WELCOME TO CHHUNGPUIA RENTHLEI BLOG

FYND ONLINE SHOPPING
(e-Commerce hriatzauna)

Er. Chhungpuia Renthlei

(Written on : 2/2/2019)

Your friend Chhantei has credited Rs. 1,000 to you on Fynd.

Use code FT0VB9 to redeem.

Download App: https://go.fyndi.ng/100k

Tih ang chi  SMS hi February  thla tir vel khan  kan dawng nasa hle mai.Hemi rawn chhuahna  bulpui ber, Fynd online shopping  chung chang i han  bihchiang  lawk teh ang.Fynd hi internet hmanga sumdawna ( e-commerce) chi khat, thawmhnaw leh items hrang hrang zawrhna online shopping lian tak mai a ni. Kum  2012 a  India mi pathum 1.Farooq Adam 2.Harsh Shah 3.Sreeraman M.G. ten an siam a ni.He sumdawnna neitu ber chu Shopsense Retail Technologies Private Limited a ni thung. Head quarter hi  Mumbai ah a awm mek.

Tunlaia SMS a kan dawn fo thin, Fynd Cash hi enge ni?

Fynd Cash  hi Pawisa pangngai a nilo. Fynd online shopping  tih lar nana an siam a ni. Fynd cash pawisa te hi an mahni dawr nan chauha siam ania, thil danga hman theih a nilo. Keimahni bank account ah transfer theih a ni lo bawk.

Fynd Game play

Online shopping kan hman thin ebay, snapdeal, amazon etc laka Fynd Online shopping   danglamna lian tak mai chu    keini anmahni dawrtu hi  an sumdawnna vawrh lar nan  min hman nasat an tum hle a.

promotional activities  hrang hrang:- cashback offers, refer & earn programme etc. hmangin Fynd Cash  min pek an tiam a. Online shopping  Terms and condition ang chuan, I thian (social media friend) te  hmang ve turin i hrilh ang a, i thian pakhatin a lo download a, thil lei nana an hmang anih chuan Rs 1000 tlukpui  fynd cash  i dawng zel thei. Fynd cash i dawn tam chuan products offer a tha zel ang.

Engvangin nge Fynd hmanglo te pawhin  SMS kan dawn?

Awlsam taka pawisa lakluh (Easy money) ah ngaiin Fynd cash hlawh chhuak tur hian online shopping a experience nei lem lo te pawhin an bei chiam a. Kan intihhmuha, kan thian te kan thawn a. Heuvang hian kan hriat miah loh laiin SMS kan dawng thin a nih hi. Fynd account nei I neiha, I hmang duh anih chuan   My Profile section setting atangin midang tibuai lovin  Stop  a tha hle.

Fynd online shopping hi a him em?

India ramchhung hmun hrang hranga  rating pek dan atang hian ngaihdan a siam theih mai awm e.

 Star1 petu  79%

star2 petu 8%

star3 petu 7%

star4 petu 5%

star5 petu 1%

Hriat tur pawimawh

Fynd online shopping hi Social messaging platform hmanga sale promotion  campaign nen a inthlunzawm nasat bik avangin a hmang tu ten engemaw tal kan tih angaih avangin message tul lemlo thawn chhuah leh dawn atam bik hle.Inbumna (Frauds) a hmang nasa a, abik takin online shopping a experience nei tlem te an bum nasa zual. An mahni an in veng tlata, Cash on Delivery (COD) option pawh an dah duh lo. SMS promotion campaign  an ti nasa a, midang tan a ninawm bakah tullova midang tihbuaina a ni. Financial fraud (Pawisa lama In bumna) atam bik.  SMS an tarlan  Cash offer hi a  tak tak a awm meuhlo.Tin, Products an tarlan tam tak te hi an  sawi anga tha nih loh bakah, deliver hun chhung a rei thin lutuk.

Tin, Fynd online shopping  ah hian Online shopping dang aiin inbumna, products dik lo, thleng tlai, fynd cash buaina  a tam hle thin. Hei vang hian Online shopping  rin tlak leh lar zawk  hman a tha  zawk  hle a ni.Miin a tha an ti tih vanga zir chiang hmasa lova bawh huk chi, Keini mizo te hi Online shopping ah kan fimkhur hle atul.  Mi sawi nazawng awih loh tur.Buma awm lo tur leh midang tan harsatna thlentu kan nih loh nan,   uluk taka zirchian hmasak zel hi  a tha hle mai.