HUN LEH NI TE HI
Er.
Chhungpuia Renthlei
Kum tin mai hian mi hausa leh
rethei ten danglamna awm reng reng lovin
Milli second Second khat tanga bul tanin, second, minute, leh hour hmangin nitin darkar
24 chhiar zovin nikhat kan
vuiliama, Ni sarih zet chutiang zela
chhiarin kar khat kan hmang zo chu ani leh a,
Week days a zo va thla tin bi kan chhiara, ni leh thla ten kum pui ling
let a rawn herchhuah tira, kumthar kan thleng leh ta tiin lawm takin New Year
Celebration kan nei thin. Nikhat rei zawng
hi chhut dan chihnih a awm a, pakhat chu hnam fing hmasa Romans
siam, tuna kan hman mek zan dar 12
atanga a tuk zan 12 inkar hi a nia, hei hi khawvel pum huapa kan hun
leh ni teh dan tlanglawn ber ani. Pakhat leh chu ni chhuah atanga nitlak inkar hi a ni bawk.
Hei hi tunlaiah chuan kan hmang meuh awm
love, keini mizoramah chuan Rinna lama kan unau, Sevenday Adventists te hian Sabath ni bikah an hmang thin,
Zirtawp ni tlak atanga inrinni ni tlak inkar hi
Sabath ni atana serh hran a ni.
Hring nun sana
hi tlai hlauvin a hmanhmawh lova, hma
hlauvin a muangchang bawk hek lo.
Ni leh a heltu
planets (Solar System) atanga hun leh ni te hi chhiar a ni
deuh vek mai, heivang hian
planets awmdan hi kan hun leh nipawimawh
tak a ni awm e. Helama mi thil chik mite chuan
Kan pian hun laia solar system awm dan azirin kan mihring mihrinna
leh kan hun tawn tur thleng an hrillawk thin. Roman ho hi khawvel mifing hmasa an nih miau
avangin science and technology ah a
sulsu tu an niin an mahni kuhmum atanga
science thiamna tam ber te hi rawn par chhuak an ni kan ti lo thei
lovang. Tun thleng hian Astrology leh
Horoscope te hian kan hring nunah khumpui
a luah lo thei lo thin. Ni hel
tu ( Planets ) pakua te hi a tirah
avaiin an hmuchhuak lem lo. Tunhma kha chuan Mercury , Venus, Earth,
Mars leh Jupiter te hi an hriat chhun a
ni a. Mercury hian Planets dang zawng zawng te aia chaka ni a hel avangin a hming pawh hi roman pathian
tirkoh “fleet-footed messenger of
the gods” atanga phuah ani nghe nghe.
Mars hi roman indona pathian ( roman god
of war ) atanga phuah a ni bawk. Saturn
hi Buh leh bala malsawmtu pathian (
Roman god of farming) atanga phuah a ni thung. Tin, Jupiter hi planet zinga lian ber anih avangin pathian
lalpa (Romans’ chief god.) tiin an
pathian hotu ber hmingchawia phuah a ni bawk. Kan chenna lei tiamin heng ho chauh hi planets hmasa an ni.
Hun a aliam zela kum 1781 ah Planet thar hmuchhuakin a hmingah
khatih hunlaia England roreltu King George III hmingchawiin Georgium tiin an
phuah. Amaherawh chu planets dang zawng
zawng te roman pathian hmingchawia phuah
an nih avangin Greek van pathian (Greek god of the sky.) hming chawiin
Uranus tiin an thlak leh ta ani.
Kum 1846 a rawn in her a, Planets lama mithiam Leverrier a chuan Planet
dang a hmuhchhuak leh a, a hmuchhuaktu
hmingchawiin Leverrier tiin an phuah a, mahse a hma a mi ang thovin Roman
tuifinriat pathian (Roman god of the sea)
hmingchawiin Neptune tiin an phuah leh ta a ni. Kum 1930 ah planet dang hmuchhuak lehin a hmingah
roman thihna lam pathian (Roman god of
the dead) hmingin Pluto tiin an phuah
veleh bawk a ni, Tichuan, Ni heltu Planets pakua Mercury , Venus, Earth, Mars, Jupiter, Saturn
Uranus, Neptune leh Pluto te hi tun thlenga kan hring nun sana innghahna ber an
lo ni zel ta a ni.
