Showing posts with label TECHNICAL. Show all posts
Showing posts with label TECHNICAL. Show all posts

Wednesday, 2 September 2020

BITS & BYTES

Er. Chhungpuia Renthlei.

July 2020 khan khawvela internet hmangtu te hi 4.57 billion lai kan tling.Tunah hian khawvelah mihring 7.77 billion kan awm a,4.57 billion te hi active Internet users kan ni.Hei hi khawvel mihring zawng zawng 59% lai a ni.Digital khawvelah data kan dahkhawm bakah kan in thawnkual nasa hle mai Digital Memory tam lam tehna te chu :

1 Bit = Binary Digit
8 Bits = 1 Byte
1024 Bytes = 1 Kilobyte
1024 Kilobytes = 1 Megabyte
1024 Megabytes = 1 Gigabyte
1024 Gigabytes = 1 Terabyte
1024 Terabytes = 1 Petabyte
1024 Petabytes = 1 Exabyte
1024 Exabytes = 1 Zettabyte
1024 Zettabytes = 1 Yottabyte
1024 Yottabytes = 1 Brontobyte
1024 Brontobytes = 1 Geopbyte 

Tuesday, 25 August 2020

VOTERS e- Help
Er. Chhungpuia Renthlei

Awlsam taka mahni awm hmun atanga kan tih ve mai theih turin Election Commissionof India(ECI) chuan Voters information kan hriat theih nan Website, SMS,Mobile Apps, PDF file hmanga Voters information hriat theihna hrang hrang a ruahman a. Mi thenkhat te chuan kan hre tawh mai thei nachungin, LC/VC election kan hnaih bawk a tangkaipui kan awm takin han tarlang ve lawk ang aw.

Saturday, 22 August 2020

eSanjeevani OPD
(India Online OPD lian ber bihchianna)
-Er. Chhungpuia Renthlei

eSanjeevaniOPD (Stay Home OPD) hi Digital India programme hnuaia medical lama a hmalakna pawimawh tak, internet kaltlanga doctor biak rawn theihna digital platform a ni. Centre for Development of Advanced Computing (C-DAC) ten India mipui a duh apiang tana August 2019 a siam. Damlo leh Doctor te tan Web-based National Teleconsultation Service tangkai tak a ni.

Telemedicine services chi hnih Doctor leh Doctor inbiaktawnna (eSanjeevani) leh Patient in Doctor a biak theihna (eSanjeevani OPD) Tele-consultations a awm. eSanjeevani OPD hi Covid 19 vanga lockdown laia damlo ten internet hmanga awlsam taka doctor an biakrawn theih nan Union health ministry in April 2020 khan an hmang tan.Tunah hian damlo nuaih 2 dawn laiin an hmang mek. Mizoram State’s sorkarin health department in doctor panel a thu tur a ruat fel hun hunah keini pawhin kan hmang ve thei ang.

Friday, 21 August 2020

GOOGLE COVID-19 EXPOSURE NOTIFICATION
(Contact Tracing)

-Er. Chhungpuia Renthlei

Phone setting ah lut la, google ah click la, a chung berah Covid-19 exposure notification a lo awm ang. Hei hi mi tam tak chuan kan privacy tichhe thei ah an ngai a, a ruka Covid-19 sensor kan phone-a an rawn dah tiin Social media ah mi thenkhat ten an thehdarh nasa hle

Google Covid-19 exposure notification hi enge anih a, engvanga kan phone setting a lo awm ve ringawt nge ani tih leh an sawi anga hlauhawm a ni chiah em? Han bihchiang ve lawk ang hmiang.

Covid-19 exposure notification hi enge ni le?

Covid-19 exposure notification hi Application Programming Interface (API) chikhat, bluetooth technology hmanga data inthawnchhawng thei (contact tracing ) chikhat a ni.API chauh a nih avangin Turn on ringawt hian engmah hna a thawk lo. A thlun zawm tur contact tracing applications Software install tel chauhvin Phone Bluetooth radios signal hmangin contact tracing hna a thawk thei.

Covid-19 exposure notification hi COVID -19 contract tracing technology atana hman tura Google & Apple team ten kum 2020 April thla a an siamchhuah a ni. India ramah erawh chuan kan hmang velo.

