Kum dang ang bawkin Matric result tih chhuah alo ni leh ta, Media hrang hrang a
luah a ni ber mai. Matric-a a titha deuh
ten Science leh Commerce an la a, abak zawng Arts stream-ah an kal thin. Kum
tin, zirlai hlawhtling an awm teuh lai
hian, zirlai fel leh tum nei rana zir chu chhiar tham lek an ni thin. Hmathlir
thui tak neih loh vang leh chhungkaw
harsatna vanga nih tum ang ni pha ta lo engemaw zat an awm bawk.Heng vang te hian ei zawnna tlak hna mumal thawh a har ta.Thalai
hna thawh tur nei lo an tamna hmun a piangah sualna a pung duh leh nghal a,
tunah phei chuan zu, ruihhlo leh sualna pung zel te hi tihrem hi
kohhran leh khawtlang NGO ten hnapui berah kan nei hial ta anih hi.
Mi tha kan tehna Value system anih vang pawh a ni ang, mizo te hi pawn
chhuak hnem, kohran leh khawtlanga inhmanna ngah tak, mahni in lum chhuahsan
reng mai kan ni.Hei hi kan mizo society aah a bet nghet hle tawh mai.Thil tha ta
kanga lang ni mahse, ! midang tana thil
tha ti tura rawngbawlna leh pawl hrang hrang avanga pawn kan chhuak
hnem lutuk hian kan inchhung a tichhe ve fo thin.
NGO leh Kohhran vanga mahni in a awm hman lo khawpin thalai,
nu leh pa chhuak reng kan va tam em ! Nu leh pa ni ve si, mahni
dinhmun leh nihna hai leh hlen zo lo kan pung tial tial bawk. Hei hian a sual zawngin thalai a ti zalen tulh tulh a, nu leh pa pawisak
lohna an nei a, thu nun theih loh
khawpin an awm thin. A tawpah JAC, YMA leh kohhran hmanga siam that kan tum leh lawi si.
Chhungkaw puitling leh zahawm, inchhungkhur felfai ni tura hma kan laka , mahni
chhungkua theuh atanga khawtlang nun, zirna, kohhran leh ram siamthatna hna kan thawh tak tak hunah zirlai
fail, hna hmu lo leh nun sual an tlem chauh ang. Hei hi kan mizo society in a
mamawh em em. Keimahni fate nun siam
that nan chhungkaw awp lum hi Pathian rawngbawlna pui ber a kan neih
phawt chuan Chhungkaw tin nun a lo tha anga, khawtlang siamthatin
a awm nghal bawk anga, revival crusade ngai kher lovin kohhran pawh kan hlim a
ni mai.
Lehkha kan zir chhan ber
chu ei zawnna tlak sum lalut thei tura hna
belh tlak mumal tak neih hi a ni. Infiamna, entertainment program,
biakin a lam mup mup te hi mizo
ten kan tui pui em em .lai hian,kan thil tuipuite hi kan mamawh ber leh min siam tha tu a ni fo lem lo. Kan thalai te nun leh zirna siamthatna hmanraw
pawimawh ber chu hnathawk tlaka an thiamna tipung a, an phak tawk ang zela
eizawnna tlak hnathawh tur siam sak hi a nih avangin, eizawnna tha nei tura zirna leh
nunphung hmasawnna chapter thar
kai ila, Mi tha kan tehna
Value system pawh thlak ang u. In chhung
lum chhuahsan tam lutuk zawnga NGO leh kohhran hmanga insiam that tum ringawt
lovin, zirna, thalai leh kan ram siamtha turin chhungkua ah bul tan theuh ila a va duhawm em !
No comments:
Post a Comment