(India Online OPD lian ber bihchianna)
-Er. Chhungpuia Renthlei
eSanjeevaniOPD (Stay Home OPD) hi Digital India programme hnuaia medical lama a hmalakna pawimawh tak, internet kaltlanga doctor biak rawn theihna digital platform a ni. Centre for Development of Advanced Computing (C-DAC) ten India mipui a duh apiang tana August 2019 a siam. Damlo leh Doctor te tan Web-based National Teleconsultation Service tangkai tak a ni.
Telemedicine services chi hnih Doctor leh Doctor inbiaktawnna (eSanjeevani) leh Patient in Doctor a biak theihna (eSanjeevani OPD) Tele-consultations a awm. eSanjeevani OPD hi Covid 19 vanga lockdown laia damlo ten internet hmanga awlsam taka doctor an biakrawn theih nan Union health ministry in April 2020 khan an hmang tan.Tunah hian damlo nuaih 2 dawn laiin an hmang mek. Mizoram State’s sorkarin health department in doctor panel a thu tur a ruat fel hun hunah keini pawhin kan hmang ve thei ang.
Mamawh te
1.Computer /Laptop/ Smartphone.
2.Web cam leh Microphone tha tak.
3.Chrome/Firefox.
4.Internet chak tha (A tlem berah 1Mbps )
5.Doctor panel a thu tur
A hman dan
1.In Register rawh
Computer i hman chuan https://esanjeevaniopd.in ah lut rawh.
“Patient Registration” Section ah lut rawh. Mobile i hman chuan Software install rawh. https://play.google.com/store/apps/details?id=in.hied.esanjeevaniopd .
Mobile number type lut la,OTP hmangin verify la, Patient Registration Form fill up rawh.
( Register hnuah patient’s name, age, gender, email / mobile leh address chauh kan tidanglam thei. Dik tak leh fimkhur taka fill up tur.)
2.Patient ID &Token lak tur
Generate Patient ID & Token tih ah khan click rawh. SMS hmangin ID (16 Digits) &Token i dawng ang. Patient’s ID hi kan tidanglam thei tawh lo.Token erawh OTP ang deuhvin a thar zel kan dawng ang.
3 Login rawh le
Patient Login ah click la, ID & Token hmangin login rawh Dashboard a rawn lang ang.Doctor clinics waiting room ah i awm ta.
4.Nghak phawt rawh
Doctor a thu em?Mi engzatin nge nghak? i hmu thei ang.Doctor a awm chuan i hun thlen hun nghak rawh le.Nghah hun rei zawng hi midang tam leh tam loh a zir a ni mai.
5.Doctor be rawh le
Kan awmna State’s health department in doctor panel a thu tur an ruat zinga pakhat chauh kan be thei ang.I hun a rawn thlen chuan Call Now button kha a rawn nung(Activate) ang. Minute 2 chiah click na hun i nei.I click hman lo anih chuan a bul atanga i nghah leh a ngai ang. Click vat tur a ni.
Video call hmangin doctor i be thei ta. Internet speed tha tak i neih chuan hlawhtling takin doctor nen in inbe thei ang. Computer i hmang anih chuan camera leh microphone tha tak i neih a tul. Mobile i hmang anih chuan internet speed tha tak i neih a ngai.
6. ePrescription save rawh
In inbiak zawh ah SMS/ email in doctor prescrip tion report (pdf file) i dawng ang. Save rawh.
Mizoram mipui ten kan hmang ve thei em?
Aw, thei e. Mizoramah chuan Chawhnu dar 2 -4 inkarah kan in entir thei.
Doctor rawn theih te:
Monday
Medicine OPD
Tuesday
Gynaecology OPD
Wednesday
Pediatrics OPD
Thursday
Surgery OPD
Friday
Oncology OPD
https://esanjeevaniopd.in/Timings ah hian state tin te hun bithliah tarlan a ni. Tih danglam thin anih vangin Doctor rawn duh ten hei hi en hmasak zel a tha. Timing siam ang hian Mizoram State’s health department in doctor panel a thu tur a ruat ve ngei turah ngai phawt ila. eSanjeevani OPD ah hian pawisa chawi a ngailo.Network ah leh doctor allotment ah kan sorkarin hma a lak chak chuan kan la tangkaipui hle ang.
Hrechiang duh tan
https://esanjeevaniopd.in/FAQS
User Guide for citizen https://esanjeevaniopd.in/assets/images/login//userguide_patients.pdf
No comments:
Post a Comment