WELCOME TO CHHUNGPUIA RENTHLEI BLOG

CARDLESS ATM-YONO CASH 

(Card tellova ATM atangin pawisa lakchhuah theihna) 
-Er. Chhungpuia Renthlei

March 15. 2019 (Friday) khan India rama a hmasa ber ni turin SBI chuan Card tellova ATM atanga pawisa lakchhuah theihna banking service thar YONO CASH  an  hawng ta. YONO CASH hi ATM card hmanga inbumna tam tak leh ATM card vanga harsatna hrang hrang laka invenna tangkai tak anih bakah, India ram chhunga ATM hrang hrang platform khata thlunkhawmna Digital Universe a ni.

YONO tih hi “You Only Need One” tihna a ni. Digital financial services  hrang hrang hmun khata tih vek theihna tura  State Bank of India (SBI) siam  Application platform tak a ni. YONO version hmasa ber hi 24th, November 2017 (Friday )  khan Arun Jaitley, Finance Minister chuan a tlangzarh tawh. YONO hi upgrade thar zel a ni a, YONO Cash pawh hi YONO Service  upgrade  na chi khat a ni.

 

CARD tellova pawisa lak theihna  ATM   te hi YONO Cash Point an vuah.  India ram chhung a SBI ATMs 16,500 lai YONO Cash hmang thei tura upgrade a ni.  sbiyono website www.sbiyono.sbi  emaw, SBI YONO Mobile Apps atanga access theih a ni. Play store atanga awlsam taka install  theih a ni.

A TIHDAN

1. YONO app emaw,  website atangin YONO Cash ah lut rawh.
2. Page thar a  in load zawh hun nghak rawh.
3. SBI Net banking ID leh password  hmangin Loggin rawh.Page thar a  in load zawh hun nghak rawh
4. Page hnuai lama YONO Cash ah khan click  rawh. Page thar a  in load zawh hun nghak rawh
5. Requesh YONO Cash ah click rawh. Page thar a  in load zawh hun nghak rawh.
6. Pawisa i lak chhuah duh zat (Rs 10000 aia tam lo) type rawh.
7. YONO Cash pin (Numeric 6 Digit) type leh rawh.
8. Bank account nena i registered mobile no ah SMS in YONO Cash Transaction No a rawn thlen hun nghak leh rawh.
9. YONO Cash pin leh Transaction No hmang hian 30 mins chhunga pawisa lachhuak hman turin YONO Cash point hnai ber ATM Booth ah kal rawh. (I duh chuan ATM Booth bulah i awmsa thei bawk).  ATM booth a YONO CASH button kha hmet la, YONO Cash pin leh Transaction  no type lut rawh. Pawisa lak tur zat set sa anih vangin nghak tawp la,  pawisa a rawn chhuak ang.

Hriat tur te:

1. YONO Cash pin leh Transaction no te hi OTP ang a ni a, 30 Mins chhunga i tih loh chuan  a thar i neih leh a ngai.
2. Vawi khatah Rs 10000 thleng a lak theih. Nikhatah vawi hnih a lak theih bawk.
3. Withdraw zawh apiangin register mobile ah SMS a rawn thleng ang.
4. YONO cash hmang a hmun danga awm pawisa kan thawn duh pawhin Yono cash pin leh Transaction no  kan thawn anga, awlsam takin YONO Cash point  atangin an lo la chhuak tawh mai ang. YONO Cash  tih theihna ATM Booth

AIZAWL:

1.SBI Zoram Platinum Branch 2.Saikhamakawn

3.Mission Veng

 4.Mission Vengthlang

5.Khatla

6.New Secretariat Branch

7.Civil Hospital

8.Zarkawt

9.SBI Aizawl Branch

10.SBI Dawrpui Branch 11.Laipuitlang

12.Bawngkawn LL Road

13.Zemabawk

AIZAWL PAWN:

1.Ngopa

2.Champhai e corner

3.Darlawn

4.Saiha

5.Lawngtlai

He chanchin ziah lai ( 16/3/2018) hian Mizoramah YONO Cash support ATM Booth 18 a awm  mek. Heng bakah hian Mizoram a  SBI ATM dang te pawh upgrade zel a ni  ang.