FELIZ
NAVIDAD
- Er. Chhungpuia Renthlei
- Er. Chhungpuia Renthlei
Kristmas hla hit em em, keini mizo ten kan ngaihthlak fo thin,
Feliz Navidad hla hi kum 1981 khan Boney M Christmas Album 1981 ah an record a,
A phuahtu sak ai mahin Boney M sak hi keini mizo te chuan kan hre lar ber zawk
a. A hla thu hi a tawi hle a, "Hlim leh lawm taka krismas hmang turin
thinlung leh tih takzetin duhsakna ka hlan a che" tih te mai chauh hi a
ni.
Feliz Navidad tih hi spanish tawng a ni. Saptawnga a awmzia chu
"Happy Christmas" emaw "Merry Christmas" tihna a ni. Mizo
tawng chuan "Hlim leh lawm taka krismas hmang turin duhsakna chibai
le" tihna a ni. Navid tih thu hi Persian ho hming, chanchintha thlentu
(bearer of good news) emaw duhsakna sangber (best wishes) tihna ani bawk. Feliz
Navidad, próspero año y felicidad" tih thu hi Spanish hoten tunhma a
Krismas leh Kumthar duhsakna an inhlanna hla pakhatah an hmang chho ta a ni.
A hla
thumal hrang hrang awmzia chu:-
feliz = happy
navidad =Christmas
prospero ano y =to prosper and
felicidad=happiness
Tichuan, "feliz navidad, prospero ano y felicidad" tih awmzia chu "Merry Christmas, prosperous year and happiness" " tihna a ni.
Feliz Navidad hla phuahtu leh sa hmasa ber tu chu Puerto Rican
mitdel zaithiam leh hlaphuah thiam ni bawk Jose Feliciano a ni. A tirah chuan
Spanish tawng chauhvin a phuah a, English Radio leh TV a an tihchhuah duh loh a
rin avangin "I want to wish you a merry Christmas" tiin English in a
phuahbelh leha, a rin phakbakin a lar ta a ni ber mai.
Feliz Navidad hla hi Kum1970 kum a Los Angeles a awmlaiin a
chhungte New york a awm mek te tana a phuah a ni. A tirah chuan a hla thu hi
Spanish tawng vek a ni.Music hi Rick Jarrard an a siam sak thung. Nielsen
SoundScan reports danin Nikum November ni 25 2016 ringawt pawh khan Feliz Navidad
hla hi copy 808,000 (Nuaih riat leh Sang riat ) lai internet kaltlanga hralh a
ni. He hla phuahtu Jose Feliciano pawh hian original version hla hi kum 20
chuang fe mai a sa tawh bawk a, Billboard Hot 100 zingah ah a chuang pha hial
bawk. Krismas hla dang ang bawkin khawvel zaithiam lar tak tak ten Album ah an
telh teuh mai.
Zaithiam leh hlaphuah thiam ni bawk Jose Feliciano hi September
8,1945 khan Puerto Rican ah a piang a. Vanduai thlak takin a pian tirh atangin
mit lam natna "congenital glaucoma"anei a mitdel sa in a piang. Midel
schoolah a kala, mitdel ziak leh chhiar a zir a. New York's Greenwich Village
ah tingtang perh dan danglam tak nen music lamah bul atana.Kum17 anihin Detroit
ah music contract a nei a,Kum 17 anihin kum music lama eizawng turin sikul a
chawlsan. Kum1960 chho vel khan US ah a lar hle a, kum 1968 a Album atih chhuah
hnu phei chuan a lar zual hle a ni.
feliz = happy
navidad =Christmas
prospero ano y =to prosper and
felicidad=happiness
Tichuan, "feliz navidad, prospero ano y felicidad" tih awmzia chu "Merry Christmas, prosperous year and happiness" " tihna a ni.
August 1971 nula hmeltha leh fel tak Susan Omillian nen an in tawnga, kum 11 teh meuh an inzui hnuah kum1982 khan an innei. Fapa pahnih Jonathan & Michael leh fanu pakhat Melissa an nei. Chhungkua a music play hi nuam a ti hle thin a, a fapa pahnih te nen band an din hial bawk. Kum 2014 April 18 Thursday, zing 4:13 khan car accident ah kum 78 mi niin a boral. A boral thu hian Puerto Rico ram a fan chhuak nghal. An ram lalber Governor chuan ni thum lai ram puma vuina program hman anih tur thu a puang nghal a, motor khalhtu tha hnem tak ten motor headlight chhi in an sun bawk. A chanchin sawi tur tam tak a awm, duh tawk phawt teh ang.
feliz navidad, prospero ano y felicidad
No comments:
Post a Comment