Wednesday, 20 June 2018

FOOTBALL TECHNOLOGY INNOVATIONS
Video Assistant Referee (VAR)
Er. Chhungpuia Renthlei.

A hunlai ani bawka, 2018 FIFA World Cup Russia hmuhnawm ti taka kan thlir mek hi felfai leh dik taka inkhelh anih theih nana technology providers changkang tak, Video  Assistant  Referee  (VAR)  nena  planning, coordination leh  organisation  FIFA in a ruahhman dan han bih thuak thuak teh ang.    

The video assistant referee (VAR) chu enge ni le ?
VAR chu tunlai Video technology thiamna changkang tak hmanga atul hun apianga inkhelh laia referee tanpuitu a ni. Inkhelh laia a khat tawka VAR Room  an rawn tihlan thin hi kan hre theuh  awm e. 2018 FIFA World Cup Russia ah hian VAR team te hian  uluk takin  inkhelh apiangin camera angle hrang hrang atangin  uluk takin  a bika siam screen hmangin an vil reng thin.  VAR Refereeing Project Leader hi Roberto Rosetti a ni.  Players leh fans ten tunhma lam world cup a referee an sawi chhiatna ang chi te kha  an pumpelh theih tawh avangin, referee te tan ngat phei chuan tangkai tak a ni.

VAR information system  hi  video operation room ah Tablet hmanga operate a nia, inkhelh apiangin thil thleng  enfiah ngai bikah networked touch tablet hmangin FIFA member ten  thil awmzia chiang takin broadcasters, commentators leh  infotainment  te  an  hrilh a. Anni in   Stadium chhung leh keini TV a inkhel entu te min hriattir leh  thin.


VAR team te chu :-
2018 FIFA World Cup Russia ah hian  FIFA Referee Committee  chuan video assistant referees  13 uluk takin an thlang chhuak a. Anmahni pui tur hian 2018 FIFA World Cup  the Referees leh  Assistant Referees thenkhat Video Match Officials turin inkhelh hma chiah zela   ruat an ni bawk.Anni hi Top FIFA Match Officials an ni.Inkhelh apiangin VAR teamah hian member  pali an awm  thin.
1.      VAR  hian  inkhel lai video  angle hrang hrang chi li a tihlanna main   camera  uluk takin a en ang. Inkhelh laia engemaw bik thil thleng  check leh review tul apiang    chhunga  main referee  hrilh   zel tura mawhphurtu ber a ni.

2.      AVAR1 hian main   camera  uluk takin a en anga, inkhelh laia engemaw bik thil thleng  check leh review tul apiang  VAR a hrilh   ang.

3.      AVAR2 hi offside station ah  a awm. Offside  check leh review tul apiang VAR a hrilh ang.

4.      AVAR3 hian  inkhel lai Television ah a  pekchhuak ang.Tin,VAR leh AVAR2  inbiaktawnna that leh that loh a check reng bawk ang.

2018 FIFA World Cup Russia atana VAR  Technology  hmanrua te :
1.      VIDEO OPERATION ROOM (VOR)
Hei hi  VAR team te   awmna  room, centralised video operation room (VOR) a ni. He room hi Stadium bul hnai a awmah ilo ngai ange , International Broadcast Centre (IBC), Moscow ah  a awm daih. He room leh Stadium hrang hranga  inkhel lai video  hi fibre optic network  hmanga thlunzawm vek a,field chhunga referee  hian  VAR team te  a biak nan  fibre-linked radio system a hmang a bawk.

2.      CAMERAS
VAR team hian broadcast cameras 33 lai an hmang. Heng zinga  pariat te hi super slow-motion camera atan a ni. A dang pali te hi ultra slow-motion camera a ni bawk. Tin, offside cameras pahnih a awm bawk. Knockout phase atang phei chuan  goal  hnungah ultra slow-motion cameras pahnih dah belh a ni ang.

3.      REFEREE REVIEW AREA (RRA)
Referee in thil thleng a review  theihna tura  mobile screen device, technical areas bula an dah.

4.       VIRTUAL OFFSIDE LINE
Inkhelh hma in  survey grade equipments nen uluk takin field ah  offside line awmna tur an teh thlap a. Tichuan, Angle hrang hranga  thlir theih turin  Computer software hmangin    inkhelhna field  Offside line   thlalak  an siam a. Hemi hmang hian  offside an teh thin.

Engtinnge VAR in  Referee a tanpui?
Thutlukna siam  harsa bik  thil thleng a awm apiangin  referee chuan kut zaizirin  VAR a hriattir nghal vat a.VAR  team te chuan  video footage  rang takin an thlir let vat a. Rang takin field chhunga referee an zu hrilh nghal a. Tichuan, referee chuan action a la thin a ni.

  1. VAR hmanna  langsar zual te chu :
  2. Goal  leh goal lo chungchangah
  3.   Penalty  pek  chungchangah
  4.  Direct red card   pek chungchangah
  5. Offside  chungchang
  6.  Player   hrem tur ber  hriat harsat  chungchangah
  7. Attacking players  tih dik loh chungchangah
VAR chungchanga hriat tur pawimawh te:
Video assistant referee team  te hi thutlukna siamtu  an ni lo va, referee tana  thu tlukna siam harsa  bik, thil thleng  enfiah ngai bika referee tanpuitu atana ruahman  a ni. Thutlukna  (final decision)  siamtu chu referee chauh a ni. Inkhel zawng zawng  matches 64  ah hian Video Assistant Referee (VAR) team te hian match officials an pui ang.Video assistant referee team te hian   broadcast cameras leh  offside cameras an vil reng.Video Assistant Referee System hmang hian thil thleng  enfiah ngai bikah chiang takin  broadcasters, commentators leh  infotainment  te chuan Stadium chhung leh TV a inkhel entu te min hriattir  thin.

Sawi tur tam tak awm mahse, duhtawk phawt mai ang aw. 2018 FIFA World Cup Russia en tui vek ule.



No comments:

Post a Comment

Subscribe to: Post Comments (Atom)