WELCOME TO CHHUNGPUIA RENTHLEI BLOG

FINANCIAL BYTES

( India rama pawisa zin kawng)

 Er. Chhungpuia Renthlei

Kum zabi 18 chho khan India ramah a vawikhat nan pawisa note hman tan a ni. private leh  semi-govt. Presidency banks  ten an print thin. India ramah chuan The General Bank of Bengal and Bihar (1773-75) leh  The Bank of Hindostan (1770-1832) te hi pawisa note siamtu ber an ni.

Kum 1926 khan Royal Commission of Indian Currency and Finance te chuan pawisa control tur leh thuneitu ber ni  turin Reserve Bank of India (RBI) a din. April 1, 1935 khan RBI chu Central Office, Calcutta ( Kolkata)ah hawn a ni. Kum 1937 khan Bombay (Mumbai) ah sawn a ni. Vawin thlengin hetah hian a la awm. RBI hi vawin thlengin India rama pawisa chungchanga thuneitu ber a ni.

Heta tang hian pawisa siam nana India in pawisa a hman tam dan tur kan chhut thiam mai awm e. Pawisa notes series Security measures atan leh awmze nei taka  chhinchiah nan  pawisa note hrang hrangah milem telh a ni.  India sorkar chuan  notes series hi a thlak danglam thin. 1861 atanga vawin thlengin  notes series  chi 4  a siamchhuak.

1. Victoria Portrait note  Series: Kum 1861 ah hman tan a ni.

2. British monarch -George VI note Series  : Kum1938 ah hman tan a ni.

3. AshokaPillar: January 26, 1950  ah hman tan a ni.

4. Mahatma Gandhi  note Series : Kum 1996 ah hman tan a ni. Hei hi  vawin thlenga kan hman mek, security measures atan leh mit tha lo/ mitdel ten awlsam taka an hriat theih nana siam a ni.

India sorkarin IT thiamna hmanga financial transaction bul a tan ta.

Kum 1980 chho khan  India ramin IT lamah hmasawnna ropui tak a nei a, IT thiamna hmanga  financial transaction (pawisa  khawih chet)   bul atan ta a. Hmalakna langsar zual te:

Automated Teller Machine (ATM) hmasa ber chu 1987 khan  HSBC  (Hongkong and Shanghai Banking Corporation) ten  Mumbai ah an din.

Plastic money(Card) : Tunlaia kan hman  uar em em, ATM Card  hi kum 1987 atang khan  ATM hmanga transaction tih nan   hman a ni. Card hrang hrang - Visa /Debit /Credit / Rupay Card e.t.c  kan lo nei chho zel ta bawk.   Computerisation  banking industry hi India ramah 1988 khan tih tan a ni. Internet banking hi 1990s.  Mobile Phones hmanga  Financial Services  hi kum 2010 ah India ah kan hmang tan.  

 Digital financial services lamah Mizoram pawh  hma kan sawn ve zela,  tlem azawng han tarlang ila 

ONLINE BILL PAYMENT FOR P&E (https://powerbilling.mizoram.gov.in): 

 Kum in 2017 march thla  atangin  online  a electric bill a pek theih.
 ONLINE BILL PAYMENT FOR PHE (https://phebilling.mizoram.gov.in):   

May 23,2017 atangin online in tui bill a pek theih bawk.
INTERNET-A LIRTHEI CHHIAH PEKNA (www.vahan.mizoram.nic.in) 

Dated  9. 11. 2015  khan hawn a ni bawk 

November 2016 a India Sawrkar in Pawisa Note Rs.1000/500  a tih thih kha kan la hre theuh awm e. Hei hi digital financial services atana India sorkar hmalakna pawimawh tak pakhat a ni. Pawisa note  hi siam a hautak em em mai a, security  sytem sang tak nen siam ni thin. Hetihlai hian  pawisa lem siamtu  an lo awm ve leh zel a, nitin mai pawisa lem man tur a awm ve ziah thung. Pawisa Note hrang hrang te  print man ringawt pawh hi  a hautak hle mai . India sorkarin  Pawisa notes print nan kumtin cheng tam tak a seng ral thin. Pawisa note print man tlangpui te chu :Rs 2000 :Rs.4.72, 

Rs 1000-old:Rs.4.06, Rs 500 -old: Rs.3.58, Rs.50 -old: Rs1.80, Rs.20  :Rs.1.50, Rs.5  :Rs.0.50.

Mipui ten him tak a pawisa kan hman theihna tur leh financial institution hrang hrang kaltlanga    mipui ten  pawisa chungchanga  kan himna leh hamthatna  atan  June 4-8 khan  India ram pumah Financial literacy Week atan hman a ni. Pawisa chungchanga   kan fimkhur nan leh kan hriatna tihpun nan   Financial literacy Week  te hi kan tangkai pui  chuan a lawmawm hle ang.