Tuesday, 2 June 2020

NETWORK HI ENGE NI?
Er.Chhungpuia Renthlei

 Network awmzia ber chu computers leh hmanraw (devices ) hrang hrang protocol mumal tak nen a communications devices hmanga thlunzawm to sawina a ni. Network hmanga kan tih theih hrang hrang te :
1. Facilitate communications
2. Share hardware & software
3. Share data and information
4. Transfer information
 
SOCIAL ENGINEERING
(Information Security Awareness)
Er. Chhungpuia Renthlei

Social Engineering kan tih chu diklo tak in emaw bumna hmanga midangte information access a ni. A tum ber chu i identity ruk chhuaha, chu information hmanga i account hrang hrang te i hriat miah lova hman(access) a, i system leh network luh chilh te hi a ni.Cell phone hmangin emaw E-mail hmang te in heng mi te hian bum tur an zawng fo thin.

Social Engineering hmanga inbumna langsar zual leh invenna:
1.Vishing
Telephone kaltlang a social engineering tih dan chi khat a ni a, Voice over IP (VoIP) hmanga tih thin a ni. Vantlang kal tlang a mimal chanchin leh sum dinhmun te hriat theih nan a tih a ni.Vishing chu voice leh phishing inkawp a tang a lo chhuak a ni.
Invenna: Phone kaltlang in pawisa lam chanchin reng reng mi tu tih hriat chian loh hnen ah hrilh
loh tur, tu nge i biak a, company emaw bank a thawk emaw an ni ngei em tih i hrilh hma in i  hre chiang tur a ni.

2.Phishing
Phishing chu inbumna chi khat, mimal chanchin, an credit card number te, password te, account data leh thu pawimawh dang te ruk chhuah nan a siam a ni.
Invenna: Phishing email message i dawng ni a i hriat chuan chhang let suh ang che. Tunge a nih i hriat loh hnen a tang a inthlunzawmna i dawng a nih chuan lo zawm suh ang che.

3.Dumpster diving
Dumpster diving, thrashing an tih bawk hi social engineering a tan a an hman lar tak pakhat a ni a. Company thil hnutchhiah leh paih te awmhmun atangin thu pawimawh tam tham tak a lo lak theih a ni.
Invenna: Thu pawimawh ziahna paih mai mai loh tur, i paih hma in i tana tanglai tur thil a awm
em tih fiah hmasa ang che


4.Hoaxing
Hoax kan tih chuan thil nilo pui ni anga ngaihtir thei tura mi bumna hi a ni. Hei hian mimal a thlur bik a, mimal intih hmingchhiatna leh in tih mualpho tumna thil leh fiamthu thawh nana in hman te a ni thei a. A tuartu sum leh pai leh a thil hlu te neihsak tumna a ni. 
Invenna : I e-mail dawn i hriatchian loh chu ring mai lo la, tin i pawisa dinhmun hrilh lo la, an
ruksak theihna tur che remchang siam sak miah suh.


5.Pretexting

Pretexting chu thil thleng satliah mai mai avanga kan thuruk (a bikin sum leh pai) kan hrilh duh ngai loh turin thil engemaw (pawimawh hmel tak) phuahchawpa kan hrilh theih ngei na tura min bum tumna a ni a, dawt satliah mai a ni lo.
Invenna: Hmelhriat loh thenkhat mi bum tum reng, dawt awihawm tak phuahchawpa chumi  hmanga i thuruk hriat tum thinte lakah fimkhur ang che.


Awle, Engtik lai pawhin   bum tur zawng an awm teuh a,  mi tam tak  bumin an awm mek  reng bawk a. Social Engineering hmanga  buma kan awm lohna turin  mahni theih tawk theuh va kan inven fimkhur  hi  a pawimawh hle  a ni tih hre reng ang u.

Friday, 29 May 2020


POWER & ELECTRICITY
-Chhungpuia Renthlei

Power & Electricity khawvela  hming  dai ngailo tur Father of Electricity tih hial a koh, British scientist Michael Faraday-an kum 1830-aKawlphetha siamchhuah dan ahmuh chhuah atanga vawiin thlengin Industry hmasawnna avangin kan hmang tangkai telh telh a, tunah chuan a tello chuan kan khawsa theiloani ber mai. Kum 1879 khan Cleveland kawthlerah Electric lights (Brush arc lamps) chhit en ani a, hei hi khawvela Public street lighting hmasa ber a ni.Edison Electric Illuminating Company,New York ten Manhattan ah an chhi eng a.England rama Godalming khua ah 1881 September khan mipui vantlang tan Public street lighting an hmang tan a, hei hi England a  Khawvela Public street lighting hmasa ber a ni.Chenna in a electric lakluh hmasak ber chu kum 1882 a ni.

