WHATSAPP

WHATSAPP                                                                                      

            -Er Chhungpuia Renthlei

Aw le, tun tum chu   khawvel social network software lar ber, keini mizoramah pawh smart phone nei ten kan hman nasat em em, WhatsApp lam han hawi ve  lawk ang hmiang.  WhatsApp Inc. hi   hun engemaw chen Yahoo!   a thawk  tawh thin September 2007 a bang ta  Brian Acton leh Jan Koum a te  kum  2009 February 24  a an   siamchhuah a ni.WhatsApp Office hmunpui ber  hi  Mountain View, California, United States ah a awma, an hotupa ber Chief Executive Officer chu Jan Koum a ni. Hnathawktu 55 chiah an awm a ni. Sawi tawh angin khawvel mipuite hman theih turin kum 2009 ah tlangzarh a ni India ramah  chuan  kum 2010 May  leh  June vel khan  hman tan ni.

Jan Koum-a hi  Ukraine lam mi a ni a, kum 16 anihin Mountain View (California) ah an chhungkua in an pem. An chhungkua khawsak a harsa ve hle mai a Kum 19 anihin Computer a ma pualin a nei ve hram a. Computer hacking lam pawh thiam tak mai a ni a, khawvela computer hacker lar tak w00w00  ah pawh a tel ve thin.Brian Acton   hi   central Florida  a seilian a ni a , kum 1994 khan Stanford University atangin  computer sciences degree a zir zo. Hemi hnu hian  Apple company ah a software engineer hna a thawk nghal. Kum 1996 ah Yahoo! company ah a thawk leh a  Advertising and Data Processing lam a khawih deuh ber.

Jan Koum   leh Brian Acton   hi tunhma lama inhmelhriatsa an ni lo va, an inhmelhriat tanna pawh     Koum hi  Ernst & Young hnuaia a thawh laiin  Software  him leh him loh ( security tester )  chungchangah Yeahoo Advertisement  endik tura tih a ni a,  hetihlai hian Brian Acton  hi Advertisement buaipuitu ber anih avangin  an pahnih hian an indawr a. Heta tang hian  an inhmelhriat chho ta a ni. Brian Acton-a ngainat zawng a lo ni kher kher bawk nen an inkawm ngeih hle maia, Yahoo! hnuaia thawk turin a sawm  a.  Tichuan, thawk tura interview  aplatlang hnu chuan software engineer hnathawk turin  a Yahoo! a zawm ve ta a ni. Heta tang hian an inhmel hriat chho tak tak ta a ni.         

MLA term khat   zet a liam hnuah  WhatsApp   chu an lunin an thang chak em em si a, face book laka lungawilo ten tlan tauh nan ber an hmang bawk nen.Social network lar ber mai Facebook chuan reilo te  ah an sumdawnna  a rawn dip dawn tih  an hai lo mai nilovin WhatsApp thang chak lutuk chu mut mawh hnar mawh berah an nei a. Tichuan , kum 2009  a WhatsApp dawr hlut zawng  $1.5 Billion chu  an hralhloh theih lohna tur khawp atam, $19Billion-in   a signboard chawpin a lei (kharsak) tawp mai turin  an in dawr ta a.

WhatsApp  hotu pa ber Brian Acton-an a remtih takah chuan     Kum 2014  February thla khan  khawvel a social networking software  inleina man to ber record  ni tur khawpa man to in Face book chuan WhatsApp chu $19 billion  in a lei ta rup mai.  Face Book in  Whats App $19 billion  lai maia an han lei takah chuan  ni khat thil thu lekah  WhatsApp co-founders Jan Koum and Brian Acton te chu khawvel mi hausa  zinga chhiar tel an  ni der mai.

WhatsApp team  te chuan    zu man to ber  chi  Cristal champagne,  $200 man lai main en hlim takin an lawm phawta.  Zu man to tak an in ho lai chu WhatsApp's   employees senior  pakhat Igor Solomennikov-a chuan  Instagram a post hial a,a hnu reilo teah a paih leh ta a ni. Barcelona ah  party an nei leh bawk. Zan intihhlimna hmun pui  Boujils  night club ah  Koum a chuan  a kum 38 na a lawmna ni pah fawmin  mi thahnem tak nen  in tihhlimna an nei  leh   bawk. Hetah phei hi chuan Facebook co founder Mark Zuckerberg leh  Priscilla Chan  pawh an tel ve nghe nghe a ni.

 .Tunah hian WhatsApp hi a thlawnin hmang hrih mahila, A tel lova awm thei lova inhre khawpa kum khat vel min han tem virtir hnuah   WhatsApp   hman man hi kan chawi a la ngai dawn. Google Wallet etc... hmangin i pe thei a, midang pawh i peksak thei bawk, a man  chawi dan tur duan lawk vek a ni tawh. A hmangtu mipuite hian kum khat atan Rs 53 theuh pawh lo pe ta ila, kum khatah vaibelchhe 4,240 kan thawhkhawm dawn tihna a ni chu...!     

Aw le, Tunah hian Silicon Valley a Chief Executive Officers dang te ang bawkin  kum khatah  $2 billion lai a hlawh turin Koum-a chuan  official in Facebook's board a zawm fel ve ta bawk. Mi hausa tak ni tawh  mahse Koum –a chuan  a pawisa te chu  a lo thlawnin a hmang mai mail ova, nakina a upat hun atan  money-saving lamah tan a la nasa hle bawk.Tin, hei mai bakah mi dang te tana malsawmna ni turin  Silicon Valley Community Foundation ah $556 million lai a pe bawk. A en tawn tlak hle mai.