Er. Chhungpuia Renthlei
Echo chamber chu hnialtu/ dodaltu awm lohna hmuna thil ni thei nia kan ngaihruatna thu dik anga puan zarna hmun hi a ni. Kohhran huang chhung te, Political party WhatsApp/ Facebook group te, Internet news blog, website e.t.c te hi echo chamber langsarzual te an ni. Hetiang hmunah hian hnial kalhtu awm miah lovin eng thil pawh hi an thlirna atangin an hrilhfiah a, an sawi ang apiang a ngaithlatu ten an awih mai thin avangin mi tam tak an hruai khawlo thei thin.
University of Pennsylvania ten research(zirchianna) an neih hnu a an hmuchhuah chu, hetiang echo chamber a thusawi ngathlatu te hian an thu ngaihthlakna ah an in nghat bur mai thin a, dik leh dik loh chuangchanga pawn lam mi thusawi hi an bengkhawn duhlo hle thin tih hi a ni. Echo chamber hian politics ah inhuatna te uchuak taka khawsakna te a thlen thei bawk.
Mizo te hi Pathian thu duh tak kan ni a,thusawitu ten an thil hmuh leh rin dan pulpit atangin an sawi a, Pathian thu ah ngat phei chuan hnial a rem silo. A dik leh dik loh lam ngaihtuah lemlo a awih nghal maitu ten thu dik angin social media ah midang an hrilh chhawng leh a.Thil mak leh dangdai ngaihven duh kan ni tlangpui si a, an vawrh darh chiam takah chuan atira ring lemlo te pawhin a tak emaw kan lo ti ta thin a. A sawitu ber pawhin a tawpah phei chuan a rin thu kha thu dik angin a ngai hmiah tawh mai thin.
A bik takin kan mi rin zawng tak ten social media kaltlanga an ngaihdan/ rindan huaisen taka thudik anga an thehdarh chiam phei hi chuan mi thenkhat te chuan an ring nghal bur mai thin si a. Pathian thu ah ngat phei chuan an thulakna (source) a rintlak leh tlak loh lam kan ngaihtuah lo a, kan amen nghal dual dual thin a ni ber mai. Thil zir peih leh chik miten rawn hnial dek dek se, a dikleh dik loh pawh finfiah silo hian Thlarua thianghlim sawichhia ah kan puh a, archuk tuilo khawpin kan hnial nghal chiam thin. Mipui min hruai khawlo nasa thin hle.
Mihring nuaih 12 chuang awrh keini ramah pawh hian ram hmasawnna duh theuh theuh leh Bible pakhat ring theuh theuh te kan inhnial chiam chiamna chhan hi kan awmna echo chamber vang ani fo. Ram hmasawnna aia party a ruh bur mai teleh Pathian thu aia kohhran a ruh bur mai te hian tisa khawvel ram an tihmasawn lo a, thlarau nun an chawm heklo. An awmna echo chamber a an ngaihdan chauh dik berah an ngai a, an ngaihdan ang tawmpui turin mi hrang hrang an hnial thin.
Thu dik leh rintlak chauh pawm thei turin rilru zau tak pu ila, kan awmna echo chamber a thusawi pawh nise finfiahna rintlak tak chauh awih ila, thudik lo chu tupawhin sawi se awih lo ngam ila. Kohhran leh political party chamber dang a mi pawh nise finfiahna rintlak tak anih chuan thudikah pawm bawk ila, sorakr apiang kan demna leh kohhran leh political party thila social media a inhnialna tamber hi chu a bo ngei ang.
Echo chamber chu hnialtu/ dodaltu awm lohna hmuna thil ni thei nia kan ngaihruatna thu dik anga puan zarna hmun hi a ni. Kohhran huang chhung te, Political party WhatsApp/ Facebook group te, Internet news blog, website e.t.c te hi echo chamber langsarzual te an ni. Hetiang hmunah hian hnial kalhtu awm miah lovin eng thil pawh hi an thlirna atangin an hrilhfiah a, an sawi ang apiang a ngaithlatu ten an awih mai thin avangin mi tam tak an hruai khawlo thei thin.
University of Pennsylvania ten research(zirchianna) an neih hnu a an hmuchhuah chu, hetiang echo chamber a thusawi ngathlatu te hian an thu ngaihthlakna ah an in nghat bur mai thin a, dik leh dik loh chuangchanga pawn lam mi thusawi hi an bengkhawn duhlo hle thin tih hi a ni. Echo chamber hian politics ah inhuatna te uchuak taka khawsakna te a thlen thei bawk.
Mizo te hi Pathian thu duh tak kan ni a,thusawitu ten an thil hmuh leh rin dan pulpit atangin an sawi a, Pathian thu ah ngat phei chuan hnial a rem silo. A dik leh dik loh lam ngaihtuah lemlo a awih nghal maitu ten thu dik angin social media ah midang an hrilh chhawng leh a.Thil mak leh dangdai ngaihven duh kan ni tlangpui si a, an vawrh darh chiam takah chuan atira ring lemlo te pawhin a tak emaw kan lo ti ta thin a. A sawitu ber pawhin a tawpah phei chuan a rin thu kha thu dik angin a ngai hmiah tawh mai thin.
A bik takin kan mi rin zawng tak ten social media kaltlanga an ngaihdan/ rindan huaisen taka thudik anga an thehdarh chiam phei hi chuan mi thenkhat te chuan an ring nghal bur mai thin si a. Pathian thu ah ngat phei chuan an thulakna (source) a rintlak leh tlak loh lam kan ngaihtuah lo a, kan amen nghal dual dual thin a ni ber mai. Thil zir peih leh chik miten rawn hnial dek dek se, a dikleh dik loh pawh finfiah silo hian Thlarua thianghlim sawichhia ah kan puh a, archuk tuilo khawpin kan hnial nghal chiam thin. Mipui min hruai khawlo nasa thin hle.
Mihring nuaih 12 chuang awrh keini ramah pawh hian ram hmasawnna duh theuh theuh leh Bible pakhat ring theuh theuh te kan inhnial chiam chiamna chhan hi kan awmna echo chamber vang ani fo. Ram hmasawnna aia party a ruh bur mai teleh Pathian thu aia kohhran a ruh bur mai te hian tisa khawvel ram an tihmasawn lo a, thlarau nun an chawm heklo. An awmna echo chamber a an ngaihdan chauh dik berah an ngai a, an ngaihdan ang tawmpui turin mi hrang hrang an hnial thin.
Thu dik leh rintlak chauh pawm thei turin rilru zau tak pu ila, kan awmna echo chamber a thusawi pawh nise finfiahna rintlak tak chauh awih ila, thudik lo chu tupawhin sawi se awih lo ngam ila. Kohhran leh political party chamber dang a mi pawh nise finfiahna rintlak tak anih chuan thudikah pawm bawk ila, sorakr apiang kan demna leh kohhran leh political party thila social media a inhnialna tamber hi chu a bo ngei ang.
No comments:
Post a Comment