-Er.Chhungpuia Renthlei
Hripui leng karah Kum 2020 chuan koh kir rual lohvin kan thil tih that, tih dik loh, hlim ni, lungngaih ni leh bawrhsawm ni zawng zawng te nen mual zapui min herliam san meuh chuan Lei mite hun chhiara kum thar, kum 2020 kan lo chuang kai leh ta reng mai! Krismas leh kumhlui te khan kan hlimni te ngaihawm takin a her liam pui satliah mai nge? Nak tip nak thaiah lungngaia min siamtu a rawn herchhuah pui zawk dawn le? Hei zawng, mimal chhanah dah phawt mai teh ang aw.
Ni e, Famlo na na na chu, kum 2021 kumthar hian khawvel mihring leh thil siam tumahin an la rah lawk bik loh, khawvel miten a ruala kan rah tur kan la zawh ngai ngai reng reng loh hun thar leh thil thar kan hmachhawn leh ngei dawn a.Kan rilru put hmang (mindset) diklo leh party ram awmpawng kan zakzeh tlat zel hi paih ila, kumthar atang hian Pathian, Ramhruaitu leh mipui te lakah rinawmna nen tangkai leh tha zawka awm turin moral development nen hmasawn zel tum ila.Kan hma zawna kan mawhphurhna rinawm tak leh thahnemngai taka hmachhawn theuh thei turin kumthar bul tan ang u.
Hetianga kum bul kan tan phawt chuan Pathian tihna thinlung tak nen rinawmna leh thahnemngaihna chuan mimal nunah hlawhtlinna ropui tak min thlen ang a; chhungkaw khawsaknaah intodelh leh ram hmasawnna min thlen ngei ang.Hringnun ah hian, tha famkim leh sawiselbo alo awm hauhlo mai. Rimawi tumtu nei lo chuan mawina a nei lo angin, kan nun pawh hi kan cheimawi dan a zirin a mawi mai dawn a lo ni.Beiseina hi mihringte min ti mihringtu a nih miu avangin tu te pawh hian kumthar emaw, sorkar tharah beiseina thar engemaw tak kan nei thin. Malsawmna thlentu kum duhawm anih theih ngei na turin rilru thar pu-in beiseina thar nen Pathian nen bul tan hi a pawimawh hle mai.
Kum bul atang hian taksa, rilru leh thlarau inbuatsaih ila, ruahmanna duhawm leh beiseina thar nei theuh ila, kum bul atanga kum tawp thlenga chakna leh hlawhtlinna pe theitu tur an ni ngei ang. Kumthar 2021hi kan tan kum tha leh duhawm, hlawhtlinna leh malsawmna dawng theuh turin, Pathian hnena inhlan chungin kum bul tan ila, kum liam ta a kan thil chin tha lo tak tak te bansanin ila,RILRU THAR NEN KUMTHAR zawh theuh ang u
No comments:
Post a Comment