WELCOME TO CHHUNGPUIA RENTHLEI BLOG

2-WHEELER  VS  RINGTU NUN

Er. Chhungpuia Renthlei

Rinna hi thlarau thil riau in lang mahse, han bihchian tak tak chuan he khawvela ringtu nunphung hi 2-Wheeler a chuang ang mai kan lo ni e. Ke pahnih chauh a neih avangin a khalhtu tello chuan 2-Wheeler hi tawite pawh a kal theilova a tlu zel thin. Pathian rinna (Balance) neilo te erawh chu reilo teah an tlu thin. A khalhtu in Pathian englai pawha Pathian rinna(balance) aneih tlat erawh chuan mak tak maiin tlu hauh lovin rinna in an kal thei si.Kut pahniha a STEERING kan vawn reng atul thin ang hian ringtu ten kawng dik kan zawh theihna turin Bible englai pawha kan vawn reng angai thin. PETROL tellovin 2-Wheeler a nung theilo ang hian tawngtaina tello ringtu nun chu thi ang mai a ni.

2-Wheeler kalna kawngpui hi ringtu nunkawng ang a ni. Kawng chho leh bumboha kan kal laia GEAR lian kan hmang ang hian, ringtu ten harsatna kan tawh laiin fianrial tawngtaina kan hman tam atul thin. 2-Wheeler ke (WHEEL) hi hnung zawngin a vir ngailova, hmalam pan chauhvin a vir thin. Ringtu dik tak nun(Wheel) hi a hnungtawlh ngailova, rinna in hmalam a pan zel thin. 2-Wheeler kan khalh laiin englai pawhin petrol a kang(burn) reng thin. Ringtu te pawh englai pawhin thlarau thianghlimin min chen chilh reng thin. A tul hun apianga kan dinna tur leh kal kal chak lutuk tur ven nana BREAK kan rap thin. Ringtu te hian kan tuina zawnga kan kal chak lutuk tur ven nan kohhran inkaihhruaina in min phuar thin. Kal chak tura ACCELERATOR kan pump ang hian ringtu te kan inpawl khawm thin.

Kan kal tumna hmun kan thleng tura kawng chhuk chho leh bumboh kan paltlang thin ang hian, ringtu te pawh hian kan tum ram VANRAM thlen hma loh chuan harsatna leh thlemna kan paltlang a tul thin. 2-Wheeler khalh thiam ho hian taksa pianphung, kut leh ke ah danglamna engmah nei bik lovin, khalh thiamlo te tisa inang pu vek kan nia, mita hmuh theih loh Balance avanga khalh thei mai kan ni zawk. Ringtu te pawh hian felna leh that bikna kan nei bik hauhlova, mita hmuh theih loh Isua Krista kan rinna avang chauha chhandamna chang kan ni zawk. 2-Wheeler kan khalh laia uluk taka kan kalna tur kawng kan en a tul thin ang hian, ringtute pawh hian englai pawhin "Isua in engtinge a tih ang?" ti chunga rinna mita ISUA kan en reng atul thin.

Kawng harsa leh bumboh ah chauh lo pawh petrol kan mamawh hian, harsatna leh manganna kan tawh hunah chauh lo pawh ringtute Pathian hnena tawngtaifo kan mamawh thin. 2-Wheeler khalhtu ten tlu lova tluang taka kan thlen tumna kan thlen theih theih nan englai pawh a balance nghet tak neia steering a kut nghat tlata hmalam en chunga kan khalh atul ang hian, ringtu te hian kan thlen tum ram "Vanram" kan thlen theih ngeina turin englai pawha Pathian RINNA nen BIBLE a kut nghat tlata ISUA en chunga kan hringnun kan hman a tul thin.