KAN SMART VE A HUN TA E.
- Er. Chhungpuia Renthlei
Technology changkanna chuan smart world ah min hlangkai a. Kan nunphung zawng zawng tih mai turin khawvel sumdawnna te, eizawnna te, zirna te leh sorkar hna kalphung thlengin a her danglam mek chu a nih hi. Bank lamah ni se, A hmuna kal kher lovin, mahni awmna hmun atangin duh hun hunah mobile leh computer hmangin bank kan dawr thei a, kan account kan khawih che thei a. Sumdawnna lamah Pawisa note leh coin tellovin cashless transaction hmangin thil kan lei thei a, petrol kan thun thei bawk. Ei rawngbawlna leh Ration buhfai chenin electronics hmasawnna chuan kan kalphung a her danglam bawih bawih a ni ber mai.
Media lamah nise, A buatsaihtu te tana malsawmna anih lain, mizoram tualchhung chanchinbu tam zawkte tana nun ngaihna a awm lo khawpin social media lamah chak tak in chanchin thar ber ber kan vawrh darh a. Heivang hian Mizoram Chanchinbu neitute chuan kawng thar rek dan an ngaihtuah a ngai ta viau mai.Smart phone man a tlawm tial tial a, Internet pack a tlawm tial tial bawk nen, hah taka chanchinthar lakkhawm sa whatsApp group hrang hrangah kan in thlai chi pek mai mai te hi a dik ber em tih te hi ngaihtuah tham a ni.
Khawvela Industry thang chak ber chu mobile phone industry hi a ni. Smart Phone kan tih mai, tunlaia kan hman lai mek Mobile phone changkang tak tak ho hi kan hre theuh awm e. Khawvela Smart phone hmasa ber siamtu chu BellSouth Cellular company a ni. kum 1993 khan Florida Wireless World Conference ah tlangzarh a ni. A hming ah Simon tiin an vuah a, a design tu hi IBM ( International bussiness Machine ) a ni.
A hunlai na na na chuan ,Nokia 1100 kha khawvela electrical gadget top–selling awm tawh zawng zawngah hralh hnem ber ala ni. Nokia 1100 hi Finland atanga siamchhuah a nia, 250 Million aia tam daih an hralh chhuak . Kha ti khawpa phung zinga piring vawrh ang mai a hralh zawh duak duak theih kha kum 10 meuh a han liam chuan, mobile tellova khawsa theilo zingah Nokia 1100 a awm ani tih pawh hre lo kan awm ta nuk mai.
A chhan ni ta ber chu company ten kan mamawh tam zawk phuhruk thei turin mobile phone an design a, thlatin deuh thaw design thar thil ti thei tak tak an siam chhuah zel vang a ni. Hmanrua a smart tial tiala, a thil tih theih a sang tial tial a, keini mizo hial te pawhin kan smart emaw, smart lo emaw, mi pangngai chin chuan smart phone kan hum fir fer hlawm a nih hi.
Smart phone leh smart dress te hi network hi khandaih hriam tawn ang maia thilti thei anih avangin keimahni kan smart loh chuan kan hman loh chuan mualphona tlangah min khengbetin zahna kawr ruam thuk takah min vawrh thla thei tih i hre reng ang u. Keini thalai te hian IT hmanrua smart leh changkang tak tak pawh hmang ila, keimahni kan smart ve si loh chuan kan zahawmna leh himna tichhe hial khawpin kan leklam anga, hmasawn lam aiin tlakchhiatna lam kan pan thei a, mite ngaihsan aiin ngaihnep kan ni thei bawk.
Technology hmasawnna hmang tangkai turin India sorkar laipui pawhin ruahmanna thar a rawn siam chhuak zela. Tunhma a kan mamawh loh leh a hriat pawh kan hriat ngai loh Adhaar Card, Smart Card, PAN Card .e.tc neih ngai a tam ta hle mai.. Heng electronics changkanna hian min phur kal dawn nge, min hnukthlu dawn tih chu keimahni smart leh smart lohah a nin nghat thui hle. Engle khaw le, kan duh emaw, duh lo emaw, Sorkar laipui hian Smart world ah min hnimphum a tum hrim hrim avangin Keimahni hi kan smart ve a hun tawh e.
Hawh u, Keimahni nilo, kan hmanrua chauh smart tir lo ila, mizo thalai te hi kan phak tawk ang zelah kan hmanraw mil ang zel in smart ve ang u. Tun aia tangkai leh hlawk zawka kan hmanraw smart tak tak hmang tur leh midang te tana harsatna thlen lo kan hmanrua chauh smart lovin, Keimahni hi kan smart ve a hun tawh e. \Hetianga smart taka a tha zawnga kan nunphung kan in herrem phawt chuan sorkar leh mipui, sorkar leh sorkar, sorkar leh sumdawngtu te, sorkar leh chanchinbu mi, chanchinbu mi leh mipui te tan social network hi a tangkai zual zel ngei ang le.
