WELCOME TO CHHUNGPUIA RENTHLEI BLOG

MIHRING LEH COMPUTER
-Er. Chhungpuia Renthlei

KAN IN ANNA:
Computer hian mihring a ang ve hle. Pawnlama kan landan ai maha chhunglama kan rilru put hmang a pawimawh zawk ang hian computer pawh hi a landan rinawt aiin a chhunga sofware awm hi a pawimawh zawk fo. Hmeichhia ang maiin uluk leh duat taka enkawl a mamawh a.A enkawltu a zirin thil tha a ti a, thil sual pawh a ti thin. Sipai rinawm tak angin thu petu thu a zawm mai thin.

In kungkaihna tha tak hnuaia thian zaho ten kan duhzawng kan in share tawn ang mai hian network tha tak hnuaiah computer hrang hrang ten an mamawh thu pawimawh an in thawn tawn thin. Mihring ten natna hrileng kan inkaichhawn ang hian computer ter pawh hian virus an inkaichhawn thin. Tha hrui ngah leh chak tha zawk chuan hna kan thawk tam bakah kan thawk rang ang hian computer pawh configuration sang zawk nge nge chuan hna a thawk chakin a thawk tam thei thin. 

KAN DANGLAMNA: 

Mihring te ang bawkin computer hian mihring angin thil tisual ve fo thin mahse, a thil tihsualah computer dang a mawhpuh ve lova, a sawichhe ngai heklo. Keini mihring te chuan thil kan tihsual engemaw hlekah chhuanlam kan zawnga, midang mawhpuh tur kan zawng fo thin. Computer erawh chuan thil fello a awm apiangin amah a thil diklo (Bug) awmah angai mai a, a check a, a hmuchhuak a, a siamrem mai thin. Keini erawh chu dik leh fel berah kan ingai a, chuan kan diklohna kan check duh loh fo avangin thil hote pawh kan siamrem theilo thin. Heivang hian a tira buaina leh harsatna awlsam taka siamrem theih pawh hun a kal zel a buaina namemloah a changa chhungkaw network a buaia, khawtlang kan network a chhe nghal a , a tawpah ram leh hnam a buai thin.


CENTRAL IDEA:
Keimahni dik tlat a inngaia, midang kan mawhpuh tlat thin avang hian kohhran leh NGO kaltlangin in chinfel tum thin mahila, a sawt silo.Buaina leh harsatna engemaw a lo thlen hian Computer angin mahni theuh in check ila, insiamrem ngai a awm chuan insiamrem ila, tuna kan buaina tam zawk hi chu a kiang ngei ang!