WHATSAPP
SIAMNA SOFTWARE
[Behind the scene]
Er. Chhungpuia Renthlei
Smart phone hmangtu te laka
mikhual lo tak, mobile khawvela network platform lian tak, nitin mi maktaduai
900 zet te kan inbiakna leh he thuziak i
chhiar mekna ni bawk, WhatsApp siamna software han bih thuak thuak teh ang.
kum 2009 a Yahoo! hnuaia hnathawk
tawh, American mi Brian Acton leh Jan Koum te siam, february 19, 2014 a
Facebook in US$ 19 billion lai atama a lei WhatsApp hi software pakhat chauh hmanga
siam a ni hauh lo mai.WhatsApp User account buaipui te, Message dawng khawma, a
dawngtu tur hnena thawn chhuah, security lamah leh a hmangtu ten WhatsApp kan
install a, tha taka kan lo hman ve theihna turin a awm tih pawh kan hriat loh software
tools chi hrang hrang Server Platforms ah hna an thawk mup mup mai a awm teuh
mai le.
WhatsApp Server Platforms software
te chu :
1.
Erlang
programming language :
2.
Mnesia
Database System :
3.
YAWS
(Yet Another Web Server):
4.
Free
BSD (Berkeley Software Distribution)
5.
Ejabberd
6.
XMPP
7.
PHP (Hypertext Preprocessor)
8.
Lighttpd
Erlang
programming language :
WhatsApp hi Erlang programming
language hmanga siam a ni. Erlang tih hi Danish engineer, telephone networks
lama mi thiam hmasa Agner Krarup Erlang (1878- 1929) hming chawia phuah a ni.Erlang
language hi Ericsson communication systems Telephone circuits leh telephone
switching equipment atana Joe Armstrong, Robert Virding leh Mike Williams ten
kum 1986 a an siam a ni. Kum 1998 khan a duh apiang hman theih (open source)
turin an tlangzarh.
Erlang programming language hi
huapzo (general purpose) atana language tha tak mai leh communication systems
atana remchang tak anih vangin WhatsApp siam nan thlan a ni.Tin, Erlang hian
software restart kher ngai lova updates leh hot fixes te a tih theih avang hian
keini pawhin awlsam takin whatsapp update kan nei zung zung thei thin.WhatsApp
a fello lai awm siam rem te, update leh thil tul dang apiang Erlang hmanga tih anih hnuah WhatsApp
server ah an upload thin.
Mnesia
Database System :
Mnesia Erlang programing hmanga siam a ni. hi rang taka request chhang
zung zung thei tur leh network hranga hranga hman theih tur atana database management
system tha tak a ni. System hrang hrang
ten an inhman tawm theih (Cross platform software) tura Open Telecom Platform database tha tak
mai a ni. Mnesia hian WhatsApp users database management hna hahthlak lai ber a
thawk.
YAWS
(Yet Another Web Server):
Yaws hi Open Source Erlang Web
server a ni. HTTP (Hyper Text
Transmission Protocol) webserver chi
khat, rang taka hnathawk thei leh englai pawha danglam reng (dynamic-content
web) atana tha g em em a ni. Standalone mode
leh Embedded mode atan hman kawp theih a ni.WhatsApp multimedia files
(audio, video, or image) hrang hrang dahkhawmna a ni.
FreeBSD
(Berkeley Software Distribution) Server OS:
FreeBSD OS hi
WhatsApp an siamna software hrang hrang Erlang,
Ejabberd, Mnesia, XMPP , PHP hnathawhna environment leh WhatsApp server Operating
system a ni.FreeBSD hi Open-source Unix
platform chikhata ni a, tunlaia servers,desktops, leh embedded platforms hrang
hrang support thei, Internet server/ file server operating system atana an hman
ber a ni.Network traffic heavy tak tak karah pawh security tha leh speed a sang
leh him taka data khawlkhawm theihna a ni.WhatsApp in rang tak leh tha taka
database lian tak tak a tih theihna
hmanrua ber a ni.
Ejabberd
:
Hei hi open source jabber a ni a,
WhatsApp hmanga message chak tak leh tha taka kan inthawn theihna tura
operational efficiency tisang tu atan
hman a ni.
XMPP: XMPP awmzia chu Extensible Messaging and
Presence Protocol tihna a ni. Ahming hmasa chu Jabber a ni. Message
inthawnna atana open technology a ni.WhatsApp message kan thawn theihna, message
kan dawn leh dawn loh hriatna leh mimal leh group hrang hranga rang taka message
transfer tu ber a ni. WhatsApp install laia WhatsApp contact list a user phone
number dah lut aUser ID siam tu a ni.
Entirnan Phone no 8974579126 hmangin WhatsApp install ila, User
ID atan 8974579126@s.whatsapp.net a siam
ang.
PHP
(Hypertext Preprocessor) hi web
development atana open
source scripting language a ni. WhatsApp
source code hrang hrang
web brower hmanga kan
run thei tura HTML (Hyper Text
Markup Language) chhunga khung luh mai
theih a ni.
Lighttpd: Hei hi web
server standards mil thlap si, security tha tak nen a WhatsApp
program a tul huna tihdanglam theihna open source a ni.
Ejabberd
(XMPP) WhatsApp server
WhatsApp server atan hian
Ejabberd (XMPP) server an hmang. He server hian mimal leh group hrang hrangah
rang takin kan thu thawn min transfer sak theih vangin a rualin rang tak leh
buai miah lovin mi tam takin kan transfer zung zung thei. Message traffic sang
takah pawh Ejabberd (XMPP) server hi a rintlak a, a tlo bawk a, reliability leh
sustainability aneih thatna hi WhatsApp developers te hian an thlan chhan ber
pakhat a ni.
WhatsApp server te hi chi hnih ah
then a ni.
1.WhatsApp chat server:Thuziak
leh emoji (SMS) lo dawng sawnga, atul anga lo buaipuitu a ni.
2.Hyper Text Transfer Protocol
(HTTP) server:Multimedia Messaging Service (MMS) hrang hrang audio, video,
image zawng zawng upload na a ni.
CONCLUSION
Mak tak mai chu WhatsApp ah hian
hnathawktu Engineers 50 chauh an awm.Server Platforms ah heng kan sawi tak
software tools chi hrang hrang hmangin hengWhatsApp team te hian hna hrang hrang
chhun leh zanin an thawk a.Tha taka whatsapp an monitor bakah a khat tawkin
feature thar an telh belh reng a, Security system an ti changtlung zel a,
version an update zel thin.
Hetiang mi tlem te enkawlna
hnuaiaWhatsApp hmangtu maktaduai 900 zet ten nitin khaihlak hauh lova thu kan
in thawn thei hi a ropui dangdai
hle mai.Sawi tur tam tak awm mahse tuna
tan chuan duh tawk phawt mai ang aw.
No comments:
Post a Comment