WELCOME TO CHHUNGPUIA RENTHLEI BLOG

MOBILE NETWORK HMANRUA TE 
-Er. Chhungpuia Renthlei 

(Written on : Dated 10/4/2019)

Awlsam taka Mobile hmanga kan inbiak theih nan Mobile network khawl engemaw zat a awm a. Heng te hian   hna pawimawh hrang hrang an  englai pawhin thawk char char a. Heng khawl zawng zawng te hi an inthlunzawm veka, pakhat lek pawh a chhia anih chuan mobile kan hmang theilo tihna a ni ber mai.

Mobile network ah hian khawl pawimawh tak tak a awm a, tum khata sawi vek sen a ni lo ang.  A pawimawh zual 10 chauh  tawi te te in han sawi thuak thuak ang aw:

 1. Base Transceiver Station (BTS) : Hei hii Mobile tower  tiin sawi mai ang.  Englai pawhin  kan Mobile ah signal min rawn thawn tu leh  mobile kan hmanna zawng zawng a pawimawh hmasa ber a ni.

2. Base Station Controller (BSC) : Hei  hi mobile tower control tu a ni. Mobile hmantu tam dan   leh tower awmna azirin BSC hi  tam tak a awm a, an awmna  hnaivaia Mobile tower engemaw zat an enkawl a, an in thlunzawm vek bawk.

3. Mobile Switching Center (MSC) : Hei  hi Mobile network hmunpui ber  leh  kan mi biak tur hmun hrang hrang a mi te hnena signal hlan chhawngtu  a ni. BSC hi tam tak a awm a, an awmna hnaivaia Base Station Controller engemaw zat an enkawl a, an in thlunzawm vek bawk.

4. Home Location Register (HLR) : Hei hi Mobile subscriber database parmanent a dahkhawmna server a ni. HLR hi tam tak a awm a, an awmna hnaivaia Mobile subscriber database tam tak an enkawl. He database ah hian Home Contry Code, Network Operator Unique ID, Phone No, PhoneTarrif leh information pawimawh tam tak a awm.Mobile phone nei thar ten SIM card thar kan tih nun emaw, Mobile kan hman lai mek a SIM Card thar kan vuah apiang hian HLR ah kan database a in update thin. Tin, SIM Card nungsa kan hmang anih chuan keimahni hming nilvin, SIM Card tih nun na atana an hming  hman  khan database ah a awm thung ang.

5. Visitor Location Register (VLR): Hei hi temporary a Mobile subscriber database dahkhawmna server a ni. kan Home Location Register atanga hla taka kan awmna hmun kan sawn apiang hian   kan hnaih  ber Visitor Location Register ah kan Home Location Register  a kan information pawimawh te a in copy thin.

6. Billing Server:  Hei hi Mobile kan hman apianga bill siamtu a ni. Kan hman rei dan leh kan mi biak tur awmna hlat dan a zirin Billing Server chuan bill a siama. Tichuan, SMS in kan hman rei zawng te, pawisa hman ral zat te leh balance kan la neih zat te min thawn thin.

7. Power Backup : Hei hi mobile network khawl englai pawha tinung tura power petu a ni. Power a khaihlak  vaih chuan Mobile kan hmang thei lo a ni mai. Hei vang hian englai pawha  power nei tura vil uluk a tul hle.

8. Optical Fiber Cable (OFC) :  Mobile  network  hi  wireless  vek a ni lova, keini mobile hmangtu te leh Tower inkar hi hi  wireless  a ni mai a,  khawl hrang hrang te hi  OFC  hmanga thlun zawm Wire network a awm teuh a ni. A tlangpuiin OFC te hi lei hnuaiah phum bo vek a ni.

9. Power Grid:  Electric hrui kalna ban sang tak tak, mi tam berin   electric  hrui thlunna chauh atan chauhva  hman emaw kan tih hi  Mobile network OFC  atan an hmang. Hmun hla tak phai lam atanga Mobile hrui leh mizoram hmun hrang hrang a Mobile tower thlunzawmna a ni. A tlangpuiin Mobile Operator hrang hrang Airtel, Aircel, BNSL, Reliance, Jio, Voda e.t.c te hian an in hman tawm thin.

10. Gateway: Hei hi Mobile signal leh internet phai lam atanga kan lakna cable  pawimawh ber a ni.  Internet service provider emaw, Mobile Operator hrang hrang te hian an in hman tawma, heta tang hian an mahni subscriber te hnenah an sem chhuak leh thin. Gate way  hrui hi a chhia anih chuan computer emaw, Mobile emaw hmangin internet  kan nei lo ang.

Aw le, Heng te hi Mobile network hmanraw langsar zual te chu a ni a, heng bakah hian  hmanraw dang hrang a la awm teuh mai.  A remchan dan azirin khawl thenkhat te hi an in hman tawm thin mahse, a tlangpuiin Mobile Operator hrang hrang Airtel, Aircel, BNSL, Reliance, Jio, Voda e.t.c te hian tuna kan sawi Mobile network khawl te hi an nei hrang vek a. Hei vang hian Kan SIM Card hman azirin kan network dinhmun pawh a danglam viau thin.

Sawi tur tam tak awm mahse, a thui dawn lutuk e,  tun atan chuan duh tawk phawt mai ang aw.