POWER & ELECTRICITY
-Chhungpuia Renthlei
Power & Electricity khawvela
hming dai ngailo tur Father of
Electricity tih hial a koh, British scientist Michael Faraday-an kum
1830-aKawlphetha siamchhuah dan ahmuh chhuah atanga vawiin thlengin Industry
hmasawnna avangin kan hmang tangkai telh telh a, tunah chuan a tello chuan kan
khawsa theiloani ber mai. Kum 1879 khan Cleveland kawthlerah Electric lights (Brush arc lamps)
chhit en ani a, hei hi khawvela Public street lighting hmasa ber a ni.Edison
Electric Illuminating Company, New York ten Manhattan ah an chhi eng a.England
rama Godalming khua ah 1881 September khan mipui vantlang tan Public street
lighting an hmang tan a, hei hi England a Public street lighting hmasa ber a
ni. Chenna in a electric lakluh hmasak ber chu kum 1882 a n
i.
Power &
Electricity lamah hian India hi a
mikhual lo hle. British hun lai 24 July 1879 khan P.W. Fleury & Co. ten thermal power plant hmangin Calcutta
(Kolkata) ah Electric light an chhi eng a, hei hi India rama Electricy chhit en
hmasak berna a ni. Bombay Electric Supply & Tramways Company (BEST) te chuan kum 1882 khan Crawford Market
, Bombay (Mumbai) ah electric an ti eng
ve leh bawk. Hei hi Mumbai a electric chhit en hmasak ber a ni. Tin, India rama
Hydel Power electricity hmasa ber chu
November 10, 1897 khan Darjeeling bul
lawkah Sidrapong Hydel Power Station peih fel a ni. Darjeeling hmanga tih en
nghal a nia, Darjeeling hi India rama Hydel Power electricity
hmang hmasa bertu a ni.
India
rama diesel power plant hmasa ber
chu kum 1905 khan Delhi ah
peihfel a ni bawk. Asia
khawmualpui a electric street light
hmasa ber chu 5 August 1905 a Banglore ah an chhit eng. Kum 1947 a India in
British rorelna atanga independent a hmuh khan power generating capacity hi
1,362 MW a nia, Hydro power leh coal based thermal power hi kawlphetha a
siamchhuahna ber ani. India in power a hmanral 71% lai hi thermal power plants
atanga siamchhuah a ni.
Ram
changkang tehna pawimawh ber pakhat
chu electric power dinhmunah anih avangin
India
hian a tam thei ang ber siam chhuak turin National Thermal Power Corporation
(NTPC), National Hyro-Power Corporation (NHPC) etc. a din a. India hmar chhakah
North Eastern Electric Power Corporation (NEEPCO) a din bawk. Anni hian a tam
thei ang ber power an siamchhuak a, power supplya intodelh lo te lei turin hmun khatah an chhung khawm
a. Central Electricity Regulatory Commission chuan state te lei theih tur zat a bithliah thin. Power dinhmun a zirin a danglam fo.
A semchhuaktu atan Power Grid Corporation of India (PGCI) din a ni a,
anni hian India ram state zawng zawng electric hruipuiin an thlun zawm vek a,
PGCI hmang hian Mizoram pawhin
power kan la lut a ni.
Industry hmasawnna avangin kum 125 chauhva upa electricity hi kan
hmang tangkai telh telh a, a tello chuan kan khawsa thei meuh ta lo a ni ber
mai. Kum 2018 khan khawvela electricity mamawh hi 4% laiin a pung a, Power
renchemna kawngah ram rang hrang ten hma
an la mek renga. Kum 30 liam ta 1980 chho vela Fridge te khan 1400 kWh an
hmangrala, tunlai Fridge te chuan 350
kWh an hmangral thung. Bulb pangngai electricity hmanral
hmun 6 a thena hmun khat chauh LED light bulb hian a hmanral bakah a let 40 laiin a daih rei zawk bawk. Tin,
incandescent bulbs electricity hmanral
hmun 4 a thena hmun khat vel chauh compact fluorescent lamps (CFL’s)
hian a hmang ral bawk. Tin, Bulb pakhat
tana power hmanral 10% chauh hi
bulb tih en nan hman a ni a, a dang
zawng 90% hi Wire leh switch ah a kalral thung. An chhut zel danah phei chuan,
kan chenna in a power kan hmanral 30% lai mai hi thil tul lemlo a kan hmanral a
ni.
Kan mamawh
hun laia Electric Power kan neih reng theihna turin Chhungkaw tinte hian kan
power hmuh chhunte hi renna chang hria ila, tul
lem lova eng chhit chiam te, power heh chi
khawl hman te hi bansan ila, power renchem taka hman hi kan
mawhphurhna a ni tih i hre thar theuh ang u.
No comments:
Post a Comment