LOOK BEFORE YOU POST

LOOK BEFORE YOU POST                                                   Er. Chhungpuia Renthlei

Social media , abikin WhatsApp Group a kan thu post tam zawk te hi chu mi thuziak *copy & paste* a ni. Mi tam ber hi whatsapp group 5 velah kan awm deuh fur a, kan thu hriat a in an tlangpui avangin thu ngai kan forward tam zawk te hi chu kan hriat hnu leh kan tangkaipui lem loh a ni fo.. Facebook leh group danga mi thu ziak sei pui pui group tana tangkai lemlo suan luh teuh teuhna group hi group tangkai leh rintlak a ni ngai meuh lo. Kan thu dawn nazawng post hi a tul lem lo tih kan hriat a tul hle Thufing in " Mi mawl pawh a ngawih tlat chuan mi fing a chhiar a ni" a tih ang in tul lem lo a thu post tu nih fo ai chuan mi thu post lo LIKE leh COMMENT tu nih te hi a finthlak fo .

 Kar khatah vawikhat chauh pawh thu post la, thu belhchian dawl, tang kai leh chhinchiah tlak anih phawt chuan, tul lova phur vang leh post hmasa duh nih vanga thu post teuh aiin group member tan i hlu zawk tih te pawh hi hria ila a pawimawh hle mai.  WhatsApp hi news, zualko leh information tangkai tak tak pekchhuah nana kan hman tangkai em em lai hian group ah hian mi chi hrang kan awm tih hria ila. Hliam tuar, mithi ruang leh saruak te hi group member te tan hmuh a hrehawm theih thin avangin milem post tur chi leh post loh tur thliar hrang thiam hram hram ang u khai.

Social media ah Group member tana tangkai tur kan post anih pawhin a theih chen chenah source / website tarlan nise a duhawm. Kan thu post a rintlak em? A post tu in source a nei tha em? Kan thu post in rah tha a chhuah em?  tih hi ngaihtuah atul khawp mai.

 Mizo mipui te hi  kan mak ang reng viau.  Eng thil pawh lo thleng se, Political party ten politic khelh nan / sorkar dem nan kan chantir a.  Fiamthu hun  leh  rilru tihzangkhai hun te hi chu tungchho a kal mai pawh nilo, bawkkhup a vak nausen atanga tiang hawl chunga kal pi tar leh putar thlengin kan mamawh ngei mai. Amah erawh chu a hun leh hmun pawh thliar hauh lo a eng thil mai pawh  Fiamthu thawh tu ten fiamthu a kan chantir te hi chu changkan lohna ze pui ber pakhat a ni ngei mai. Thuhriltu ten Pathian thu nen her remin Sermon atan kan chantir a. Hei pawh hi a that viau rualin kan tehkhin thu hman  te hian  Pathian thu in a sawi tum tak a kawk meuh em tih te pawh kan ngaihtuah a tul hle. Tehkhin thu a kan chanter thil tam ber te hian Pathian thu  min lak kawih tir thei thin tih te pawh ngaihtuah hmasak a tul hle mai. Thil engemaw rawn thleng kan dawnsawn dan leh sawi zui dan ah kan mizia a lang fo thin tih hriain engkim hian hun leh hmun anei tih kan hriat a tha viau mai.

A bikin zoram chhung a thil thleng hrim hrim hi, Pathian thu thleng pawhin fiamthu ah kan chantir nasa in kan tipung nasa bik hle tih erawh a chiang hle mai. Hei hian fiamthu kan duh tihlam ai mahin, thil nihphung hre tura kan zir chik loh zia leh kan ngaihtuah zui loh zia mai bakah kan nun hoh zia a lantir zawk. Smart phone  man to tak tak  nei si,  a neitu  smart  lem lo  leh  phone  chhunga thil awm  smart miah lo te hi a inhmeh lo hle. 

Tin, social media ah thuziak kan suankual nasat zia hria a intihlarna / political institution ang hial a hman tumin, mithen khat ten an thuziak ai maha langsarin an HMING LEH NIHNA thleng an tarlanga, an awmna group 4/5 velah rilru nei rana thawnchhuak kan awm ve zel bawk nen. Kan indaih zaih hle mai tih bak sawi vak dan a awm lo e .Kan entawn ber tur Isua erawh chuan a tul hunah chauh tihpun duh leh chantir duh a nei. Uaiin tih pun anih laiin, a riltam lai pawh nise LUNG erawh CHHANGAH ah a chantir duh lo anih kha.  

Hnam fing zawk ten  “ ti thil tih hma in ngaihtuah hmasa rawh ( Look before you leap ) an tih hi Social media ah pawh  hre reng ila. Eng thil pawh midang te chhiar leh hmuh thei tur a kan post darh  . LOOK BEFORE YOU POST ( I thil post tur kha ngaihtuah hmasa rawh)