WELCOME TO CHHUNGPUIA RENTHLEI BLOG

 FIFA GOAL LINE TECHNOLOGY

-Er. Chhungpuia Renthlei

(Dated :20-6-2018)

Football ah chuan an khelh that leh that loh a pawimawh hle lain an ball khawih zei leh zei loh pawh pawimawh tak a ni awm e. Khel thiam, khel nalh leh chet zei leh thahrui ngah a pawimawh em em laiin, a chak leh chak lo tehna buk lung erawh chu Goal thun hnem leh hnem loah a innghat miau mai si. Goal leh goal loh chungchangah Refereeten  thu tlukna dik tak an siam theih nan ten  FIFA Goal Line Technology chu  FIFA World cup 2014 khan a vawikhatna atan an hmang. Kumin 2018 FIFA World Cup Russia ah pawh hian  hman a ni bawk.

Goal line technology chu enge ni ang le? 

Goal line technology chu  Information technology (IT)  hmanraw changkang tak hmanga  Football inkhelna a goal leh goal loh chungchanga FIFA in thutlukna felfai tak siam dan  hi a ni. Goal Line Technology(GLT) ah hian Rules zawm ngei ngei tur pathum duan a ni.

1.GLT hi goal line atan chauh a goal leh goal loh finfiahna liau liau atana hman tur.

2.GLT system a khawl reng reng hian dik takin hna athawk ngei ngei tur a ni.

3.GLT hian second khat chhungin a goal leh goal loh chiang takin a chhutchhuak tur a ni.

Hetiang taka an fimkhur avang hian February 2011 khan FIFA leh EMPA (Swiss Federal Laboratories for Materials Science and  Technology, an independent Swiss test institute) te chuan International Football Association Board (IFAB) nena tang kawpin enchhinna chi hrang hrang an nei nghe nghe a ni. Hun rei tak atanga FIFA hotu ten hman an thlakhlelh em em, inhnialna tam tak  avanga duh ang taka an hman theih loh, ”FIFA Goal Line Technology” chu  FIFA World cup 2014 khan a vawikhatna atan hman a ni. Kumin 2018 FIFA World Cup Russia ah pawh hian  hman a ni a. Tun tumah phei hi chuan GLT bakah Video Assistant Referee

(VAR) hman a ni bawk.

 GLT ah chuan eng hmanrua nge an hman ?

 1. HAWK-EYE:  high-speed video cameras hmangin kil hrang hrang atangin ball awmna chiang takin a chhinchhiah zung zung thei a ni. Hetianga second reilo te chhung leka ball awmna chiang taka a chhinchhiah hmang hian goal line a pelh leh pelh loh a chhutchhuak leh a. Tichuan, a bik taka software an siam hmangin referee sana ah radio transmission hmangin a goal leh goal loh a thawn leh nghal a ni.

 2.GOAL CONTROL WATCH:  Heivang hian thutlukna dik tak an siam theih nan   world cup ah hian referee reng rengin sana chi khat, Goal control watch ti a an vuah hi an bun vek a ni. Keini Television kaltlanga inkhel entu te hian referee sana bun hi sana satliah emaw kan tih laiin Goal leh Goal lo hrilhtu pawimawh tak a lo ni reng mai a nih chu. Hei mai bakah he an sana bun hian player ten inkhelh laiin dan an bawhchhiat leh chhiat loh a hriat theih vek bawk a ni. Players leh fans ten tunhma lam world cup a referee an sawichhiatna tam tak te kha an pumpelh theih tawh avangin, referee te tan ngat phei chuan tangkai tak a ni ringawt mai.

 3.VANISHING FOAM:   Players te dinna tur a referee in line var a rin hi a ni. Free kick an hmuh lai, a bik takin goal area bul hnai a indirect kick an neih dawnin he line var rinna hi an hmang thin tih kan hmu vek awm e. Referees ten line an rinna hi powder var satliah naran a no hauh lo mai. He powder hi Aero Comex Futline a nia, minute khat chhung leka boruaka thamral mai thei substance chikhat a ni. Hetiang hi biodegradable white substance tia hriatlar a ni bawk. Dik tak leh felfai taka referee ten inkhel an kaihhruaina atan a tangkai hle.

 4.ULTRA HIGH DEFINITION TELEVISION:  A vawikhatna atan fiah fai taka inkhel hmuh theihna turin   FIFA World cup  2014 khan  Ultra High Definition (UHD) hmanga pek chhuah a ni.  Ultra High Definition (UHD) hian 1 secondchhung lekin 100 megabits data a pe chhuak thei.

_Aw le, Information technology hian huang a zauh hle mai tih chu hai rual ani mawlh lo e. Heng kan sawi bakah hian thil tam tak FIFA lam pawhin hmachhawp an la nei nual bawk nen IT hmasawnna par kan tlan zel dawn anih hi._