ECONOMICS LEH LIVELIHOOD VENHIM
Chhungpuia Renthlei
United Nations Conference on Trade &
Development (UNCTAD) leh UN trade &
Development body ten an chhut danin Khawvelin Covid-19 a buaipui atanga thla hnih
chhung ringawtah pawh khawvel economic a nghawng nasa hle.Sum veivak a tlema,
ram rethei zawk sum hlutna a tlahniam a, ei leh bar bakah bungraw thawn chhuah
a tlahniam a.Tourism, private sector leh kawng hrang hranga sum lakluhna a
tlahniam a. Covid-19 hian hriselna mai bakah economic ah harsatna a thlen mek a
ni
Khawvel
ram hrang hrang ten Sustainable Development Goals lama an hmalakna an chawlh
reng chuan ei leh barah chhiatna nasa taka thlen theih avangin fmkhur takin hna
pangngai thawk turin remruatna fel tak an duang mek reng a.Virus darh zel karah
pawh economics tlukchhiat loh nan Company lian te chuan theih tawp an chhuah
zel tur thu UNCTAD chuan atarlang Khawvel
mihring hmun thuma thena hmun hnih te hi economiclama mahni a intodelh lo,
intodelh tura ram thang mek (developing country) te hian coronavirus crisis
avang hian sum leh pai, ei leh barah ah harsatna kan tawk tan der mai.UN chuan
tunah hian chhanchhuahna sum ( rescue package) USD 2.5, trillion a ruahman.
Mizoram
economics pawh in a tuar ve mek a, vegitable supply chain hmangin kan ram
thuneitu te pawhin theihtawp chhuah
mahse chhungkaw dinhmun a inthlauh em avangin
mangang au thawm a ring sawt hle.Social Distancing dah pawimawh chunga
ruahmanna fel tak hnuaiah bungraw phurh dan mumal tak leh chatlak lova kalpui
te, nitin mamawh sem chhuak tura supply chain mumal kalpui te hi state in
ruahmanna tha an siam thiam leh thiam lohah kan inghat thui hle. A bikin
thingtlang lamah lo an hal tawh si a, feh chhuah hun lai taka duty ten an dang
tlat bakah nitin mamawh bungraw phur thlenga dan chah phei chu a buaithlak hle.
Kan nitin mamawh nei thei tura fimkhur tak sia ruahmanna siam thiam a tul hle.
Lo neitu te feh tur leh bungraw phur motor kaltlang tir tura sorkarin thupek
(DM&R Order No.B13021/103/2020-DMR dt.23.03.2020) a chhuah hi alawmawm tak
zet.
Thawk
leh khata nunphung inthlak phut (Risk of shocks) hian nasa takin atel lova a
awm theih loh tui, ei leh bar, ran chaw, damdawi, silhfen e.t.c nei tura hmalakna hrang hrang (
Livelihood) a tikhaihlak nghal a. A rei
viau phei chuan Economics ah harsatna namenlo a thlen thin. Mizoramah mi hausa
leh sorkar hnathawk sum leh paia buai lemlo an awm teuh laiin a tam zawk chu
thawh loh chuan nghei mai tur,nitin inhlawhfa leh private a thawk kan ni.Mipui
mamawh chhek khawl leh daihzai thei ang bera sem chhuak thei tura Action Plan
neih kan mamawh hle. Thingtlang atanga thlai thar sorkarin a lei, khawpui
chhunga thawn luh chungchangah local taskforce te chak dan a inrual vek si lo a
,thlai lei tur pawh neilo tam tak kan awm laiin hralhna hmuh loh vanga dah
chhiat tam tak a awm thei bawk.Fimkhur tak chunga Livelihood Strategies ruahman
thiam a tul hle.
Inchhunga
inkhung beh reng theih loh chin ala awm ngai dawn a, kan fimkhur tlan zel loh
chuan kan zalen hun hun hi kan inkaidarh
hun a ni ngei ang. Sokar bakah mipui ten
theih tawp kan chhuah tlan a tul hle
dawn a ni. Mizoram mipui hi theih tawpa
fimkhurin khawsa mah ila, kan thenawm hri kai awmna state aṭanga awlsam taka
kan kai theih avangin bungraw phurtute hi fimkhur thei ang bera check a, hri
theh darh theitu ni àwma lang chu block zel theih ni se a duhawm hle. Mizoram
sorkar hian Central Sorkar thuchhuah bawhchhe si lovin, kan ram economics leh
Livelihood chhe lo turin ruahmanna tha
zawk siam zel se, mipui te pawhin thuawih takin zawm zel ila, tui, current, ei
leh barah pawh inrenchem taka khawsak a tul hle.
No comments:
Post a Comment