Thursday, 28 May 2020


GO DIGITAL
Er.Chhungpuia Renthlei

Press Trust of India Updated: Mar 21, 2020, 07.42 PM IST in a tarlan danin Covid-19 laka inven nan India ram chhunga Financial Service providers te chuan Digital transaction hmang uar turin mipui te min chah a. Lockdown avanga a nunphung khaihlak loh nan leh inbumna laka kan him nan cyber security infrasctructure an thuam tha sauh sauh bawk.
NSQF  mawlh hi
Er.Chhungpuia Renthlei 

Certificate in anglo a va tam ve?
Sorkar Approve ani em?
Hna dil nan pawm a ni em?
A tlukpui thiamna enge ni?
Entry qualification enge ni ang?
Enge zir zawm theih tur?
Sorkar funding in a zir theih em?

Heng a chunga mite hi hman atanga vawiin thlenga hna dilna hrang hranga Computer Certificate  leh skill development courses Certificate  chungchanga zawhna chhan sen loh kan neih a ni.University leh Technical Education  hnuaia Qualification  (MA,BA, BE, MBBS .e.t.c) te hi chu awlsam takin a hriatthiam theih mai a. Hetihlai hian Skill Development Agency (NSDA) hnuaiah skill development courses hrang hrang a awm teuh mai si. Heng te hi thalai hnazawng mek te tan sorkar hna mai bakah entrepreneur development lamah ngat phei chuan eizawnna siam saktu pawimawh tak a ni. Heng course  hlutna leh a tlukpui thiamna te hi hriat a tul hle.

Wednesday, 8 April 2020

SOCIAL MEDIA THU DIK LEH DIKLO HRIATNA
Social Media Awareness
-Er. Chhungpuia Renthlei.

Internet website leh Social media hrang hrangah mipui nunphung tikhaihlak leh timangmang thei  thu belhchian dawllo leh diklo(fake news) atam hle.Heng te hi Facts checking website hmanga a diklo leh dik loh finfiah zel a ni thin. Coronavirus pandemic kaihhnawih a pawh atam hle a, a then te chu thu dik hrula politics a inbeihna leh mimal intih hmingchhiatna anih laiin, mipui tihthaihna leh bumna hrim hrim atana siam a awm teuh bawk.

Friday, 3 April 2020


INTERNET -LOCKDOWN EFFECTS
Er. Chhungpuia Renthlei

Internet hi India ramah August15, 1995 khan Videsh Sanchar Nigam Limited (VSNL) ten mipui hman theih turin an tlangzarh a.Tunah hian National Internet Exchange of India (NIXI) hnuaiah Mumbai, Delhi leh Chenai ah Internet Server hmunpui kan nei.

30 January 2020  khan Kerela state a zirlai pakhat Wuhan, China Unversity a zirlai rawn haw chuan Coronavirus disease a vei a ni tih hmuhchhuah a ni a, hei hi India rama COVID-19 confirm hmasak ber a ni nghe nghe. Hemi hnuah Positive 500 dawn lai mai hmuhchhuah belh zel anih takah chuan Janata Curfew(mipui himna atana curfew) Sunday, 22 March  zing dar 7 atanga  zan dar 9  neih anih bakah 24 March zan atangin India ram pum Lockdown a ni.

India mipui1.3 billion zet kan inkhung zet chu Internet traffic a lun phah hle. Social distancing, quarantining leh isolation avangin mahni inah kan awm nasa a, Internet leh Social media kan hmang nasa hle. Official te chhut danin  January :1.6 million, February: 20.3 million March:500 million  laiin kan pung. Lockdown nikhat atangin total network traffic hi  chhun ah 70%, zanah 50% in a pungchho nghala. Khawvel pumpuia electricity hmanral 10% hi Internet hian a hmang. Khawvel pum huapah WhatsApp users ten kan hman tam lam phei chu 117–217%  in a chho nghal dawrh mai. India ramah  ringawt pawh WhatsApp hmangtu 40% laiin kan pung. April thla tang phei chuan 51% laiin kan pung.

India ramah Television, internet browsing & streaming  72% laiin a pung bawk. Lockdown vanga internet traffic sang lutuk chuan Kerala  a tibuai nghal a, Kerala sorkar  chuan internet service providers hnenah  internet speed  30-40% a tipung turin a hrilh hial bawk.Facebook, Twitter leh WhatsApp hmangtu ten kan hman tam lam a pung nasa hle, Lockdown hma aiin 87% zetin a pung. Lockdown hma khan Social media  hmangtu ten chawhrualin 150 minutes  hmang ang kan ni a, Lockdown kar khat chhungin chawhrualin 280  minutes  hmang ang kan ni a India mipui 75% zetin  nitin chawhrualin COVID-19 chungchang  inthawn nan  nitin darkar 4 aia tam hmang ang kan ni.

