WELCOME TO CHHUNGPUIA RENTHLEI BLOG

FAKE NEWS HI
Er.Chhungpuia Renthlei

Fake news hi chanchin diklo leh  belhchian dawllo tihna a ni. Social network- Facebook, WhatsApp, Twitter leh internet website ah a tam hle.Mipui ngaihven hlawh tak thil Jamu & Kashmir issue, Elections Campaign, CAB, CAA e.t.c a awm apiang hian Fake news hi a awm ve zel a.Coronavirus pandemic ah pawh mipui nunphung tikhaihlak leh  timangmang thei a tam hle.Prime MinisterNarendra Modi pawhin 7 March 2020 khan Social media kaltlanga thu leng vak nazawng awih lo turin mipui te min ngen hial anih kha.

Digital media hmangin chanchin engkim mai kan inhrilh a. edited videos, unverified advertisements leh social media kaltlanga thu diklo thehdarhtu nitin sang tel an awm a.India ramah ringawt pawh Fake news hi a tam hle. Kum 2018 ah ringawt pawh khan fake news vangin buaina lian tak a chhuaka mi 20 lai in nunna an chan anih kha.

India ramah fake news  hi chi 3 in an then a, chung te chu :

1.Disinformation:

Ruahman lawkna neisa veka tum reng vanga mimal, pawl, sorkar e.t.c tana harsatna thlen tuma chanchin diklo thehdarh a huam. Insawithaihna, Picure leh Video siam danglam, Documents lem, Sorkar thuchhuah lem siam e.t.c

2.Misinformation:

Midang tana harsatna thlen tum vang nilo a chanchin diklo Internet Hoaxs kan tih ang chi thehdarh  te, tunlai bikah chuan hre hmasa nih duh vanga hriat chian mang loh Covid 19 statistics leh invenna kan forward chiam chiam bakah Pathian thu nen hmeh bela zawlnei ang hrim a thu lo puan chhuah ve chhen ang chi a huam.  

3. Mal-information:

Mipui ngaihven hlawh tak thil thleng awm laia ruahman lawkna leh tum reng vanga mimal, pawl, sorkar e.t.c  tana harsatna thlen tura chanchin diklo thehdarh.Tunlai hrileng kan ngaihven hun lai taka thu diklo thehdarh te, Company ten products an discount hun laia  diklo taka  discount link click tura post darh ang leh a dang tam tak a huam.

Hetiang Fake news tam lutuk tur control nan Internet shutdown ( Internet titawp) hi sorkar hmanraw hriam ber pakhat a ni. Social media platform hrang hrang te pawhin hma an la vek thin.WhatsApp  pawhin  forwarded tag hmangin message forward  theih zat a bituk a.Twitter pawhin account delete thlengin hma an la bawk. Kum 2018 khan GoogleNews pawhin  khawvela google training lian ber an huaihawt bawk . Facebook pawhin fact-checking websites nena thawk dunin hma a la bawk.