HLAWHTLINA
-Er. Chhungpuia Renthlei

Zirlai hlawhting ve theilo bik riau a inhria in i beidawng thin em? Hei hi han ngaihtuah teh le.
Mihring pangngai tawh phawt te chuan

Kan LU ah THLUAK tha tak kan nei.
Kan KUT leh KE ah thahrui chak tak kan nei.
Kan THINLUNG ah chhia leh tha hriatna fing tak kan nei.
Kawng min kawhhmuhtu ZIRTIRTU kan nei.
Kan thiam loh zir tur ZIRLAIBU kan nei.
Khawvel tukverh thlirna tur SOCIAL MEDIA kan nei.

Kan mamawh min petu CHHUNGKUA kan nei.
Min tanpui tur THIAN THA kan nei bawk a.
Kan thlarau nun kaihruai turin BIBLE kan nei.

Heng te hi HLAWHTLIN nan a tawk em em.
Kan phak tawk eng hna pawh thawk ila.
PATHIAN tih chunga kan theihna zawng zawnga
TUMRUHNA leh THAHNEMNGAI nen
TAIMA taka thil kan tih phawt chuan
Kan duhthusam ang ni phalo mah ila.
HLAWHTLINNA kan nei ngei ngei ang.

PIANGSUAL
-Er. Chhungpuia Renthlei

Piangsual kan tih mai thin te hi taksa pian mak tak emaw, an hnathawh tur ang pawh thawk theilo a pianphung danglam te hi a ni thin. Langsar taka hmuh theih kut leh ke piangsual te ai hian hmuh theih loh thinlunglam piangsual hian harsatna a thlen fo thin. Piangsual tih in hre miah silo hian kan lo piangsual reng em le?

Kan tana tangkai tur thurawn tha tak tak kan ngaithla theilo anih chuan kan BENG a piangsual a ni.
Ngawih huna kan tawng reng si a, tawng huna kan ngawi tlat thin chuan kan LEI piangsual a ni.
Hlim hmel pu thei reng reng lo kan nih chuan kan HMEL a piangsual a ni. 

Midang tlin lohna kan hmuh theih viau laia mahni tlin lohna kan hmuh theih loh leh tlat si chuan kan MIT a piangsual a ni. Thil tha lo lam kawng zawh a a ke kan pen fo laia, thil tha tura ke kan pen peih loh tlat si chuan kan KE a piangsual a ni. 

Kut pahnih kan neih te hi keimahni tan leh midang tanpui nan a kan phar chhuak theilo anih chuan kan KUT a piangsual a ni. Rilru zim, midang hriatthiamna neilo leh a chhe lam ringawt ngaihtuah mi kan nih chuan kan RILRU a piangsual a ni.

Ka buai lutuk, hun ka nei lo
-Er. Chhungpuia Renthlei

 He tawngkam hi kan hriat zin pawl tak a ni ngei ang. Enge maw tih tur han sawi dek dek ila, Ka buai lutuk, hun ka nei lo tih hi kan hre leh thin.Tu te pawh hian kan tana tangkai leh tha tur ni a kan ngaih atan te leh kan duh zawng tih atan chuan hun kan pe thei vek mai. Indaih lo hle mahila kan nuam tih zawng, hmingthatna leh ngaih pawimawh tak mite tan chuan hun tlem tal kan pe thei thin.

HRING NUN  CHEMISTRY
-Er. Chhungpuia Renthlei.

 Chemistry hi thil sakhat pianphung (mass) nei ten environment thar an dawnsawn (react) dan emaw, thil dang nena an inchawh pawlh (mix) hnu a an nihphung thlaka thil thar (New substance) lo pian dan zirna science peng pakhat a ni.

 Kan hringnun hi chemistry ang a ni a, tupawh mai hi chemical ang mai kan a ni. Kan chenna khawvel hi Experimental Laboratory room zau tak ang a ni. Nitin kan la tawn ngai loh kan tawng a, kan thinlungah chemical reaction a awm reng thin. Kan mamawh hrang hrang hmangaihna nena chawh pawlh (mix) a min chawi liantu nu leh pa te hi khawvela chemistry thiam ber an ni an ti.

 Thil eng pawh kan chungah lo thleng se, thil thleng (Subject) leh a thlentu (Object) kan dawnsawn (React) dan a in ang vek lo thin. Kan chunga thil thleng te hi a tha zawng a dawngsawng (React) thiam thei tura hringnun chemistry kan thiam a ngai ani ber mai.

Engemaw hleka kan thinurna so sang thin hi insumtheihna chemical nen pawlh dal (Dilute) ila, Hun kal tawh engemaw thil vanga midang huatna thinlung kan neih te hi inrem duhna chemical hmangin tithamral (Evaporate) ila, Kan tih tur leh tih loh tur thliar hrang (Filter) thiam ila. Chapona leh midang aia tha ni a kan inhriat tlatna thinlung sak hi tlawmna meisa in chhuangso (Boil) ila. A tawpah hlimna leh inremna lung (Crystal) mawi leh tlo tak a rawn chhuak ngei ang.

 Hringnun Chemistry ah tihdanglam theih loh engmah a awm lo, rilru sak (matter) ber pawh nise, danglam duhna temparature a san tawk phawt chuan a lo tui a, subtance dang nen a in mix a, chemical reaction a awm a, a pianzia a thlaka a thil thar a rawn piang thin. Kan duhna temparature a sat tawk phawt chuan kan mizia te hi thlak danglam theih vek a lo ni.

BITS & BYTES

Er. Chhungpuia Renthlei.

July 2020 khan khawvela internet hmangtu te hi 4.57 billion lai kan tling.Tunah hian khawvelah mihring 7.77 billion kan awm a,4.57 billion te hi active Internet users kan ni.Hei hi khawvel mihring zawng zawng 59% lai a ni.Digital khawvelah data kan dahkhawm bakah kan in thawnkual nasa hle mai Digital Memory tam lam tehna te chu :

1 Bit = Binary Digit
8 Bits = 1 Byte
1024 Bytes = 1 Kilobyte
1024 Kilobytes = 1 Megabyte
1024 Megabytes = 1 Gigabyte
1024 Gigabytes = 1 Terabyte
1024 Terabytes = 1 Petabyte
1024 Petabytes = 1 Exabyte
1024 Exabytes = 1 Zettabyte
1024 Zettabytes = 1 Yottabyte
1024 Yottabytes = 1 Brontobyte
1024 Brontobytes = 1 Geopbyte