Hun leh ni te hi a rei zawng a zira hming leh nihna pek vek an
lo ni mai mai zel zawng anih hi .. Week days Sunday , Monday, Tuesday, Wednesday,
Thursday, Friday leh Saturday te hi
roman Mythology (Vikings ) atanga an hming phuah vek a ni.
Sunday hi Ni (Sun) pathian tana
siam a nia, Monday hi Thla(moon) pathian tan, Tuesday hi Indona pathian
(Tiu) atan, Wednesday hi pathian te hotu ( Woden) tan, Thursday hi
khawpuiri ( thunder) pathian tan Friday hi khawpuiri nupui (Wife of Woden) Frigge
hmingchawia phuah a ni leh a, Tin
Saturday hi Roman ho ten lo neih
lama an pathian (god of crops and harvest) saturn atanga phuah a ni leh bawk.
Heng Roman hming pek hi vawiin thlengin hmang mah ila ,
an phuahchhan ang erawh chuan tuman kan
hmang lem lo. Kan mizo hmingphuah ang mai chauhva an hming te hi pu an ber tawh
awm e, Entri nan, Pu felfamkima pawh sum
leh pai chungchang a a fel famkim loh avanga Suspend a ni a, Pu thiamveka pawhin thiam a neih loh avangin Exam
ah a faila, Ramfangzauva pawhin a tar thih thlengin Aizawl pawh ala thleng lo,
Pu Sangbera pawh Fit 5 a tlin loh
avangin police hnalakah san zawngah a tla tih ang vel ani awm e.
Mi tam zawk in kan hring nun sana kum tanna ni hmasa ber anih vangin January 1 hi Kum thar ni ah pawmin ropui
takin kan
lawm thin. Hetih lai hian Tunma lam
chuan Egyptians leh Persians ho te
chuan kum khata chhun leh zan rei zawng
in chenna September 21 hi kumthar niah an hmang bawk. Tin, December 21 hi Roman
leh Greek leh ho chuan kumthar niah an hmang thung. Roman Lalber Julius Caesar
hunlai khan calendar an siam
tha a, January 1 ah kumthar ni an hmang
ta a, hei hi vawiin thlengin khawvel mi tam zawk te chuan kan hmang zel ta a ni. Europe khawmualpui ah
pawh Middle Ages hunlai thleng khan March 25 hi kumthar niah an hmanga, kum
1582 khan January 1 ah an thlak ve leh ta a ni. Tichuan , England sana tehna atan Thla ( moon) hmang ho China
leh Arabs te chuan January 21 leh February 19 inkarah new year an hmang ve mek
bawk. Hetihlai hian April 1 hi new year atan mithenkhat ten an hmang ve mek
bawk. Kum zabi thar arawn inher zela, khawvel mitam zawk chuan lungrual takin
january 1 ah new year kan lo hmang ta a ni ber mai.
Hetihlai
hian , khawvel kalphung rem lo taka April 1
new year atana hmang an la awm a
vangin Mi tam zawkin January 1 a new
year celeration kan neih laia April 1 a la nei hram hram te hi atthlak ( Fool )
tihna a chen awm ta a, tichuan, April 1
hi April fool tiin vawin thleng hian kan
hriatlar phah a nih tak hi. Tunah phei chuan April 1 hi intihder ni ti hialin huat theih siloh leh atthlak takin
keini mizo te chuan intihderni ah kan hmang ve mek bawk a. January 1 kumthar a
kan hman mup mup lai hian sorkar tam tak
te chuan mizoram pawh tiamin kumthar
niah puang theilo kan awm a, April 1 hi
sorkar kum thar ( Financial Year) atan vawiin thlengin kan la hmang hram
hram chu anih hi. Uluk taka han ngaihtuah phei chuan sorkar kalphungah phei
chuan keini mizoramah pawh april 1 hi new year celebration neihna hun awm tak
nihna chen pawh a awm thei awm e.
