HMAIKAWR
(Facemask)
Er. Chhungpuia Renthlei
Tu pawh mai hian kan nihna dik tak thup bo turin hmaikawr kan vuah vek a. Lungngaih laiin hlim hmel kan pu der hram hrama, rilru a lawmlo tak siin lawm hmel takin kan nui der fo a. Thikna thinlung nen midang hlawhtlinna kan lawmpui a. Anihna takah chuan nitin mai hian midang te hmuh theih loh turin kan nihna dik tak thuhrukin a awm thin.
Hmaikawr vuah nachang hrelovin kan rilru dik tak hi phochhuak vek ta ila a tha lam aiin a chhelam zawngin nghawng a nei nasa zawk ngei ang. Thil tha zawk thlen thei tura kan nihna dik tak thup bo a hmaikawr kan vuah te hi chu a thatna tam tak a awm ngei mai.
Hetih lai hian Hmaikawr phena kan nihna dik tak hrechiang bertu chu nangmah keimahni ngei kan ni si. Nangmah ti nangmahtu chu nangmah bawk i nih avangin nangmah chauha i awm chhung chuan hmaikawr vuah buai duh suh. Nangmah kha nangmah angin awm tawp mai teh. I tah a chhuah chuan tap bawrh brawh mai la, i nuih a zat leh nui chiam chiam mai teh. I thawl huai mai ang!
Kan tunlai boruakah erawh hi chuan kan nihna thup nan nilovin Covid 19 laka kan himna tur zawkin hmaikawr kan vuah a tul mauh mai si anih hi. Natna hrileng laka min hum mai bakah kan lungngai hmel te, kan thinrim hle te, kan nui hmel te min thup sak a, a tha phian mai. Eng pawh nise, tun dinhmunah chuan khawi ilo chhuahna ah Facemask hmangin hmai tuam zel phawt mai teh ang u.
No comments:
Post a Comment