March 24 phei kha chuan COVID-19  chungchanga kan thu thawnkual ringawt pawh 22.3. million a tling hial. Tunah hian khawvel a Internet hmangtu zawng zawng hi Nuaih 4,520 (Approx) vel kan ni a,  Internet traffics hi nitin Nuaih 4,620 GB (Aprox) vel a ni bawk. COVID-19  vanga internet  service a khaihlak loh nan internet Service provider ten hma an mek .

Monday, 30 September 2019


SMART TECHNOLOGY 
IoT(Internet of Things)
-Er. Chhunguia Renthlei

Smart lam pum chu  Self-Monitoring, Analysis, and Reporting Technology a ni. Smart awmzia ber chu Computer anga  internet hmanga connect theihtura Internet Protocol (IP) Address nei leh atul apiang  rang taka buaipuitu( Processor) leh data dahkhawmna ( Storage media)  tha tak nei sawina a ni. Tin, smart device hian a huam zau hle a, wireless a thlunzawm(network) theih leh hmanraw pakhat atanga hmanraw danga  information in pektawn (Sharing) theih a ni bawk. Hei bakah hmun dang atanga hman leh thunun theih( Remote Access & Control) tura sensor  leh chhinchhiahna (Unique indentification) nei thlap  a ni bawk. 

Sunday, 29 September 2019

PMGDISHA
(khawvela digital literacy programme lian ber)       
-Chhungpuia Renthlei
Written on :20.Sept 2019

PMGDISHA:
Pradhan Mantri Gramin Digital Saksharta Abhiyan
A awmzia:
Prime Minister Rural Digital Literacy Campaign
Hmathlir:
IT lama Khawpui leh Thingtlang inkar zau lutuk tih tlem
 Project Cost:
Rs.2,351.38 crore

PMGDISHA hi India ram chhunga Digital Literacy lama khawpui leh thingtlang inthlau lutuk (Digital divide) nuaibona tura Digital India program hnuaia hmalakna pawimawh tak, thingtlang lama cheng chhungkaw nuaih 600(6 crore) te hnena digital literacy pawimawhna puanzar leh zirtirna pekna scheme lian tak a ni.

Friday, 20 September 2019

KHAWVELA ELECTRONICS  COMPUTER HMASA BER (ENIAC)
-Chhungpuia Renthlei

ENIAC chu !
Khawvel a electronic programmable computer hmasa ber ENIAC (Electronic Numerical Integrator and Computer) hi Indopui 2 na hun laia Physics thiam John Mauchly leh Engineer J. Presper Eckert te kaihhruaina hnuaiah an siam a. Senso zawng zawng hi U.S. Army experimental fund atanga pek vek a ni. ENIAC an siam hun lai hian tunlaia electronics hmanrua ang hi a la awm loh avangin a khawl pawh a lian hle a, a rih zawng ringawt pawh 27215.5Kg lai a ni. 1,800 square feet lai a awh nghe nghe.School bus  a park theih hial a ni. ENIAC  ah hian 17,468 vacuum tubes,70,000 resistors, 10,000 capacitors, 1,500 relays, 6,000 manual switches a awm a, a zawm khawm pawh a hautak hlei hmun 5 million laiah zawm khawm (soldered joints). Electrical power pawh a hmang hek hle a,tih nun nan ringawt pawh  174 kilowatts lai a mamawh. ENIAC hi a siam man a to hle a, US Dollar 500,000 lai a ni. Thil man to zel mila  an chhut danin kum 2010 khan US Dollar 6 Million lai ni

POWER & ELECTRICITY
-Chhungpuia Renthlei

Power & Electricity khawvela  hming  dai ngailo tur Father of Electricity tih hial a koh, British scientist Michael Faraday-an kum 1830-aKawlphetha siamchhuah dan ahmuh chhuah atanga vawiin thlengin Industry hmasawnna avangin kan hmang tangkai telh telh a, tunah chuan a tello chuan kan khawsa theiloani ber mai. Kum 1879 khan Cleveland  kawthlerah Electric lights (Brush arc lamps) chhit en ani a, hei hi khawvela Public street lighting hmasa ber a ni.Edison Electric Illuminating Company, New York ten Manhattan ah an chhi eng a.England rama Godalming khua ah 1881 September khan mipui vantlang tan Public street lighting an hmang tan a, hei hi England a Public street lighting hmasa ber a ni. Chenna in a electric lakluh hmasak ber chu kum 1882 a n

Wednesday, 28 August 2019

E PAYMENT HISTORY
 Er. Chhungpuia Renthlei

Pawisa chetvel dan
Computer guru an tih mai, English computer thiam hmasa Sir Tim Berners Lee – an kum 1991 a mipui vantlang tana World Wide Web server hmasa ber a buatsaih kha e-payment sulsutu pawimawh ber zinga mi kan ti lo thei lo ang. Kum 1994 khan Stanford Federal Credit Union first financial institution din a ni. Hei hi financial institution zinga online internet banking services ti thei hmasa ber a ni.

