PMGDISHA
(khawvela digital literacy programme lian ber)
-Chhungpuia
Renthlei
Written on :20.Sept 2019
PMGDISHA:
Pradhan Mantri Gramin Digital Saksharta Abhiyan
A
awmzia:
Prime Minister Rural Digital Literacy Campaign
Hmathlir:
IT lama Khawpui leh Thingtlang inkar zau lutuk
tih tlem
Rs.2,351.38
crore
PMGDISHA
hi India ram chhunga Digital Literacy lama khawpui
leh thingtlang inthlau lutuk (Digital divide) nuaibona tura Digital India
program hnuaia hmalakna pawimawh tak, thingtlang lama cheng chhungkaw nuaih
600(6 crore) te hnena digital literacy pawimawhna puanzar leh zirtirna pekna
scheme lian tak a ni.
Digital Literacy hi global digital economy lama India innghahna bulpui
ber anih avangin India sorkar hian a ngai pawimawh hle. India sorkar hian
Digital India hi kum 2015 khan bul atan tawh a, Digital payment lamah leh
hnathawhna hrang hrangah hma kan sawn hle.
India sorkar hian tunhma lam khan Anganwadi a thawk te leh States/UTs a
ration dealers mi 52.5 lakh te tan Digital Saksharta Abhiyan (DISHA) National
Digital Literacy Mission (NDLM) a kalpui tawh a. CSC-SPV te nena tangkawp in
NGOs/ Institutions/ Corporates training partner atan a hmang thin
Hetih lai hian India ramah Digital India program hmang tangkai thei tura
computer literacy lama thiamna nei leh network connectivity changtlung tak nei
erawh kan la tlem hle, a bik takin thingtlang mite phei chu kan hniam hle. 1st
NSSO Survey on Education 2014 in atarlan danin India rama thingtlanga cheng
chhungkaw 6% te chauhin Computer an nei.Tunah hian India ramah hian chhungkaw
nuaih160 chuang kan awm a, 94% ten Computer/Smartphone kan hmang thiam lo mai
pawh nilovin kan nei lova, network tha pawh kan neilo.
Hei hian Digital lamah Network tnei leh neilo, hmang thiam leh thiam lo
Digital Divide arawn piantir a. Thingtlang leh khawpui a cheng te kar zau tak
mai hi India ram hmasawnna daltu lian tak leh Digital India program hnuai
project tam tak ti hlawhchhamtu a ni. Hei vang hian India sorkar chuan Digital
Divide tihniam turin PMGDISHA Scheme hmang hian thingtlang mipui te tan
Computer literacy lamah nasa takin hma a la leh a. Thingtlang a cheng chhungkaw
nuaih 600 (6 crore) tina mi pakhat computer thiam tir a kum 2020 chhung ngeia
Digital Literacy Certificate pek a tum.
Digital India program hnuaia e-service hrang hrang te hmang thei tur
khawpa an thiam leh thiam loh hriat nan India Sorkar chuan rampumah PMGDISHA
Exam a conduct thin. He exam ah hian Computer hman dan tlanglawn tak question
harsa lo te te an siam a, he exam pass apiang te hi PMGDISHA Certificates pek
an ni. Target hi 100% hlawhtling lo mahse, Digital Literacy lamah hmasawnna
lian tham tak a thlen ngeiin a rinawm.
PMGDISHA
Scheme in thingtlang mite (14-60 years) thiam tir a duh te :
1. Computer, smartphone leh digital hmanrua hman thiam.
2.Information pawimawh dawnsawn leh thawn thiam.
3. Internet hman thiam leh mahni mamawh zawn thiam
4. Document pawimawh dahthat leh lakchhuah nana Digi Locker hman thiam
5. Digital payment hmanga pawisa thawn leh dawn thiam
6. Online services kaltlanga sorkar hmalakna chhawr tangkai thiam
CONCLUSION
Awle, Digital Litracy lama hma kan sawn phawt
chuan computers/digital access devices(l tablets, smart phones) hmangin email
send & receive te, internet browsing te, internet kaltlanga a Government
Services hrang hrang te, cashless transactions leh thil tangkai tak tak
thingtlang mipui ten kan ti thiam ang.Thingtlang lamah Network tih changtlun
zel a ni anga, Digital Divide pawh a tlem tial tial ang. Hei hian India ram
hmasawnna ropui tak a thlentir thei dawn a ni.
Hetiang thlir chung hian technology hmanga India ram hmasawnna ah Change
ropui tak thlentir tumin khawvela digital
literacy program lian ber, PMGDISHA hi India sorkarin a ruahman ta a
ni.
No comments:
Post a Comment