WELCOME TO CHHUNGPUIA RENTHLEI BLOG

WHATSAPP MESSAGE ZIN KAWNG 
-Er. Chhungpuia Renthlei

Writtten on :Dated 15/42019)

WhatsApp hian Message kan inthawn nan Store & Forward Architecture a hmang, Message kan thawn apiang hi WhatsApp server ah a in save phawt a, a thawn chhuak leh thin. A rei berah ni 30 chhung temporary a dah a ni. A dawngtu tur ten an dawn veleh Server atanga delete nghal zel a ni.Message te hi a dawngtu tur te chauhvin an chhiar leh dawn theih tura dah a lock nghal vek a ni. Hei hi end-to end encryption an vuah. Hei vang hian WhatsApp siamtu te pawhin an chhiar thei chuang lo.

WhatsApp message  kalkual dan  entirna nen han sawi ang aw.

(WhatsApp message Sanga hnenah kan thawn dawna, hetiang hi a kal dan a ni.)

WhatsApp kan open a, Sanga hnena thawn tur message kan type a, send button kan click a. Sanga chauhvin a chhiar theih turin WhatsApp chuan a lo siamrem a, a lock nghala.Network problem avanga message kan thawnchhuak theilo anih chuan kan phone Local WhatsApp database ah a in save ang a, kan message box ah tick mark a lang lo ang.

Harsatna a awm loh chuan, kan Message thawn hi WhatsApp chat server chuan alo dawng a. Keimahni ID, Permission, leh Security thil tul hrang hrang i.e SMS(Text, Emoji) hi 65536 character aiin a tam tur a nilo. MMS hi 16 MB aiin a lian tur a nilo.Sanga hian min block leh block loh e.t.c.  a check a.

Engkim a OK chuan, SMS (Text, Emoji) hi WhatsApp chat server ah a save a. Multimedia messages (MMS)- Audio, Video, or Image, File e.t.c hi HTTP server ah a save a.WhatsApp chat server chuan kan message tha taka a dawn thu Receipt Acknowledgement (ACK) min rawn thawna.Kan message box hnuailam sir dinglamah a dawn hun nen Single tick mark arawn langa.

Server chuan User Database ah Sanga ID a zawng nghal a. A hmuh veleh Sanga in online leh online loh a check leh a.Sanga a online anih chuan SMS (Text, Emoji) te a thawn phawta, MMS a awm chuan Sangan a duh dan a zira a content a en emaw, en kher lova a delete nghal theih turin thumbnail Shortcut pointer chauh thawna.Tin, Sanga a offline anih chuan ni 30 thleng Sanga  online leh online loh server chuan a check renga, a online hun hunah a thawn nghal a,Sanga hnen a thlen veleh message a delete a. WhatsApp chat server chuan kan message tha taka Sanga hnena a thawn thlen  thu Sent Acknowledgement (ACK) min rawn thawn leh a. Kan message box hnuailam sir dinglamah a thawn hun nen  Double tick mark arawn lang, MMS hi a size a len zawk vangin athleng hnu hnung thin a, a chang chuan kan network a zirin SMS(Text, Emoji) chauh a thleng thin bawk. Message hi arei berah ni 30 chhung chauh Server ah save theih anih vangin hemi chhunga Sanga a online loh chuan message hi a dawng lovanga, Double tick mark pawh kan hmu lo vang.

Sanga chuan  inbox a hawn veleh (kan message a chhiar emaw, chhiar lo emaw) WhatsApp chat server chuan Sangan kan message a en thu Read Acknowledgement (ACK) min rawn thawn leh ta a. Kan message box hnuailam sir dinglamah inbox a hawn hun nen Double tick mark  kha Blue Color in arawn inthlak ang. Tichuan, Sangan kan message a hmu tih kan hre thei ta.

Group Message vethung hi?

WhatsApp Group huam chhunga kan thu thawn kaldan pawh tuna kan sawi ang tho hi a ni.

A danglamna chu Message hi  Group member tan Public /Share Message a ni a, server database a group inbox ah save a ni.Group member nilo tan en theih a ni lo.WhatsApp  Server  hian security setting & permission   hmanga Group control theih turin Group Creator  thuneihna a pe a.Creator hian Administrator  te hnenah tul a tihdan a zirin thuneihna a pe ve leh a. Administrator  ten Member te hnenah  atul angin thuneihna an pe ve leh bawk. activity te hi mumal takin  group database ah record a ni.Group Admin chauh message thawn theih tura set anih chuan member ten kan thawn thei ve lo.

Aw le, Awlsam taka WhatsApp message kan thawn emaw tih lai  hian process tam tak a awm bakah, security tha tak nen WhatsApp server in hna tul ang ang a thawk bawk a. Server leh signal speed te hi a chak em vangin second tlem te chhunga a thawh zawh vek avangin engmah kan hre lem lo anih hi.WhatsApp tellovin kan awm thei meuh tawh lo a ni ber mai. Khawvel hmun hrang hranga WhatsApp hmangtu maktaduai 900 zet ten messages mataduai 50 vel zeta atam nitin kan in thawn mek. Security system pawh an siam belh zel a ni.

Keini mizo te phei chu a uar ber te zinga mi kan ni. Group hrang hrang a kan awm teuh phei chuan englai pawhin message kan dawng reng a, Picture /Video te hian Data a heh a, network a ti jam nasa thin hle. A khat tawka kan clear zel loh phei chuan phone timuang khawpin a hnawk tham thin. Heivang hian, Picture / Video tellova message pangngai fel fai taka SMS (Text, Emoji) a inthawn uar ila, server tan leh kan phone tana tha a, pawisa kan seng tlem zawk bawk ang.