- Er. Chhungpuia Renthlei
Technology changkanna chuan smart world ah min hlangkai a. Kan nunphung zawng zawng tih mai turin khawvel sumdawnna te, eizawnna te, zirna te leh sorkar hna kalphung thlengin a her danglam mek chu a nih hi. Bank lamah ni se, A hmuna kal kher lovin, mahni awmna hmun atangin duh hun hunah mobile leh computer hmangin bank kan dawr thei a, kan account kan khawih che thei a. Sumdawnna lamah Pawisa note leh coin tellovin cashless transaction hmangin thil kan lei thei a, petrol kan thun thei bawk. Ei rawngbawlna leh Ration buhfai chenin electronics hmasawnna chuan kan kalphung a her danglam bawih bawih a ni ber mai.
Media lamah nise, A buatsaihtu te tana malsawmna anih lain, mizoram tualchhung chanchinbu tam zawkte tana nun ngaihna a awm lo khawpin social media lamah chak tak in chanchin thar ber ber kan vawrh darh a. Heivang hian Mizoram Chanchinbu neitute chuan kawng thar rek dan an ngaihtuah a ngai ta viau mai.Smart phone man a tlawm tial tial a, Internet pack a tlawm tial tial bawk nen, hah taka chanchinthar lakkhawm sa whatsApp group hrang hrangah kan in thlai chi pek mai mai te hi a dik ber em tih te hi ngaihtuah tham a ni.
Khawvela Industry thang chak ber chu mobile phone industry hi a ni. Smart Phone kan tih mai, tunlaia kan hman lai mek Mobile phone changkang tak tak ho hi kan hre theuh awm e. Khawvela Smart phone hmasa ber siamtu chu BellSouth Cellular company a ni. kum 1993 khan Florida Wireless World Conference ah tlangzarh a ni. A hming ah Simon tiin an vuah a, a design tu hi IBM ( International bussiness Machine ) a ni.
A hunlai na na na chuan ,Nokia 1100 kha khawvela electrical gadget top–selling awm tawh zawng zawngah hralh hnem ber ala ni. Nokia 1100 hi Finland atanga siamchhuah a nia, 250 Million aia tam daih an hralh chhuak . Kha ti khawpa phung zinga piring vawrh ang mai a hralh zawh duak duak theih kha kum 10 meuh a han liam chuan, mobile tellova khawsa theilo zingah Nokia 1100 a awm ani tih pawh hre lo kan awm ta nuk mai.
A chhan ni ta ber chu company ten kan mamawh tam zawk phuhruk thei turin mobile phone an design a, thlatin deuh thaw design thar thil ti thei tak tak an siam chhuah zel vang a ni. Hmanrua a smart tial tiala, a thil tih theih a sang tial tial a, keini mizo hial te pawhin kan smart emaw, smart lo emaw, mi pangngai chin chuan smart phone kan hum fir fer hlawm a nih hi.
Smart phone leh smart dress te hi network hi khandaih hriam tawn ang maia thilti thei anih avangin keimahni kan smart loh chuan kan hman loh chuan mualphona tlangah min khengbetin zahna kawr ruam thuk takah min vawrh thla thei tih i hre reng ang u. Keini thalai te hian IT hmanrua smart leh changkang tak tak pawh hmang ila, keimahni kan smart ve si loh chuan kan zahawmna leh himna tichhe hial khawpin kan leklam anga, hmasawn lam aiin tlakchhiatna lam kan pan thei a, mite ngaihsan aiin ngaihnep kan ni thei bawk.
Technology hmasawnna hmang tangkai turin India sorkar laipui pawhin ruahmanna thar a rawn siam chhuak zela. Tunhma a kan mamawh loh leh a hriat pawh kan hriat ngai loh Adhaar Card, Smart Card, PAN Card .e.tc neih ngai a tam ta hle mai.. Heng electronics changkanna hian min phur kal dawn nge, min hnukthlu dawn tih chu keimahni smart leh smart lohah a nin nghat thui hle. Engle khaw le, kan duh emaw, duh lo emaw, Sorkar laipui hian Smart world ah min hnimphum a tum hrim hrim avangin Keimahni hi kan smart ve a hun tawh e.
Hawh u, Keimahni nilo, kan hmanrua chauh smart tir lo ila, mizo thalai te hi kan phak tawk ang zelah kan hmanraw mil ang zel in smart ve ang u. Tun aia tangkai leh hlawk zawka kan hmanraw smart tak tak hmang tur leh midang te tana harsatna thlen lo kan hmanrua chauh smart lovin, Keimahni hi kan smart ve a hun tawh e. \Hetianga smart taka a tha zawnga kan nunphung kan in herrem phawt chuan sorkar leh mipui, sorkar leh sorkar, sorkar leh sumdawngtu te, sorkar leh chanchinbu mi, chanchinbu mi leh mipui te tan social network hi a tangkai zual zel ngei ang le.
No comments:
Post a Comment