Uluk taka Calendar han en chuan
nikhat rei zawng leh kar khat reizawng a danglam meuh lova, thla khat reizawng
leh kumkhat reizawng erawh adanglam thung si. A chhan ni ber a lang chu
hringnun san tehna fung ah ni ( Sun) leh thla (Moon) hman kawp anih vang ani
ber mai. Thlakhat kan tih hian thla in kan lei vawikhat a helchhuah hun (29.5
days) a ni ber a, kum khat kan tih hian kan leiin ni (sun) vawikhat a helchhuah
hun ( 12 months) a ni leh lawi si.
Hetiang anih avang hian kumkhat reizawng
atan 12 months dah anih bur bawk si
avang hian achangin thlakhatah ni 29 emaw 30 dah 31 dah a lo tul ta a ni ber
mai.
Roman ho ten Calendar an siam
tirh chuan kumkhatah ni 354 an neia, mahse kan leiin vawikhat ni ( sun) a hel
chhuah hi ni 365 velin an chhut bawk si, kumkhat niturin Ni 11 in a indaih lo tihna anih ber
chu. Julies Caesar-a hunlai khan Roman
ho chuan Thla( moon) hmang lovin ni (
sun) hmangin hun leh ni an chhiar ta a, ni 11 chuangbang hi thla ( months) hrang hrangah an semdarh ta
chiam maia, January, March, May,July, September, November ah ni 31 ( 31 Days)
theuh an dah ta a.February thla atangin ni khat an paih leh a, tichuan kum
khatah ni 365 a lo awm ta a ni. Hei hi vawiin thlenga kan calendar innghahna ber a ni. August Ceasar an a rome sorkar a han awp
khan August thla a ni tlem chu duh lovin
September a mi la in August ah nikhat a belh a, chutiang bawkin November ami la
in December ah nikhat a belh leh bawk a. Heivang hian vawiin thleng hian September
leh November ah ni 30 awmin August leh December thlaah ni 31 a awm zel a ni an
ti bawk. Vawiin thleng hian Calendar hi
kumtin siamthat ngaiin a awm a, Thla khata ni awm zat tihdanglam a ngai kumtin a ni ber mai.
Scientist leh mifing tam tak awm mahse, Hun leh nitehna bulfuk tak a awm thei meuh lo chu a ni ber
mai le. Kumtin mai Calendar kan siam tha a, Sorkar leh mipui ten Calendar leinan
cheng tam tak kan
seng ral lo thei si lo. . kum a vei zel a, ni ( Sun) leh thla (Moon) inher dan nen a inmil thei leh si lova, ni (
day ) chuangbang a lo awm thin, Leap year kum hetiang hunah Calendar siamrem a
tul thin.
Awle, kan
nitin hun kan
hman dan hi pawimawh ber fo thin. Kumpui a lo linglet meuh chuan Kumthar
kan
tih te pawh hian kumhlui chan an chang
leh thin. Kan nundan leh khawsak dan azirin
Kumtha leh kumchhia kan
nei mek bawka. Kan
hun leh ni hi Roman ho thiamna a vannei
tak leh hlawhtling taka siam
theih a ni mawlh si lo. Mahni maia hun
leh ni her danglam theih lah a ni bawk hek lo. Kan
hnathawh dan, Social community leh kan nitin hun hmandan
atanga a bulthuma reset vek ngai ani fo
thin. Kumin hi kan tan kum tha anih leh nih loh Horscope leh aien hmanga en chi
a ni lova, Pathian hre chunga taima taka
kan hnathawhna muala kan hun leh nikan hertir hi a pawimawh ber awm e. Kum tha
leh duhawm, hlawhtlinna leh malsawmna dawng theia kumin 2011 bul tan turin
hming that duh leh eiruk thup nana kohhran leh rawngbawlna hruaitu nihna chelh
lovin, Politics a tui tak tak lo leh Ram hmangaih tak tak silova Party a lo
phili chiam chiam te, Ram hmasawnna tur mahni in leh lo hmasawn nana hmanga
eiruk te, thiamna tak tak neih duh silova qualification tha tak neih duhna te
leh kan chin dan tha lo tak tak te bansanin mitin ten kan hun leh niher rem ila
a va duhawm dawn em!
No comments:
Post a Comment