POWER & ELECTRICITY
-Chhungpuia Renthlei
Power & Electricity khawvela hming
dai ngailo tur Father of Electricity tih hial a koh, British scientist Michael
Faraday-an kum 1830-aKawlphetha siamchhuah dan ahmuh chhuah atanga vawiin
thlengin Industry hmasawnna avangin kan hmang tangkai telh telh a, tunah chuan a
tello chuan kan khawsa theiloani ber mai. Kum 1879 khan Cleveland kawthlerah Electric
lights (Brush arc lamps) chhit en ani a, hei hi khawvela Public street lighting
hmasa ber a ni.Edison Electric Illuminating Company,New York ten Manhattan ah an
chhi eng a.England rama Godalming khua ah 1881 September khan mipui vantlang
tan Public street lighting an hmang tan a, hei hi England a Khawvela Public street lighting hmasa ber a
ni.Chenna in a electric lakluh hmasak ber chu kum 1882 a ni.
Power
& Electricity lamah hian India hi a
mikhual lo hle. British hun lai 24 July 1879 khan P.W. Fleury & Co. ten thermal
power plant hmangin Calcutta (Kolkata) ah Electric light an chhi eng a, hei hi
India rama Electricy chhit en hmasak berna a ni. Bombay Electric Supply &
Tramways Company (BEST) te chuan kum 1882 khan Crawford Market, Bombay (Mumbai)
ah electric an ti eng ve leh bawk. Hei
hi Mumbai a electric chhit en hmasak ber a ni. Tin, India rama Hydel Power electricity hmasa ber chu November 10, 1897
khan Darjeeling bul lawkah Sidrapong Hydel
Power Station peih fel a ni. Darjeeling pawh tih en nghal a nia, Darjeeling hi India rama Hydel
Power electricity hmang hmasa ber tu a ni.
India
rama diesel power plant hmasa ber
chu kum 1905 khan Delhi ah peihfel ani
bawk. Asia khawmualpui a electric street
light hmasa ber chu 5 August 1905 khan Banglore ah an chhi eng. Kum 1947 a India in British rorelna atanga
independent a hmuh khan power generating capacity hi 1,362 MW a nia, Hydro
power leh coal based thermal power hi kawlphetha a siamchhuahna ber a ni. India
in power a hmanral 71% lai hi thermal power plants atanga siamchhuah a ni.
Ram
changkang tehna pawimawh ber pakhat
chu electric power dinhmunah anih avangin India hian a tam thei ang ber siam chhuak
turin National Thermal Power Corporation (NTPC), National Hyro-Power
Corporation (NHPC) etc. a din a. India hmar chhakah North Eastern Electric
Power Corporation (NEEPCO) a din bawk. Anni hian a tam thei ang ber power an
siamchhuak a, power supply a intodelhlo te lei turin
hmun khatah an
chhung khawm a. Central Electricity Regulatory Commission chuan state te lei theih tur zat a bithliah thin. Power dinhmun a zirin a danglam fo. A semchhuaktu atan Power Grid Corporation of
India (PGCI) din a ni a, anni hian India ram state zawng zawng electric
hruipuiin an thlun zawm vek a, PGCI
hmang hian Mizoram pawhin power kan la lut a ni.
Mizoram
hi power supply-ah kan intodelh lova, phai lam
atanga power kan hmuh tlem chuan kan
buai a, in enchhawkte a ngai hial thin. Statistical review of World Energy,
June 2019 in atarlan danin Kum 2018 khan
khawvel pumpuia Power & Electricity
dehchhuah zat hi 26,614,800 GWh a ni a, China in a siamchhuak hnem bera,
pahnihna chu United States a ni a, India hi pathumna kan ni. Power renchemna
kawngah India sorkarin theih tawp a chhuaha. Kum 2022 hian India sorkar chuan
prepaid smart meters hman vek turin a ruahman a.Khaihlak hauh lova nitin dar 24
chhung India ram chhunga Power pekchhuah theih hi an thil tum ber a ni.
Kan mamawh hun laia Electric Power kan neih
reng theihna turin Chhungkaw tinte hian kan power hmuh chhunte hi renna chang
hria ila, tul lem lova eng chhit chiam te, power
heh chi khawl hman te hi bansan ila, power renchem
taka hman hi kan mawhphurhna a ni tih i hre thar theuh ang u.
No comments:
Post a Comment