WELCOME TO CHHUNGPUIA RENTHLEI BLOG

 USSD VETHUNG HI

( Mobile  Technology hriatzauna)

-Chhungpuia Renthlei

(Written on dated :23/1/2019)

Mobile  khan *#06# hi han dial teh,  Mobile  IMEI   arawn lang ang.

 *#07#  hi  han dial leh la, Specific Absorption Rate (SAR) values   a rawn lang ang.

Tin, Phone recharge na dawrah  i kal khan, code engemaw hmangin  an dial a,  balance  leh offer  te an hre mai thin. Heng  code mak tak te hi enge ni? Eng dang a ni lo, USSD  Code a ni.

USSD chu Enge ni?

Engtinnge  hetiang code kan dial a kan thil hriat duh a rawn lan theih mai?

   

USSD  awmzia leh hnathawh dan i  hriat duh chuan uluk takin han chhiar nghal teh le.

USSD hi enge ni le ? 

USSD lampum chu Unstructured Supplementary Service Data a ni. A awmzia ber chu  Code(number leh symbol)  hmanga awlsam taka kan duh zawng   text information leh  notification tangkai tak tak  hriat theih nana  kan  mobile phone  leh   mobile network operator's (Airtel, BSNL, Jio  e.t.c)  computers   inbiak pawh theihna tura GSM (Global System for Mobile) communications protocol tangkai tak a ni. "Quick Codes" emaw, "Feature codes" tiin an sawi thin bawk. USSD  hmanga Message  kan hmuh te hi   tawi te emaw, 182 alphanumeric characters thleng a sei a ni thei bawk. USSD code  hi dan naran in asterisk (*) symbol in a intan a, number engemaw  a awm leh a, hash (#) symbol hmangin a tawp  thin.Tin, number (commands or data) te hi asterik symbol hmanga group a ni thin bawk. Entirnan : *123# .

USSD  hi  mobile handset  leh application handling software  awmna computer  nena  inbiak pawhna  real time session  service a ni.  USSD Session lai hian real-time connection  a awm a, hemi chhung hian Mobile phone  leh Server ten thu an in thawn tawn thin. SMS  leh MMS  te anga Store & Forward message a nih loh avang hian SMS pangngai aiin a changtlung zawk. AP browsing,prepaid callback service,mobile-money services, location-based content services,menu-based information services leh network hmanga phone configure na atan an hmang nasa hle bawk.

USSD  service hi chi hnih a awm a, chung te chu :-

1.USSN (Unstructured Supplementary Services Notify):

He service hi flash based service a ni a, USSD code engemaw kan hman in  subscriber/end users ten kan chhan let thei loh turin kan handset ah information a rawn tarlang (flash) ang. Notification atan chauh a ni ber mai. 

USSDN Code example:

1.Phone battery leh phone information enna

 *#*#4636#*#*

2. Phone IMEI  enna

*#06#

3. KanMobile Phone in RF (radiofrequency) energy a tih chhuah kan taksa in a hip luh tam lam Specific Absorption Rate (SAR) values  enna

    *#07#

2.USSR (Unstructured Supplementary Services Response):

He service  hi USSN aia changtlung zawka siam a ni. Notification  ringawt nilovin,  kan duh ang kan thlan ve theih nan menu option atel thin. Subscribers/end-users ten option kan thlan ang zelin second sessionah chhanna (response) kan dawng thin. 

USSDR Code example:

1.Mobile phone hmanga financial transaction tihna

*99#

2.  Airtel Balance leh Offer enna

*123#

3. Airtel Menu Code

*121#

Engvangin  SIMCARD  USSD code  te hi a in an loh?

India ah ringawt pawh Mobile  leh Internet service providers hrang hrang  sang tel teh meuh mai an awm a,  heng te hian  Network server  hmun hrang hrangah an hung thleh thluah a. Heng  service providers hrang  hrang te hian USSD code  an neih hran vek avang hian USSD code thenkhat  huhova kan hman tlan theih vek  awm nual mahse, kan SIM Card hman a zirin code  a danglam thin.

Engtin nge  USSD Code kan dial a  information kan hmuh mai theih?

Mobile User ten  kan hriat duh engemaw zawt turin USSD  code   kan dial  a. USSD  code  hmanga  kan request   chu  mobile service provider ah forward a ni phawt a.Mobile Service  provider in a lo receive veleh  USSD Application software awmna  computer server ah  a thawn ve leh nghal a.USSD Application software  chuan chu a  lo receive leh a , process  tul ang atih hnu ah mobile Service provider kaltlangin kan phone ah kan hriat duh information te chu a rawn thawn ta thin a ni.

CONCLUSION

Communication technology inchak takin hmasawn zel a,bulk SMS service, transactional SMS gateway, promotional SMS service leh missed call service  changtlung zawk an siamchhuak zel a. Tin, heng bakah  voice SMS service, short code & long code SMS  services  te a rawn chhuak zel bawk a. Heng te avang hian  company engemaw zat ten USSD service an ti tawp a, heng service thar hmang hian customer te information min pek theih zel tak avangin   mipui pawhin  tunhma ai chuan kan hmang tlem ta niin alang.

USSD  service hi  mobile service operators company tan a man a tlawm bakahSMS aiin a let engemaw zata a chak avangin  rang tak takin  information a hmuh zung zung theiha.Heivang hian  Real Time information  atan leh transactional messages atan  leh  kawng hrang hrangah  kan hmanna a pung chho ve zel bawk .Engpawh nise, Mobile  user ten  keimahni  SIM card /Mobile provider  USSD code pawimawh zual  (Mobile No hriatna, Call/SMS/ net pack balance, offer, mobile information e.t.c ) te hi  kan  hriata kan hman tangkai  thiam hi  atul hle mai.