WELCOME TO CHHUNGPUIA RENTHLEI BLOG

GO DIGITAL

Er.Chhungpuia Renthlei

Press Trust of India Updated: Mar 21, 2020, 07.42 PM IST in a tarlan danin Covid-19 laka inven nan India ram chhunga Financial Service providers te chuan Digital transaction hmang uar turin mipui te min chah a. Lockdown avanga a nunphung khaihlak loh nan leh inbumna laka kan him nan cyber security infrasctructure an thuam tha sauh sauh bawk.

Covid-19 laka inven nan Cash hmang lo a electronics payment hman hi khawvelin tunlaiah chuan an uar chho mek zel a. Zoram Mipui nawlpuiin digital payment kan tangkaipui theih nan Net banking leh Mobile Apps ( BHIM, PayTM, SBI YONO e.t.c) hmangin pawn chhuak kher lovin thil lei nan online transaction a tam thei ang berin hmang ila. PHE Water Billing leh Power & Electricity Bill online a pek uar zel teh ang u.

Tui bill pekna :  https://www.phebilling.mizoram.gov.in

Electric bill pekna https://www.bharatbillpay.com/Billpay.php

Duhthusamah chuan mipui nawlpuiin nitin/ thlatin kan dawr thin vengchhunga dawr hrang hrang, shopping mall, Zirna in leh Damdawi inah ah online payment emaw, Card hmanga pawisa pekna ( Point of Sale) hi uar zel ila, Gas, Cable TV leh chanchinbu te hi online a bill pek theih thuai nise a duhawm hle mai. 

Tin, Mi nawlpui te pawhin Digital financial transaction Apps langsarzual te hi chu mobile phone ah install ila, kan theih chen chenah uar leh zualin hmang ila a duhawm hle. BHIM, SBI YONO, PayTM, Googlepay .e.t.c te hi kan hman thiam ve hi a hun hle tawh mai. 

Home delivery Order system hi damlo leh mi nawlpui tan pawh a tangkai viau bawk.Hotel, Damdawi dawr leh bungraw dawr te hian customer te tan whatsapp group/ facebook page siam ta se, hemi atang hian online payment leh home delivery system felfai tak siam ta bawk se, damdawi, Chawhmeh, ei tur leh nitin mamawh order nan te hmang uar zel ila, e-commerce lama hmasawnna anih bakah thalai te eizawnna kan siam ani pah bawk ang. 

Khawvel mipui chawk buai thei thil thleng hian kan hmasawnna tur technology engemaw tal a rawn hring chhuak thin. Entirnan: World War 1 khan Computer leh network a rawn hring chhuak a. World War 2 zawh hnu a Cold war khan Internet a rawn hring chhuak bawk. Covid 19 pawh hian e-commerce leh Digital payment lama hmasawnna a hring chhuak mek chu a nih hi.