WELCOME TO CHHUNGPUIA RENTHLEI BLOG

MOBILE PHONE CALL ZIN KAWNG
( Mobile hriatzauna : 2G GSM network Phone Call)

  

-Er. Chhungpuia Renthlei

(Written on :Dated 10/4/2019)

Awlsam taka Mobile hmanga kan in call hi han bihchian chuan a kal kawng a lo thui hle mai. Mobile hmanga Kan inbiak theih nan Mobile network khawl engemaw an inthlunzawm veka, hna pawimawh hrang hrang an englai pawhin thawk char char a. Pakhat lek pawh a chhia anih chuan mobile kan hmang theilo tihna ani.

Mobile phone call ah hian process tam tak Mobile network khawl ten an tih tur a awm a. Tum khata sawi vek sen a nih loh vangin chhiartu ten kan hriat thiam theih nan, technical  harsa lutuk sawi tel lovin, general takin a pawimawh zual chauh tawi te in han sawi thuak thuak ang aw:

1. Mobile  kan switch on veleh Mobile tower kan tih mai, base station (BS) / Base Station Transceiver (BST) hnai ber nen radio wave hmangin "time air interface" in an in thlunzawm nghala. Duh hun huna mobile kan hman theih nan kan mobile chuan channel dilna request athawn a.

A awm loh chuan signal kan neilo tih hriat nan No signal emaw, Signal indicator a blank ang.  Channel awl a awm  chuan kan mobile leh tower signal control tu Base Station Controller inkarah traffic channel ruahman a ni anga, signal indicator pawh kan hmu a ang.

2. Kan mi biak duh number kan dial veleh kan mobile phone chuan Mobile tower (BS) ah calling request a thawn nghala.

2.Mobile tower (BS) chuan kan calling request hi kan hnaih ber tower signal control tu _Base Station Controller (BSC) a thawn ta a.

3.Base Station Controller (BSC) chuan a hnaih ber Mobile network controltu Mobile Switching Center (MSC) ah athawn chhawng leh a. MSC hi  Mobile network hmunpui ber leh kan mi biak tur hmun hrang hrang a mi te hnena signal hlan chhawngtu a ni.

4.Mobile Switching Center (MSC)  chuan SIM Card activate laia kan phone no in register na hmun Home Locator Register(HLR) ah a thawn chhawng leh a. HLR chuan phone call thei tura kan balance neih dan te, kan awmna hmun te a lo check fel a. A check zawh veleh MSC hnenah information a pe leh a.

5.MSC chuan a lo check leh a, balance tlem vang leh chhan hrang hrang vanga call theih loh anih chuan BSC hnenah Call a remchan loh thu a thawna, BSC chuan BTS ah a thawn chhawng leh a. BTS chuan kan Mobile ah a rawn thawn nghal a. Call signal tih a tawp a. Call can not be completed / Your balance is low e.tc tih te kan dawng thin.

6. Kan Call thei anih vethung chuan MSC chuan call reguest  HLR hnenah a thawn leh a. HLR chuan  kan call tur subscriber zawng nghal a.HLR hian database fel tak aneih avangin khawvel hmun hrang hranga subscriber te awmna te, a control tu MSC te leh mobile network an neih leh neih loh thlengin a hre thei vek a.   

7. Kan call tur awmna hi kan bul hnai mai ami anih chuan awlsam takin a hmu nghala, MSC hnenah a hrilh nghal a. MSC chuan kan mobile leh kan biak duh mobile chu air link hmangin network connection min  pe a.

8.Kan biak  tur awmna hi hmun dang daih a mi anih vethung chuan HLR chuan kan call tur  control tu MSC a zawng leh phawt a, ahmuh veleh  calling request a thawn a. MSC chuan kan biak duh awmna hnai ber Mobile tower control tu (BSC)  ah calling reguest a thawn leh a. BSC chuan calling request chu a huamchhung Mobile towe Base Station) ah a thawn chhuak leh a. Kan biak duh awmna hnaih ber Mobile tower chuan kan biak duh mobile ah signal a thawn chhawng leh a.

10. Engemaw avanga  biak theih loh an nih erawh chuan, kan biak tum te HLR chuan call theih loh thu MSC controller a thawn chu kan mobile ah a rawn thleng leh a anga  Subscriber is currently busy / In coming call facility is not available / I biak tur phone no hi a awm lo e.t.c tih thu kan dawng  thin.

11. Harsatna a awm loh chuan MSC chuan kan mobile  leh kan biak duh mobile chu air link  hmangin network connection min pe a, kan biak duh mobile ah  calling signal  a lut a, calling ringtone a ri thin.Keini pawhin dial tone kan hre nghal bawk. Tichuan, call a lak veleh  kan inbe thei ta a. Call timer pawh a nung nghal.

12. Kan inbiak zawh veleh Call signal tih tawp a ni a, call timer a tawp nghal a, kan hun hman rei dan leh kan mi biak tur awmna hlat dan a zirin Billing Server chuan bill a siam nghal a. HLR hnenah billing message a thawn a. Tichuan, SMS in kan call rei zawng te, pawisa hman ral zat te leh balance kan la neih zat te kan lo dawng ta a ni.

Kan inbiak laklawh laia harsatna a awm chuan call a tawp emaw, tawp si lovin tawng ri kan hre thei lo thin.Tawng ri hriat theih si loh va call a la kal reng emaw, in biak zawh tawh hnuah pawh  a tu ve ve pawhin call ti tawp lova phone kan dah chuan in be tawh lo mahila, phone hmang reng ang  kan la ni tho a, Call timer a kal tho dawn.Bill kan chawi teuh mai ang. Phone hman zawh a call button off hi theih nghilh loh a tul.

Aw le, Awlsam taka mobile kan hmang emaw tih laiin a kal kawng a thui hle mai. Mahse, mobile network khawl te hian heng hna hrang hrang te hi second khat pawh tling lovah an thawh zawh hman vek avangin keini chuan engmah kan hre lemlo anih hi.

Chipchiar zawk a sawi tur tam tak awm mahse, a thui dawn lutuk e, tun atan chuan duh tawk phawt mai ang aw.