BITS & BYTES
Er. Chhungpuia Renthlei.
July 2020 khan khawvela internet hmangtu te hi 4.57 billion lai kan tling.Tunah hian khawvelah mihring 7.77 billion kan awm a,4.57 billion te hi active Internet users kan ni.Hei hi khawvel mihring zawng zawng 59% lai a ni.Digital khawvelah data kan dahkhawm bakah kan in thawnkual nasa hle mai Digital Memory tam lam tehna te chu :
1 Bit = Binary Digit
8 Bits = 1 Byte
1024 Bytes = 1 Kilobyte
1024 Kilobytes = 1 Megabyte
1024 Megabytes = 1 Gigabyte
1024 Gigabytes = 1 Terabyte
1024 Terabytes = 1 Petabyte
1024 Petabytes = 1 Exabyte
1024 Exabytes = 1 Zettabyte
1024 Zettabytes = 1 Yottabyte
1024 Yottabytes = 1 Brontobyte
1024 Brontobytes = 1 Geopbyte
Engtiang a tam nge awm chiah le?
bit(b) :Digital memory te ber a ni. A lampum chu BInarydiT a ni.Digit khat 0 emaw,1 chauh a dah theih. Awmze nei taka signal hniam leh sang a ni ber e.
Byte(B) :1B ah hian 8 bits a awm.Harawp ( e.g A, B,C ) pakhat chiah a dah theih.Chawhrualin 10B ah hian thumal (word) khat vel a leng.
Kilobyte(1KB): 1024 bytes a awm.10KB ah hian thuziak 1 page vel a leng.Entirnan: Lehkhabu phek 200 a tam ziak ta ila.Phek khatah thumal 300 awm ta se, thumal pakhat hi hawrawp 6 vel theuh ni se. Lehkhabu ah chuan thumal 60,000 a awm ang a, character 360,000 a awm bawk ang. A vaiin 360,000 bytes a ni ang. Hei hi kilobyte a chantir chuan 351.56 KB a ni ang.Tichuan, lehkhabu phek 200 a tam chu digital khawvelah chuan 351.56 KB a ni.
Megabytes (MB): 1MB ah hian1024 KB a awm.1MB ah hian thuziak 400 pages vel a leng.5MB ah hian mp3 hla minute4 vel a leng.650 MB hian CD-ROM audio 70 minutes vel a tluk.Kumin 2020 hian second khat chhungin khawvela mi cheng pakhat zel hian 1.7MB zel information siam ang kan ni
Gigabytes (GB):1GB ah hian 1024 MB a awm.GB hi tunlai USB drives sizes standard measurement a ni.1GB hian 230 music tracks emaw, thlalak fiah tak (5megapixel photo) 600 lai a dah theih. 4.7 GB hian DVD-ROM disc a tluk.7GB hian darkar khat chhunga Ultra HD video kan en ang hi a tluk.
Terabytes (TB) : 1TB ah hian 1024 GB a awm.TB hi tunlai hard drive sizes standard measurement a ni.1TB ah hian minute 5 vel a sei hla 200,000 a leng.Milem (picture) 310,000 vel a leng. Movies 500 hours a sei a leng. Tunah hian facebook ah nitin 500TB vel hi dahbelh zel ang a ni.
Petabytes (PB):1PB ah hian 1024 TB a awma,million GB a leng. Mihring thluak hian1PB atam information a khawlkhawm theia chhut a ni.1PB ah hian thuziak pangngai 500 billion pages a leng.1PB ah hianTV program darkar 10,000 a rei a dahkhawm theih. Kumin January ni 1 atang khan chhun zan zawmin nitin chawl miah lovin nakum leh February ni 20 thleng TV en ngar ngar ta ila, heng TV program zawng zawng hi 1PB ah a khung khawm theih vek anih chu! 1.5 PB a hian facebook thlalak 10 billion a leng. Mobile phone network hian nitin 20 petabytes data a thawnchhuak thin.Google a nitin information lut leh chhuak hi 24 petabyte a tling.
Exabytes (EB): 1EB ah hian 1,024 PB a awm.Keini mi naran leh company tam zawk te chuan kan enghelh phalo.Data tam tak mamawh ho Amazon,Google,Facebook te hian EB hi an buaipui ber.1EB h hian 4K videos 11million a leng.Khawvela mihring tawng ri zawng zawng hi 5 EB vel a ni.Google hi data a khawl khawm zawng zawng hi 15 EB vel a ngaih a ni. Tunah hian nitin 1EB data vel hi internet ah upload zel ang a ni.
Zetttabyte (ZB): 1ZB ah hian 1024 EB a awm. DVD 250Billion zet a tluk. Mithiam te chhut dan in kum 2025 ah chuan khawvela data hi 175 zettabytes a tlin an ring.175 zettabytes hi internet connection speed sang tha takin download dawn ta ila, 1.8 billion years a rei kan download ang. Khawvel mipui zawng zawng hian in zat theuhvin download ta ila, ni 81 chhung kan mamawh ang.175 zettabytes hi DVD ah dahkhawl ta ila, DVD pakhat chungah a dang dah zel ila, DVDS intiangkhawm hian khawvel vawi 222 lai a vetchhuak thei ang.
Yattabyte (YB):1YB ah hian 1024 ZB a awm. Internet a data awm zawng zawng hi 1YB vel a ni.Internet speed sang tak high power broadband hmangin download dawn ta ila, kum 11 trillion zet a ngai ang. Tunah hian American organisations e.g NSA leh FBI te chuan information dahkhawm nan an hmang.
Brontobytes (BB) :1YB ah hian 1024 YB a awm.Digital universe of tommorrow tiin an vuah. Khawvel a Network company lian Cisco te chuan kum 2020 ah hian hman theih an beisei.
Geopbyte(GeB): Digital khawvela data tehna lian ber a ni.1GeB ah hian 1024YB a awm. Geopbyte hi tunah hrih chuan theory chauh a la ni ber e.
No comments:
Post a Comment