WELCOME TO CHHUNGPUIA RENTHLEI BLOG

 INDIA MOBILE PHONE NUMBER

-Er. Chhungpuia Renthlei

 India rama mobile phone number   hian    digit 10   an nei theuh va,   awmze nei takin  hlawm thumah then a ni. Digit hmasa pahnih  te hi Access Code a nia, digit 3-5   pathum hi mobile switch code a ni. Digit 6-10 te hi local subcriber number  a ni bawk. Tin,   Digit 10 mobile  number bakah hian  ram hrang hrang ten  country code  kan nei vek bawk. Entirnan, India ah chuan +91 kan nei. Country code  hi mobile number 10 digit hian a huam lo thung. Mahni ramchhungah chuan Country code tleh kher hi a ngai lem lo bawk.  

Keini India rama mobile number  te hi  sawi tawh angin digit 10 a ni a,  Tuna I hman lai mek pawh kha digit 10 a nih kha.   Mobile service provider  hrang hrang  te hian an customer te awlsam taka   an  hriat theih nan   leh keini customer te pawhin  awlsam zawk a  Service provider kan hriat zung zung theih nan  National Numbering Plan 2003    hmangin heng digit 10 te hi  hlawm lian tak pahnih  XXXX – NNNNNN  ah then a ni .   A hlawm khatna  XXXX ah hian  digit 4 a awm a, hei hi   Operator codes  chhinchhiahna a ni. A hlawm hnihna  NNNNNN ah hian digit 6 a awm  leh a. Hei   hi Subscriber  number  chhinchhiahna a ni. 

Entirnan 8974579126  hi  mobile number a ni a. National Numbering Plan 2003 hmangin XXXX – NNNNNN a kan then hran chuan  8974-579126 a ni. XXX  chu 8974 a ni. Hei hi  Airtel  Operator Code a ni. NNNNNNN chu 579126 a ni a.Hei hi Mobile number neitu (Subscriber)  chhinchhiahna a ni. Hetiang  hian eng Mobile number pawh nise, awlsam takin a hriat theih a ni.

Tin, Digit 10 mobile  number zinga   a digit hmasa pahnih te hi  mobile carriers chhinchhiah nan  an hmang thin bawk.  Entirnan : 94  chu BSNL mobile number., 90,91,97,99,89 .e.tc hi   Bharti Airtel mobile numbers.92,93Tata Indicom mobile numbers.  Mobile phone number  hian awmzia  pawimawh tak an nei vek a,  company te hian duh ang angin an siam thei lo tih pawh kan hriat a tha awm e.  Khawvel ram hrang hrang te hian   in ang tlang thei ang ber turin  standard  format an duang chhuak a. Hemi mil tur hian  mobile service provider ten number hi an pe thin.

Engvangin nge mobile number hi  digit 10 kher?

He zawhna hi   mi thil chik mi te zawhna lar ber a ni. Keini Mizo thalai tam ber te hi chuan  kan ngaihtuah  lem lo mai thei. Tin, Mobile  dawr a thawk leh Mobile Service center a thawk te tan pawh  chhan  mai a harsa thei  bawk.  

Mobile number  Digit  hi    subcriber   number  awm thei zat hriatna  awlsam tak a ni. Digit a tam chuan subcriber pawh  kan thahnem tihna a ni.Mihring thahnemna China ah chuan digit 12  an hmang a.  Ram mipui  tam lam atanga  mobile hmang thei tura chhutin  India ramah  digit 10 hi  a tawk viau tur a ngaih a ni. Tuna kan hmanlai mek  Mobile number  Digit 10  ah hian  Subcriber  vaibelchhe  1000 kan awm thei. Digit 10 anih kher chhan chu Mobile hmang thei tur    atanga chhutin  a tawk hrih  viau vang a ni. Mobile Commmunication lama thuneitu sang Department of Telecommunication ( DoT) in kum 2003 kum 2003 khan a  hmang  tan a ni. Digit 10 hi  kum 30 thleng  chuan a la tha tawk tura  ngaih a ni. 

Hetihlai hian February 2009  daih tawh khan     wireless subscribers  zawng zawng te chu  375.74 million lai an tling der mai. Register  belh theih zat chu   250 million users chauh   a ni.  Mobile  user register belh  tur India ramah a pung  chhoh zel takah chuan digit 10 ringawt  chuan min zawh loh hun a awm ngei dawn tih chu mi thiam te chuan an ring lawk daih tawh a.  Hei vang hian January 201o khan   Digit 10 atanga digit 11 a tihpun  hi Department of Telecommunication ( DoT) chuan a duh  tawh a ni. Hetihlai hian mithiam te chuan  keini mihring ten  mobile kan hman ang chi ah hi chuan 10 digit hi a la tawk viau niin an chhut thung.11 Digit  a upgrade mai tur a thuthang a awm mek laiin  10 digit hi kan la hmang reng hrih dawn niin a lang.

 Tuna  mobile kan hman ang bakah hian  hman dan dang  a awm leh  a, chu chu  khawl leh khawl swipe machines ang chi inbiakpawh tawnna M2M (Machine-to-machine) tiin an vuah a. Hetah pawh hian subcriber  tam tham tak a awm.  M2M numbering plan  atan hian July 1, 2018 atangin 13-digit  ruahman a ni. Kumin  kum tir January 8, 2018 khan telecom operators te chuan Department of Telecom (DoT) atangin thupek an dawng tawh nghe nghe.  M2M bikah hian tuna 10 digit  number nei mek te hi  October 1, 2018 atangin 13-digits a thlak vek tura ruahman a ni. December 31, 2018 ah chuan zawhfel vek tur a tih a ni bawk.

Aw le,  tunah chuan  mobile number awmzia tlangpui chu  kan hre tawh turah ngai ila, mipui (subscriber) kan pun chak  dan azirin  nakinah chuan  11 digit pawh kan la hmang mahna le.  Duh tawk phawt mai ang aw.