk dik loh luih te  han ngaihtuah chuan Scientist ten tehfung dik leh hman tlak ber duhin hetiang hian nasa takin hma la mahse keini kristian rama cheng Pathian nung ringtu inti te ah chuan bukna dik neih chu ala harsa dawn hle mai.

Bukna dik lo hi Lalpa mit hmuha thil tenawm tak anih avangin Planck’s constant hmanga  Le Grand K tehfung  thlak ai mah hian Pathian rinna thinlung dik tak nena kan rilru dik lo leh pamham kan thlak a, moral reformation kan neih hi a tun dinhmunah chuan a pawimawh hle zawk  mai.