HRINGNUN LEHKHABU
Er.Chhungpuia Renthlei
Kan
hringnun hi lehkhabu ang a ni a, kan nitin hun hman dan hi a chhunga
thuziak te a ni.Kan mihring pui te hi a chhiar tu te an nia, a ziaktu chu
keimahni kan ni. Kum tin bung thar kan kai a, kan damrei dan azirin a bung a
tam mai thin. A hlutna hi a tawi leh thuiah a innghat lova, kan nundan in a
ziah that leh that lohah a innghat zawk thin.
Nitina kan mihring pui te chungah
leh kan duhzawng nei tura kan chetdan hi kan chatuan hmun tur lem kan ziahna
pencil a ni si a.Hringnun Lehkhabu tha chu tawi te pawh nise a chhiartu tan malsawmna a thlen thin. A thalo
erawh chuan sual lamah aziaktu leh a chhiartu ahruai lut thin.
Kum
30 awrh Isua khan entawn tlak midang tana malsawmna leh chatuan nunna kawng min
thlen thei hringnun lehkhabu a ziak a. Amah hnungzuitu keini hringnun lehkhabu
ziah tawh leh ziah mek hi hremhmun lem a ang zawk mah lo maw?
Hringnun lekhabu Bung engzatnge i
ziah ve tawh le? Tuna i ziah mek kha nangmah leh i chhung te mai bakah nintina
i khawsak pui te tan malsawmna thlentu a ni angem le?
No comments:
Post a Comment