WELCOME TO CHHUNGPUIA RENTHLEI BLOG

CYBER  CRIMINAL  DETECTOR  SOFTWARES

Er. Chhungpuia Renthlei

  

Khawnge tun tum chu  tlangval senior nupui nei thar hlim zan mu tur ang deuhvin fore play tel hauh lovin  ka tih tur takah ka han bung nghal bawrh bawrh mai teh ang.

Aw le, Internet khawvela  suahsual rawngbawlna lam hawi reng reng hi Cyber Crime hian a huam vek a, hetiang thilsual tutu te hi Cyber Criminal tih an ni bawk. Hetiang chhuichhuahna lam atana an a bik taka an siam  Computer  softwares  hi Cyber  Criminal Detector  Softwares  tiin an vuah. Thilsual ti tu hian Computer program  Code  emaw Mobile  emaw, hmangin  pawi an khawih  tlangpui thin. 


Internet khawvelah  hetiang Crime case hi tam tak a awm a, tun tumah chuan  keini mizo te ngei pawhin  kan tawn mek leh  hetiang lama kan lo invenna tur leh  thilsual titu kan man chhuah theihna atan software tlem te chauh   tarlang  ila a tha awm e.

Internet hmanga mi bum hmang  man chhuahna Software :

 Email leh Internet  website hrang hrangah  dawt hmanga inbumna atam em em a, sumdawnna lam te, Financial Investment lam leh  Job Apportunity hrang hrangah  tawkdarh it awm tham tak an dah thin. Hemi atan hian Online Payment  min rawn dil thin a, mi thahnem tak ten internet kaltlangin pawisa an thawn a, mahse, an intiam angin engmah  an ti leh ngai si lo thin a ni.  Hetianga internet kaltlanga  inbumna hi  Social network thenkhatah phei chuan an buaipui nasa hle a ni. Hetiang Online   bum hmang te manchhuah nan Software tha tak mai an siam a, chu chu Online Infidelity Investigation  software tiin an vuah. He software hmang hian awlsawm takin Cyber Criminal  a manchhuah theih a ni.

E –mail, chat room, instant message, bulletin board hmanga  suahsual rawngbawltu te man chhuahna Software  :

Chanchin bu ah changlo, E mail, chat room, instant message, bulletin board ah te hial pawh thu duk dak lo leh inrikrapna thu thehdarh ching  misual an awm thin. Tin, pawmlai nei  mi nupui emaw pasal emaw  thu lawilo tak tak thawn ching an awm bawk. Hetiang suahsualna hi  Police lam pawhin an buaipui nasa thin hle. Police tihbuai duh vang hrim hrimin  buaina tawk anga insawiin  Mail an thawn thin.  Tin,  mi thenkhat chanchin chhelai an thawndarh chiam thin bawk.Hetiang a  thu an thehdarh hian online defamation nasa tak athlen thin.  Hetiang misual chhuichhuah nan   E-Mail tracer Report  Software an siam tawh bawk. He software hian  tunge an nih, khawiahnge an awm, khawi atangin nge Mail an thawnchhuah tih te leh  Internet an hmanna  Internet Protocol  Address nen chiang takin a chhuichhuak thei a ni.

Cell phone leh Computer a thu pawimawh  paihbo tawh lak let lehna Software :

Hnuhma thup tumin misual in Cell phone leh Computera  suahsualna lam hawi  information  zawng zawng te  lo chawkreh tawh pawh nise, Cell Phone and Computer Forensics Examination software  hmangin Text Messages  paih tawh hnu a lak kir leh theih. SMS Messages paih tawh hnu a lak kir leh theih. Call Records/Dialed Record / Received/ Times/ Durations kimchang taka hriat theih. Contact Names & Phone Numbers, Address Book, Video, Pics & Graphics  paih tawh hnu a lak kir leh theih. Email Addresses Caller ID Sext Messages Chat Logs (Yahoo, MSN, AOL)  a hmuh kir leh vek theih bawk.

Blog, Myspace, web site leh  online forum  misual te man chhuahna Software:

Blog, Myspace, web site leh  online forum hrang hrang hmanga  intih hmingchhiat emaw,  thu diklo thehdarhtu te an awm leh bawk. Hetiang ho hi awlsam takin Blog or Web Page IdentifIcation Software hmangin  a chhuichhuah theih bawk.

Aw le,  Cyber  Criminal Detector  Software  tam tak han siam mahse, Cyber Crime lama inhnamhnawih te hi  Computer expert tak tak te leh mihausa turu tak tak an nih hlawm avangin Cyber Software Engineer  te sum leh pai  tam tham takin an tlawn lungawia,  a lo danna Cyber Software blocker an siam ve leh zel avangin  hnuchhui theih hauh loh engemawzat an awm ve bawk. Computer hmasawnna a than chak em avangin Virus leh Cyber Crime pawh nitin mai hian phung velh ang maiin apung  a ni ber mai. Virus  leh Anti virus  nitin zantin an inbuan zak zak ang mai hian Cyber khawvelah pawh  hnuchhuitu leh an hnuchhui te an inbiruksiak  nitin mai zawng anih hi. Software Engineer te Sum leh paia vur  hnem  thei zawk zawk an chak a ni ber mai.