VALUE SYSTEM REFORM
Tunlai kan mizo society ah thalai te Infiamna leh entertainment program kan ruih chilh a, nu leh pa ten politics leh kohhran kan ruih chilh thung.Heng te hi thil tha tak chu ni mahse, thil tha anga lang kan tuipui tam zawk te hi kan mamawh ber leh min siamthatu a ni lem lo tih te pawh hi kan hriat a tul ta.Kan thalaite nun leh zirna siamthatna hmanraw pawimawh ber chu hnathawk tlaka an thiamna tipung a, an phak tawk ang zela eizawnna tlak hnathawh tur siamsak hi a nih avangin,eizawnna tha neitura zirna leh nunphung hmasawnna lama ke pen turin kan mizo socciety hi kan siam that a tul hle.
Kohhrana sum kan thawh danah leh nihna kan neih tam lamah te, Biakin kan sak ropui danah te, kohhran member tam danah te, Biak in a inkhawm kan tam danah te, hla kan laknawn tam lam leh zai tui lamah te ni lovin, kan pian thar tak tak leh tak tak loh hi chu kan insak danah te, kan hnathawh danah te, kan sum lak luh danah te, kan chhungkaw in enkawl danah te, roreltu kan thlan tlin dan atang te hian a hriat thin zawk.
Pathian rawngbawltu dik tak ten harsa tak chunga thil tha an tih hram hram laiin, Mi tam zawk te hi chuan Pathian zara kan pang a dam phawt chuan ruk ruk leh thil sual tih kan chhun zawm leh mai bawk thin. Local Cable TV channel hrang hranga Pavalai, nu valai, officer leh naupang thlengin Pathian fak hla sa a kan lam mup mup han lai hian kan nitin nunah erawh sualna leh hlemhletna hrang hrang phung velh ang maiin nitin apung thur thur lawi si te hi kan kristianna nen a inmil lo hle mai.
Kan mihrinna thup bovin thahnem ngai takin kohhran huang chhungah theih tawp chhuah thin mah ila, Biakin hung pawn lama kan mi ze dik tak kan lantir meuh chuan Sakhaw dang betu te aia kan thatna hmuh tur avang hle. Kan Pathian biak hian Biak in hung pawn lam hi chu min zui thleng lo se duh te pawh kan thahnem awm mange tih pawh a awl thin.
Pathian tana kan rawngbawlna value system ah hian keimahni kohhran hmasawnna ringawt kan ngaihtuah lo ila, kohhran huang chhung anihna neih a, mahni in lum chhuahsana keimahni kohhran hmasawnna ringawt kan dah pawimawh ber lo bawk ila, kan ram hi a dam ngei ang.
No comments:
Post a Comment