(Contact Tracing)
-Er. Chhungpuia Renthlei
Phone setting ah lut la, google ah click la, a chung berah Covid-19 exposure notification a lo awm ang. Hei hi mi tam tak chuan kan privacy tichhe thei ah an ngai a, a ruka Covid-19 sensor kan phone-a an rawn dah tiin Social media ah mi thenkhat ten an thehdarh nasa hle
Google Covid-19 exposure notification hi enge anih a, engvanga kan phone setting a lo awm ve ringawt nge ani tih leh an sawi anga hlauhawm a ni chiah em? Han bihchiang ve lawk ang hmiang.
Covid-19 exposure
notification hi enge ni le?
Covid-19 exposure notification hi Application Programming Interface (API) chikhat, bluetooth technology hmanga data inthawnchhawng thei (contact tracing ) chikhat a ni.API chauh a nih avangin Turn on ringawt hian engmah hna a thawk lo. A thlun zawm tur contact tracing applications Software install tel chauhvin Phone Bluetooth radios signal hmangin contact tracing hna a thawk thei.
Covid-19 exposure notification hi COVID -19 contract tracing technology atana hman tura Google & Apple team ten kum 2020 April thla a an siamchhuah a ni. India ramah erawh chuan kan hmang velo.
Engvangin nge India ramah Google Covid 19 ExposureNotifications API hi kan hman ve loh?
India hian a hranpa ngata API nei sa thlap Contact tracing app Aarogya Setu a siam a, a duh apiang tana hman theih turin Google Play Store dah a ni a, tunah hian 13.5 Crores aia tam in an hmang mek.
Aarogya Setu software ah hian Contact-tracing API a awm sa tho avangin Google Covid 19 Exposure Notifications API hi India ramah chuan kan hmang ve lo. Google Covid 19 Exposure Notifications i smart phone setting a mi kha turn ON mahla, a function chuang lo ang. Hlauh tur a awm lo tihna anih chu !
Google leh Apple te hian India sorkar chu Covid 19 Exposure Notifications API leh Aarogya Setu inthlunzawm tir turin an dawr tawh a.Mahse, Aarogya Setu software ah hian Contact-tracing API a awm sa tho avangin Google & Apple API nena inthlunzawm kher a tullo a. Heivang hian tun thleng hian India ramah thlunzawm a nilo.Hetiang anih takah chuan Google Covid 19 Exposure Notifications smart phone settingah awm mahse, keini India ramah chuan a function hrihlo tihna a ni ber mai.
Engtin nge kan phone setting ah a rawn
awm ve? Thilsual tih nana a ruka dah a ni em?
Sorkarin Covid-19 darh zau zel tur ven nana hmala tura company hrang hrang te a ngenna bawhzui nan kumin 2020 thla khan Google leh Apple te chuan Android version 6.+ Marshmallow leh a chung lama hman theih turin Covid 19 Exposure Notifications system hi an siam.
Phone setting a an rawn dah chhan ber chu Contact tracing software kan hman ve theihna tura min tanpuitu atan chauh a ni. Android Google play service file chhungah telh a ni takah chuan Android phone hmangtu ten kan system file kan update veleh Covid 19 Exposure Notifications hi kan phone ah a rawn tel ve ta a ni ber e.
Covid-19 sensor a rukin kan phone-ah an rawn dah ti a privacy tichhe thei emaw kan tih hi kan hriatchian loh vang a ni.Sensor pawh a ni lo a, Application Programming Interface (API) chikhat a ni ve chauh zawk.
Contact tracing hian engtinnge hna a
thawh?
Entirnan, Covid 19 Exposure Notifications system kan turn on a, a milpui Contact tracing app kan install chuan hetiang hmang ve tho bluetooth radio signal hmangin kan bul hnaia mite hnenah kan user ID Aarogya Setu chuan a thawn anga, keini pawhin kan bulhnaia mite UserID kan dawng bawk ang. Kan bulhnaia Covid 19 positive an awm a,Public health Authority a in report tawh an nih chuan Covid 19 positive bul hnaia kan awm thu message kan dawng ang.Tunge an nih erawh kan hre kher lovang.
Tin, Covid 19 positive kan ni tih Health Authority ten an confirm anih chuankeimahni random ID kha midang kan share thei anga, kan bulhnaia awm apiang ten positive bul hnaia an awm thu notification an dawng ang.Keimahni identity erawh an hrelo ang.Tin, fimkhur thu hlaah user ID te hi chhui theih loh turin 10-20 minutes chhungin amahin a inthlak danglam reng bawk ang.
Covid 19 Contact tracing software te hi a him em?
Aw, him e. Kan phone ah awm ringawt mahse kan hman duh loh chuan kan hmanglo thei.Kan hmang anih pawhin kan awmna location leh kan identity tumahin an chhui theilo.Official public health authority apps atangin Public health authorities chauh in an hmang thei.
Heng public health authority app te hian kan phone location leh keimahni chetvelna location access theilo turin privacy, security, leh data criteria an paltlang vek tur a ni bawk. leh midangin kan data pawimawh an hre theilo.GPS emaw, midangin kan awmna an hriattheihna tur location data record a nilo a, Google, Apple,Sorkar leh Health lama thawktu te pawhin kan awmna an hre loving
Tunah hian Google Covid 19 Exposure
Notifications API hi khawvel ram hrang
hrang Australia, Austria, Brazil, Canada, Croatia, Denmark, Germany, Ghana,
Ireland, Italy, Japan, US, Kenya, Latvia, Philippines, Poland, Saudi Arabia,
Switzerland, UK,Uruguay e.t.c ten kan hmang mek a, a hmangtu an pung zel bawk.
No comments:
Post a Comment