 Internet kaltlanga thil lei leh hralh ( Online marketing) hmasa ber hi hriat theih chinah kum 1994 a Pizza Hut hovin an thil siam a hralh kha a ni. E- Payment hmasawnna atana pawimawh tak pakhat chu online commerce hi a ni bawk. Kum 1979 kum daih tawh khan Michael Aldrich chuan Phone call kaltlanga sumdawnna technology a lo hmang tawh . A tirah chuan e-payment hi a awlsam lo hle. Kum 1995 a din Millicent te kha e-payment market hmasa te an ni . Tichuan, Kum 1996 ah ECash or Cyber
 CARD (Plastic Money)
Er. Chhungpuia Renthlei

CARD hi plastic money  tiin an sawi thin bawk. Card hi bank pekchhuah a ni a, card neitu hnena pekchhuah dan a zirin a hman dan  te pawh thliar hran a vek ni. ATM atanga pawisa lak chhuah mai bakah Petrol pump ah leh dawr thenkhatah Bank PoS (Point of Sales) khawl an neih tawh avangin mipui ten awlsam takin card kan hmang thei tawh bawk.

Aw le, tun tum chu Credit Card, Debit Card,  MasterCard, Visa leh  American Express chungchanga kan hriat tur tul zual  tawngkam mawl mang takin han sawi thuak thuak  ang  hmiang. 

Tuesday, 27 August 2019

DIGITAL LOCKER 
 Documents Anywhere AnyTime
 Er. Chhungpuia Renthlei

DigiLocker awmzia chu  India khua leh tui ten kan documents & certificates hrang hrang him taka internet server-a kan dahkhawl theihna leh electronics media hmanga origin documents & certificates min pek chhuah theihna tura Digital India  hnuaia India sorkar hmalakna pawimawh tak a ni.Prime Minister Narendra Modi chuan 1st July, 2015 khan a tlangzarh.

Monday, 26 August 2019


CYBER CRIME SCENERIO IN MIZORAM
-Er. Chhungpuia Renthlei
Technical Officer, NIELIT Aizawl

Mizoramah Cyber crime thubuai hi kum tina pung zel a. Cyber crime thlen chhan tam ber chu phuba lak nan emaw, hlimhlawp nan emaw, sum leh pai hlawhchhuah nan emaw tih a ni  tlangpui. Tin, hlimhlawp nan leh huat zawngte tihmualpho nan cyber crime hi tih a ni deuh ber a, pornography (saruak thla lak) leh copyright buaina a langsar hle bawk.

MIZORAM A CYBER THUBUAI ZIAH LUH HMASAK BER:
 Thudawn danin, Mizoram a Cyber Crime thubuai ziahluh hmasak ber chu May 20, 2009 kha a ni. Reverend pakhat chuan SP Aizawl hnenah FIR a submit a. He FIR-a a lan dan chuan mi tu tih hriat loh ten a Email Password (HOTMAIL) chu lo thlak sakin, a Email Account hmang chuan a thian hrang hrang mi engemaw zah hnenah; amah chu London a zina, a wallet ti bo vek leh Hotel Bill pawh pek tur nei tawh lo anga in sawi in, pawisa US Dollar 2500 chu Western Union kaltlanga puk tir turin an lo dil tih a hrechhuak a, hemi chungchangah hian action la turin Police hnenah a thlen. He thilsual tih tumtu te hi Foreigners (Nigerian) lam mi ni a hriat an ni nghe nghe a ni.
CYBER CRIME -TERMS  
-Er. Chhungpuia Renthlei

CYBER  : Cyber chu Greek tawng “Kubernetes” atanga rawn irh chhuak ani a, a saptawng chuan Cybernetics tih a ni a, hemi lamtawi hi Cyber tih chu ani. A awmzia tak  chu computer leh computer thlunzawmna computer network an tih sawi nana hman a ni.
CYBER CRIME : ICT hman khawlohna avanga dan bawhchhiatna  sual chi hrang hrang  sawina a ni.
CYBER CRIMINAL  :  Cyber Crime  titu te  sawina a ni.